JEREMI 7:23 - Boy Lonana

²³ An joɓosi ni ko wanda na, «Humungi vununu an hin mbuɗ ki a Loogina, agi may ni hin mbuɗ ki ni suu mansina. Tuɗugi jivi hu voɗta an takagirara, agi hin kak u heɓpa.»

JEREMI 7:23 Iomraidhean Croise

JOB 36:11

Lini asi huma, hoŋ yasi ga wa ni, nam hin daɓasi buu masina ni u furira. Basa masira hin daɓmi u jivira may.

SOOLLA 119:3

Asi li dlara ci maɗ kaɗi, asi tuɗ ni hu voɗta ɗegee.

SOOLLA 40:6

Yawe, Loonna, sa ma ŋga u aŋ kaɗi, aŋ tak dlaaŋga mbuɗ mbuɗta ki cocoo. An li a ndumuɗ lay ni, ka ndakgi, kay ndaɗ bolow cocoo.

SOOLLA 81:13

an dikisi ki u hurusi ma sooyna, asi li dlara asi min a laɗta.

KALKIRA 15:26

Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»

KALKIRA 16:32

Moiz di ana, «Gola Yawe di ana, Agi ŋgay maa kolo tassa dew a hin takam ka maŋ goryogi a asi hin wi ti ma an ɦagina ay ŋgoo bagi hu fullana ka may, hu li ma an cukugi ay ki hu Egiptena.»

EZAYI 3:10

Di ana, Sa ma ɗegeena kak u furira. Nam fi jivira kay dlara nam ka laɗ u bik komba.

JEREMI 11:4

Ta an ɓakaɗ dlaɗ ay maŋ somoyogi hu li ma an cukusi ay ki hu mbassa Egiptera, hu li ma kura cocona. Humungi delenu, takangi dlara an ɓakagirara ki kiɗiki. Na ɗaŋŋi agi hin mbuɗ ki suu mansina may. An hin mbuɗ ki Loogina may.

JEREMI 11:7

An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 13:11

Ko ndaɗta na asi njunusi gandina u furusiya, ni ko an njun suu Israelna halaŋ, suu Yudana halaŋ ki u furundana, Yawe di na, a asi mbuɗ ki suu mansina, sen ma geleɗta, sem ma saɓakŋa, dla jiv tara, na may asi min ka hum va dewɗi.»

JEREMI 22:21

An ɓak u aŋŋi hu li ma dla ka kaŋ tuɗi na, aŋ hoŋon dira ana, «Aŋ ka min a humbi.» Ni dlara aŋ laɗ ay u goo taŋ dayra, aŋ humun delen ay kaɗi a fafaɗta.

JEREMI 22:3

Yawe ɓak anaba, njunugi kay ma ɗegeena u ma jivina, buɗugi suu suu saɓakŋa lasasina kiyo, lasasiɗi, lasagi sa mbay ŋgayra varaginaɗi. Goo haw kuyuna u cara donoraɗi lay. Voogi busu suu li va kaɗina kaŋga hu li nammaɗi.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

JEREMI 38:20

Jeremi dam ana, «Sa hin ka ɦaŋ kiɗi, hum del Yawe u dlara an daŋgara aŋ hin kak jiviya, hin suɗ ki lay.

JEREMI 42:6

Li ni boy namma furyumi hurumi ɗowba ɓeŋemi hurumi lay ni, ami hin hummi del Yawe, Loomina, ma ami sunuŋ ha egemma. Dlara hin tuɗ jiviya, kay ana ami hin hummi vun Bu Suuna, Loomina.»

SOFONI 3:2

Ndaɗ hum yira kaɗi, ndaɗ vi haɗta ka kaɗɗi, ndaɗ hum vun Yawe kaɗi, ndaɗ ɦuɗ taɗ ay ka eg Looɗnaɗi.

ZAKARI 6:15

Suu ay ki keŋ day dayna hin mbay li sunda hu ziŋ Yawera. Agi hin wi ki ana, Yawe, ma Saɓakŋa Kom Belna, sunun ay egegi ni namu. Dla ndaɗta hin mba li ni agi humugi vun Yawe Loogina.

ZAKARI 7:7

Ni boy ma Yawe ɓakam ki fun suu basi suu jok vun Lona hu li ma Yerusalem kaki u heɓpa enna, ɦoŋzi maɗna ŋguy kaɗ lay, lii dalina u mbas mayra kaŋga ura suuna ka hurusi bolow coco lay.»

ROMMA 16:26

Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.

2 KORINTNA 10:5

Ami toomi tlesuu sana colosi a ŋga tamma kay wira vi Lona ki kaŋga halaŋ ami njun saara daŋga kaŋga halaŋ kay a hum u Kristu.

GA 8ATAMBARA 11:27

Paɗvunna ni lini agi hum u gaɗta vi Yawe Looginara, ta an ɦagira cemi wandara.

GA 8ATAMBARA 13:4

Agi hum boy ma vi sa ma jok vun Lona nammaɗi. Kay ni Yawe Loogina hal a tukugi ni tuki ɦawaa, kay a wi ki ana agi gasi ni suu min Yawe Loogina gasi u hurugi halaŋ u mbalatagi halaŋ may sura.

GA 8ATAMBARA 13:5

Agi tuɗ ni u Yawe Loogina nam dew, agi lammi ndaaram na dew, agi li ni u gaɗ mamba na hol, agi humummi delem na dew, sunummi nam dew may, agi njun tagi ni egem na dew.

GA 8ATAMBARA 30:2

Agi hoŋ ay gak gak eg Yawe Loogina, humum vunumu, agi u goryogi halaŋ u hurugi dew, u saa magira halaŋ, lagi u dlara an dagira cemi wanda.

GA 8ATAMBARA 30:20

Ni u minda min Yawe Looginara, humum vunumu, njun tagi ni egemu. Ni agi hin lak iiriya, buu magina ɦuɗ foko, hu li ma agi hin cuk hu mbassa Yawe vi vunum u somoyogi Abraham, Isaak u Yakob kaɗta.

GA 8ATAMBARA 30:8

Agi may ni hoŋ humugi vun Yawe Loogina, lagi u gaɗ mamba an dagira cemi wanda halaŋ.

GA 8ATAMBARA 4:10

Hu li ma Yawe dan boyna ay u ɦinira Horebpa ni agi ay coli egenu, Yawe dan ana, «Tokon suuna ay egenu, an min ɓakasi boy manna a asi haɗam a lan ndaaran hu li ma asi ka iiri tu kay ndaŋgara tanina. A asi haɗ boy namma ka maŋ goryosi may.»

GA 8ATAMBARA 4:40

Ŋgomogi gaɗ mamba u yal mamma an haɗagina cemi wanna jiviya, ni a lagi jivira ni magi agi u goryogi suu hin hin ka ŋgoorogi daganna, kay ana buu magi ma kay ndaŋgarana ɦuɗ foko, ko Yawe cukugi buuna ha fun magina na tew tew. Yurdaŋŋa

GA 8ATAMBARA 5:16

«Aŋ hum u gi buŋ u suŋ jiviya ko Yawe Looŋŋa gaɗaŋga na, kay a buu maŋ ma Yawe ɦaŋŋana mbuɗ fok ŋgol kay ndaŋgara may, aŋ kak u tara fanira may.

GA 8ATAMBARA 5:29

Lini asi min gasi a lan ndaaranu, a li u gaɗ manda hu buuna tew tew may ni, kay jivi masira kay goryosi lay ha na gak gak.

GA 8ATAMBARA 5:33

Agi tuɗugi tew tew ni hu voɗta Yawe Loogina haɗagirara, ni kay ana agi hin lak iiriya. Agi lak u furira a buu magina ɦuɗ ha fok hu mbassa agi hin a lak hura may.

GA 8ATAMBARA 6:3

Agi suu Israelna humugi haa, lagi uwa, ni agi hin fi saɓakŋa agi hin zul coco ko Yawe vi vunum u tamba dira na, Lona vi somoyogiya, hu mbas mayra law mbiira u mbul yumma.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

1 SAMUEL 15:22

Samuel di ɗaŋŋi ana, «Yawe min ɓivun ma ŋgalam ki ŋgalina u ma lam ɦawana ŋgolla su humba hum u boy mammara su? Ҥawaa, humba ni ŋgol su ɓivunna, gi yamba kaŋgara su mbul gamlagina.