JEREMI 7:25 - Boy Lonana

²⁵ Ay hu li ma somoyosi sel ay ki hu mbassa Egiptera day ta ta hu buu ma karamma an hin ka bay sunusi suu man suu sunda jew jok vun Lona ha tuwa, hu buuna tew tew tan ka loɓbi.

JEREMI 7:25 Iomraidhean Croise

2 DLAŊ MULINARA 24:19

Kay ndaɗta Lona sunusi suu jok vun Lona ay dukusi a asi hoŋ irisi ay eg Yawera. Na may asi ka caa yasi kay boy nammaɗi.

2 DLAŊ MULINARA 36:15

Yawe, Lo ma vi somoyosina, ma hurum oy u minda coco eg suu mamsina u Ziŋ Lonara layna, cukusi suu vun sunda ay egesi bolow zeɗ zeɗ coco a asi mba ɓakasi dlara nam dasira ayra.

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

NEHEMI 9:30

«Aŋ siɓ u asi basara bolowo. Aŋ neesi ki u saa maŋga ki fun suu maŋ suu jok vun Lona lay. May asi tin humusi kaɗi. Na ɗaŋŋi aŋ ɦasi ki ko suu hu mbassa daŋgana.

EZAYI 5:4

An fi vuɗta jivi ka huɗi ni kay mege? An hin lammi ana mege? Va ma an hin dam suna ni mege?

JEREMI 11:7

An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 25:3

Ay hu basara doogo yam hindira vi Josiyas, goŋ Amonna, mul ma Yudana, ta ta hu buu ma tew ki basara dok-mba yam hindira, Yawe ɓakan boy mamma. An ɓakagi seŋ ka dukgi, may agi humun kaɗi.

JEREMI 25:4

Yawe sunugi suu mam suu jokom vunumma ki egegi halaŋ, asi ɓakagi ta ta lay agi hum kaɗi. Agi tin humugi ka a humbi.

JEREMI 29:19

Ni kay ana asi ka humun boy mannaɗi. Yawe di na. Na ɗaŋŋi an sunusi suu man suu sunda ha tew tew suu jok vun Lona. Na may asi ka humbi. Di na ni Yawe.

JEREMI 35:14

Doora Yonadab ma goŋ Rekabma doorogi ki kay sum veŋŋa a camba hiniɗ ka maŋ goryomba asi hum uɗ ɦay. Asi ci sum veŋŋa kaɗi ta ta karami, hummi u gaɗta vi busi ŋgolora. Na may an ɓakagi ta ta lay ni agi humun kaɗi.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 44:4

An sunugi suu man suu sunda suu jokon vununna ana asi dagi na tew tew lay ana, lagi tlesuu co suu an ka minisiɗinaɗi.

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

EZEKIYEL 2:3

Nam dan ana, «Goŋ sanna, an sunuŋ eg suu Israelna, eg suu may suu li gonokka, suu li gonokka u anna, asi u somoyosi lay ta ta cemi.

Magaara Vi Sa Jok Vun Lona OZE 11:7

Suu mansina taɓ tasi u suu ɓeŋesi kina. Asi ka yasi ay koloo. Asi may ni ko wanda na halaŋ ka min a col koloɗi.

Magaara Vi Sa Jok Vun Lona OZE 12:10

An may ni Yawe, Looŋŋa, ay hu mbassa Egiptera day. An hin hoŋoŋ cecemi aŋ hin kak u mbutluɓ maŋŋa daŋgadla, ko ndal hu buu ma an mbay ŋgafagina na.

AMOS 2:11

Na ɗaŋŋi an mbuɗ suu daŋŋa duk goryogi ki suu jok vun Lona, duk suu jivi coco dukugina, an mbuɗ suu hiŋŋa suu Nazirna. gasi ɗowba ɦawa su? Na ni gasi su, goryoŋ Israelna? Di ni Yawe.

MALASI 3:7

Ay hu cokira vi somoyogira day ni agi ka min a van dlaanda kagiɗi, ka li uɗɗi lay. Hoŋogi ay egenu, an hin hoŋ egegi may, Yawe, ma Saɓakŋa Kom Belna, di na. Agi di ana, «Ҥoŋŋi ana mege?»

Boy Ma Ayra Ma LUK Ɓiirimma 11:49

Ni kay ndaɗta wira vi Lona di ki ana, An hin sunugi suu jok vun Lona u suu vovoɗta, agi hin ci suu ɦiw ki dukusiya, hin las suu daŋŋa lay.

GA 8ATAMBARA 9:7

Humugi maa kiɗi, humugi mba gagi ana, agi ɓeŋ huu Yawe Loogina ay ŋgoo bagi hu fulla, col ay hu buu ma agi cuk ay ki hu mbassa Egiptera day ta ta hu li ma agi mba tanina, agi ay ni suu gonokka u Yawena.