JEREMI 7:31 - Boy Lonana

³¹ Asi min otel ma li ɓivunna ha hu ɦuɗugumba Ben-Hinnomba kay a ŋgal goryosi suu njufiina u gorɓiina ki u kura. An joɓ dla ndaɗta kaɗi. An saa ka kay dla ndaɗtaɗi lay.

JEREMI 7:31 Iomraidhean Croise

2 MULINA 17:17

Asi gi goryosi suu njufiina u suu tamagina ki duk kura, asi joɓ fulina, asi li ni u dlara suu joɓ loogi suu ɦawana dasirara lay. Asi ɦal tasi ki a li dlara ka ii Yawe jiviɗira, ɓalakam hurum ki egesiya.

2 MULINA 23:10

Nam mbuɗ li ma yam ana Tofetna ki njenjera. Li namma ay ni hu ɦuɗugumba vi goryoŋ Hinnommara kay ana kaa sa ŋgal gorom ma njuf ɗowba gorom ta tama ki duk kura a tokol fuli ma yam ana Molekŋa oloɗi.

2 MULINA 23:20

Kay otel masi nɗaɗta nam ŋgaɗ muli suu li ɓivunna huna ki kayami, ŋgal sok suu warna ki hu may, hin hoŋ ay ki vo Yerusalem.

2 DLAŊ MULINARA 28:3

Nam u tamba ŋgal mbitla his jivira ay ki hu ɦuɗugumba Ben-Himmomba lay. Nam ŋgal goryom ki u kura ko ndal njaf suu co suu Yawe dikisi ki hu mbassa fok suu Israelnara na.

2 DLAŊ MULINARA 33:6

Nam tamba lay ŋgal goryom ki duk kura hu ɦuɗugumba Ben Hinnomba. Nam li dlara kumuna masira u dawra lay, joɓ suu wi dlara lay. Nam ɓeŋ huu Yawe ki u dla cora nam laɗ ka irim jiviɗira.

EZAYI 30:33

Zulla kura hura ki vegi ni day day. Ndaɗ vegi ni kay mulna lay. Ay kaŋga hu day mba ki kolo funu, ni asi nja guna hu a gam kura. Musuk ma cuk ay ki fun Yawena hin gi kura hu zul ndaɗta ni namu.

EZAYI 57:5

Agi ŋgaagi fuli magisina duk gura girmindiŋga u bubura ŋgoo bagiya. Agi ŋgaɗagi goryogi ki fun mbo ŋgolona, u ɦinira lay.

JEREMI 19:2

Aŋ kal ki keŋ ko ma ɦuɗugumba Hinnomba, ay hu vun grek ma doyogi suu tooyna huna na a ɓak boy ma an hin daŋŋa hana kiyo.

JEREMI 2:23

Ndak hin di ana, «An ka ki mbuɗi njenjeɗi. An ka liŋ kay cee Baalɗi,» ni nanage? Gol tuɗ makka hu ɦuɗugumba, gol dlara ndak laɗta. Jamballa cara taɗ feɗta ŋguy kay balam seɗtana.

JEREMI 32:34

Asi cuk zozot masira ni hu zi mayra sen ka yi huruɗta, na ɗaŋŋi asi mbuɗuɗ ki njenjera.

JEREMI 32:35

Asi min otel ma li ɓivunna maŋ Baalna ki hu huɗugumba Ben-Hinnomba a hin ŋgaɗ goryosi suu njufiina u gorɓiina ki maŋ Molek, ŋgalasi ki duk kura, dla ndaɗta aŋ joɓoɗ kaɗi, saara nara ka kan a li dla cora ko wanda na a viɗ Yuda kiɗi.»

EZEKIYEL 16:20

Ndak yow gor njufii maksina u gorɓii suu ndak vuɗunsina manna lasi ki ɓivunna maŋ loogi suu ɦawa asina. Dlara co ndaɗta na ni bay ndakak tu su?

EZEKIYEL 20:26

An hinisi asi mbuɗ tasi ki njenjera u ɓivun masina. Asi ŋgaɗ goryosi suu njufiina suu vuɗ fok jewna ki maŋ fulina, ŋgalasi kiyo. An li na ni a hin kaasi ɓakŋa kasira. Asi hin wi ki ana anni Yawe.

EZEKIYEL 20:31

Hu li ma agi mbaa tlegeyegi ayna, hu li ma agi ŋgal goryogi kina, agi mbuɗ tagi ki njenjera u fuli magi asina ta ta cemi. An may ni hin hin tan a agi mbay joɓon gasi may su agi suu Israelna? An suu tan u iiri manda di ni Bu Suuna, Yawe, an ka ndak a hin tan a agi joɓonɗi.

DLAŊ LEVIRA 18:21

«Aŋ ka ɦal goryoŋ a ŋgalasi ki maŋ ful ma yam ana Molekŋaɗi, aŋ ka ɓalak sem Looŋŋa kiɗi. Ni an, Yawe.

MISE 6:7

Yawe hin min gamalagi suu bolow cocona su? Nam hin min mbul ma tini na fayaɗ ka daɓbina su? An hin ɦammi goron ma vuɗ jewna a bulumun coonda kira su? Goron ma hurunna kay co man an tandara su?

GA 8ATAMBARA 12:31

Kay Yawe Loogina ni agi ka ndak a li ko asi naɗi, kay tlesuu ka ii Yawe jiviɗina, tlesuu nam ka minisiɗina halaŋ asi lasi maŋ loogi masisina. Goryosi suu njufiina u gorɓiina lay asi ŋgalasi ki maŋ loogi masisina.

GA 8ATAMBARA 17:3

tin irim a sun loogi suu ɦawana, goɓ ga fokosiya, fok gi faɗta, tilna u ciciwra u tlesuu kolo huulonna, tlesuu an ɦagi voɗta ka a agi lasiɗi layna,

GA 8ATAMBARA 18:10

Ka sa maa dukugi ɦal gorom ma njuf ɗowba ta tamara ŋgalaɗ ki a li ɓivunɗi, ka sa maa ɦal tam kay dlara kumuna, joɓ loogi suu ɦawana li dlara dawra li dukugiɗi.

JOSUWE 15:8

Ii hakara jak fun ɦuɗugumba vi goŋ Hinnomma, kolo kay mbura dalira hu Yerusalemba na hu ɦoŋzi ma vi suu Jebusna. Ii hakara tuɗ kolo ta ta kay ɦinira vok taɗ u ɦuɗugumba Hinnomba ii u fiɗigina, daɓ ay ki fun mbassa Refara ii mbayawi.