JEREMI 7:2 - Boy Lonana

² Aŋ col fun zira vi Yawe a ɓak boy namma kira. Humugi boy ma vi Yawena haa. Agi suu Yuda suu kalagi hu fun zi ndaɗta a goɓogi kaŋga fok Yawena.

JEREMI 7:2 Iomraidhean Croise

1 MULINA 22:19

Mise hoŋ di hu olo ana, «Jiviya, aŋ hum boy ma Yawe damma haa. An wi Yawe kaki kay dlam mamba. Suu duu suu huulonana coli kolo u sesi egemu, kay bikim njuf may, bik gulu may.

SOOLLA 122:2

Cemi ami ka coli vun grek zi ma Yerusalemma.

EZAYI 1:10

Humugi boy ma vi Yawena haa, agi suu ŋgolo suu Sodomma. Tin humugi hum haɗta vi Lonara agi suu Gomorna.

JEREMI 10:1

Humugi boy ma Yawe ɓakam kagi agi suu Israelna haa.

JEREMI 11:6

Yawe dan ana, «Tuɗ ɓak boy namma ki hu ɦoŋzi ma Yudana halaŋ, ki hu voɗta Yerusalemba halaŋ may ana, humugi dlara kay galambara haa, hin takagi dla ndaɗta ki kiɗik may.

JEREMI 19:14

Jeremi hoŋ ay ki hu Tafet ma Yawe sunum ay hu ana nam ɓakam boy mamma kina. Nam col fun zira vi Bu Suunara. Na ɗaŋŋi nam ɓak suuna halaŋ.

JEREMI 2:2

Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

JEREMI 2:4

Humugi boy ma vi Yawena haa, agi suu vi Yakobma u dee suu Israelna halaŋ.

JEREMI 26:2

Yawe ɓak anaba, aŋ col fun Zira vi Yawera ɓak suu hu ɦoŋzi ma Yudana suu mbay goɓ kaŋga hu Zira vi Yawerana halaŋ, dasi boy ma an daŋŋa ha masina ki halaŋ hin maa kiɗi.

JEREMI 28:5

Sa jok vun Lona, Jeremi, hoŋ dira maŋ sa jok vun Lona, Hananiya, fok muli suu li ɓivunna u suu ka hu Zira vi Yawera halaŋ.

JEREMI 34:4

Na lay ni Sedesiyas, mul ma Yudana, hum boy ma vi Bu Suunana haa. Yawe ɓak kaŋ anaba, aŋ hin ka miɗ ki ko ŋgewraɗi.

JEREMI 36:10

Na ɗaŋŋi Baruk ndum boy ma vi Jeremi ma ɓiiri hu magaa bakkana hu Ziŋ Lonara, hu zira vi Gemariya ma goŋ Safan ma li sunda hu taraŋ ŋgolla hu vun zira wilira vi Ziŋ Lonara. Nam ndum boy namma ki maŋ suuna halaŋ halaŋ.

JEREMI 36:6

Aŋ tuɗ hu u taŋga hu buu ma li laara hu zira vi Lonara, col iriŋ ha kay suuna na ndum boy ma ɓiiri hu bakkana ma aŋ ɓiirim an daŋŋa col ay fun Yawena. Ndumum ki maŋ suu Yuda suu col ay hu ɦoŋziisina zeɗ zeɗ mbayna.

JEREMI 44:24

Na ɗaŋŋi Jeremi di suuna halaŋ, maŋ boyogina halaŋ ana, «Humugi boy ma vi Yawena haa, agi suu Yuda suu hu mbassa Egiptera.

JEREMI 7:1

Yawe ɓak boy mamma maŋ Jeremi.

EZEKIYEL 37:1

Saɓak ma vi Yawena mbay kanu, Musuk mamba tlan tuɗ tinin ki hu ɦuɗugumba ŋgolla sok suu warna cuki kaŋga hu na cakam cakam.

Magaara Vi Sa Jok Vun Lona OZE 5:1

Humugi dlara wanda haa, agi muli suu li ɓivunna, tinigi humugi jiviya suu Israelna. Suu vi mulnana tinigi humugi jiviya. Agi ni suu a kaɓakŋa u ɗegeera na, doli ɗaŋŋi agi ni ko ndal daw ma gunum hu ɦoŋzi ma Mispana na, ko ndal bay ma gunum kolo kay yam ɦinira Taborra na.

AMOS 7:16

Cecem wanda ɗaŋŋi aŋ hum boy ma vi Yawena. Aŋ di ana, Aŋ hin ka jok boyna ki maŋ suu Israelnaɗi, ka gi vunuŋ kuf kay zi ma vi Isaakŋaɗi.

MISE 1:2

Humugi haa, agi njaf suuna halaŋ. Ndaŋgara li kagi jejege u tlesuu kaɗna halaŋ. Bu Suuna Yawe kaagi ɓakŋa kagiya, Bu Suuna ay kolo hu ziim day.

MISE 3:1

An di ana, «Humugi ha ɗaŋ muli suu vi Yakobma, suu kaɓakŋa vo vi Israelna, agi a wi ɗegeera ni agiɗi su?

MISE 3:9

Humugi boy namma ha ɗaŋ, agi muli suu vi Yakobma, suu kaɓakŋa vi Israelna asi suu mbuɗugi boy ma jivina ki balam dla corana, dlara ɗegeera agi mbuɗuɗ ki gunira na ɗowna.

MATIYE 13:9

Yesu dasi ana, «Agi li huma ni, humugi haa.»

Boy Ma Ayra Ma JAŊ Ɓiirimma 18:20

Yesu hoŋom dira ana, «An ɓak ki ni fok suuna halaŋ. An haɗ tew tew ni hu Zira Tokka, hu Ziŋ Lonara may ni hu li suu Juifna tok tasi huna, an di va ma ŋgay kaɗi.

SUNDA 5:20

«Tuɗugi hu Ziŋ Lonara dagi boyna maŋ suuna kay iirira wilira.»

SUNDA 5:42

Hu buuna halaŋ asi haɗ suuna hu Ziŋ Lonara voo hu ziisi lay. Asi di Boy ma Ayra maŋ suuna kay Yesu ni Sa Lona Fuurumma.

WIRA ŊGAYRA 2:11

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓakŋa na gak gak su kay ndaŋgarana, miɗ ma mbana hin ka fasiɗi.

WIRA ŊGAYRA 2:17

Lini sa ma humum ka huma ni hum boy ma Musuk Lonara dam maŋ suu vi Kristuna jiviya. Suu col eŋ na gak gak suu kay ndaŋgarana an hin ɦasi manna ma ka ŋgayna. Duk suu asina an hin ɦasi goyra haɓpa semma wilina ɓiiri huruɗna, wammi sa ma famma doy hol.

WIRA ŊGAYRA 2:29

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 2:7

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓak gak gak hin tina wanni ana an hin ɦasi eŋga a ti vuɗ gu ma iirina ma ka hu Paradis Lonna.

WIRA ŊGAYRA 3:13

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 3:22

Lin sa ma humum ka huma, ni hum boy ma Musuk Lonara dam maŋ suu vi Kristuna jiviya.

WIRA ŊGAYRA 3:6

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.