JEREMI 7:19 - Boy Lonana

¹⁹ Na ni gasi co ndaɗta asi laɗ ni egen su, Yawe di na. Na ni co ndaɗta ka ni egesi tasiraɗi su? Asi hin mbuɗ ki zolona.

JEREMI 7:19 Iomraidhean Croise

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

JOB 35:6

Lini aŋ li dla cora ni va ma ndol Lona huna ni mege? Hu li ma aŋ ŋgel humuŋ ki nana ni va ma ŋgen Lona huna ni mege? Va ma ndol Lona ka hu na ndeɗi.

EZAYI 1:20

Na may lini agi ŋgella, mbuɗ tagi a suu babalira ni, ŋgewna hin fagi may. Ni boy ma Yawe damma.

EZAYI 1:24

Kay ndaɗta Bu Suuna Yawe, ma Saɓakŋa Kom Belna, mul ma vi suu duuna, saɓakŋa vi suu Israelna di ana, Hahawra, an hin sa sukulna kay suu gonok mansina, sa sugulun u suu babali mansina.

EZAYI 45:16

Suu goɓ loogi suu ɦawana halaŋ ki mbuɗi zolona, suu ceɗ loogina halaŋ suuna ka ŋgulusiya.

JEREMI 15:9

Cara vuɗ goora ki kiɗisiyara miɗ kiyo. Ndaɗ ka musuk oloɗi. Fataɗ ca ki hu buuna dukka gayra wa. Dlara zolona mba kaɗ wa. Ndaɗ mbuɗ ki zolona wa. Dlara hin ŋgoo daganda ni an caɗ ki u ŋgewra, hin ɦaɗ ki maŋ suu babali maɗsina. Di ni Yawe.

JEREMI 2:17

Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 20:11

Na may Yawe ka u an ko ndal sa duu ma saɓak cocona na. Suu lasanna hin puk kaŋgaa, hin ka ndak ki fun dlaasiraɗi. Zolona hin casiya. Asi hin ka ndak a li vaɗi. Asi hin mbuɗ ki zolona a fafaɗta, hum sa hin ka maa dla ndaɗta kiɗi.

JEREMI 22:22

Suu goloŋŋa halaŋ semeɗna sunusi a taa suuna, banayaŋŋa tuɗ ki mbeera wa. Gasi, zolona u hahawra hin mba kaŋu kay ci wayra aŋ caɗ kay dla cooŋgara.

JEREMI 25:7

Na may ni agi hum kaɗi. Yawe di na. Doli ɗaŋŋi agi lan dla cora egenni li na ɗow.

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

JEREMI 44:3

Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

JEREMI 9:19

Boyogina humugi boy ma vi Lonana haa. Ko humugi hum boy ma funumma haa. Haɗagi soolla maŋ gorɓii magisina, yootara maŋ ndarayagina.

EZEKIYEL 16:26

Ndak li dlara gawlaŋga u suu Egiptena suu ziisi ii hakara u ndakŋa suu zew ŋgolona, ndak zul dla cora kakŋi zuli na ɗow ɗow a ɓalakan hurunda.

1 KORINTNA 10:22

Ɗowba aygi ndak a li yowmusna eg Bu Suuna na su? Agi saa ana aygi saɓak suum su?

GA 8ATAMBARA 32:16

Asi ɓeŋ huu Lona u goɓpa asi goɓ loogi suu ɦawana, asi mbuɗum yara u dlasira asi laɗta.