JEREMI 7:18 - Boy Lonana

¹⁸ Gor kemba yow gu ma sooyna, somoyosi suu njufiina ŋgal kura may, boyogina yaras fuɗta a li komnjoɗina maŋ mulla kolo huulonara. Agi lagi ɓivunna maŋ loogi suu daŋŋa ko ndaɗta na ni agi lagi ni cora egenu.

JEREMI 7:18 Iomraidhean Croise

1 MULINA 14:9

Aŋ li dlara ki ni co su suu may suu kak ay fokoŋ jewna halaŋ halaŋ. Aŋ tuɗ ta ta min loogi suu daŋŋa kay taŋu. Yoo fuli tlena a duu u anda. An tanda may ni aŋ zuɗun ha ki ŋgoroŋ dagan na day.

1 MULINA 16:2

«An coloŋ ay ki kolo duk buɗna, kakaŋ a mulna kay suu man suu Israelna. Aŋ hin tli koŋŋi voɗta vi Jeroboamba olo. Aŋ cukun suu man suu Israelna hu dla cora a duu u an u dla coosira asi laɗta.

SOOLLA 16:4

Suu hal jivi masira eg loogi suu ɦawana, tok kasi ni wihawra ɦawana. An ka ndak a vasi busu masi ma asi yamammaɗi, vunun ka yasi sesi fununɗi lay.

EZAYI 3:8

Na daŋ may Yerusalem daɓ sem wa, Yuda bow ki ga wa. Dlara asi daɗta u sunda asi laɗ fok bibiŋilla vi Yawe ni ciwayra.

EZAYI 57:6

Agi man ɦinira ceɗira ta ay duk mbo ŋgolnara, agi goɓoɗ ko lona na. Agi ka haɗ tlesuu tira u suu cira lay, dla ndaɗta na ni an ndak a siɓiɗ na gak su?

EZAYI 65:11

Na may agi suu noy Yawe kina, agi suu maa ki kay ɦini manda teteɗtana, suu li ɓivunna maŋ lo ma ci beelerra, lagi mbul ma hisna ni maŋ ful ma di ki kay dlara fokka.

EZAYI 65:3

Ni suu ka ɓalakan hurun tew tewna, asi li ɓivunna ha ki ŋgoo hu zi fulina, asi ŋgal mbul ma hisna ni kay givin ma togolla ma mini u birikka.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 17:2

Asi ɓak kay goryosi may ni, asi hin ɓak kay otel masi ma ɓivunna u gu ma ɓivun ma pii eg ŋgusugina humum ɗuf tew tew kolo kay ɦinira fiyekkana may.

JEREMI 19:13

Zigini suu njenje suu Yerusalemma u muli suu Yudana mbuɗ ki ko li ma mbuyna na, gasi zigini asina halaŋ suu ŋgal ɓivunna kolo kay yasi maŋ suu duu suu huulonana, li ɓivunna maŋ loogi suu daŋŋa lay.

JEREMI 25:7

Na may ni agi hum kaɗi. Yawe di na. Doli ɗaŋŋi agi lan dla cora egenni li na ɗow.

JEREMI 32:29

Suu Kalde suu ŋguy yam ɦoŋzi namma kina hin kal hurumu. Asi hin cuk kura kay ɦoŋzi namma. Asi hin ŋgalam ki u zigini suu ŋgalasi ɓivunna kolo kasi maŋ Baalna u sum ma maŋ loogi suu daŋŋa a ɓivunnana.

JEREMI 44:25

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, u agi boyogina ki dii lay, ki lii lay, agi di ana ami min takki ni dlara ami min a laɗta. Ami ŋgal ɓivunna maŋ mul cara huulonara, vooɗ mbul ma his jivina ay may. Lagi dlaagira agi min a laɗta, lagi ɓivun magina.

JEREMI 44:4

An sunugi suu man suu sunda suu jokon vununna ana asi dagi na tew tew lay ana, lagi tlesuu co suu an ka minisiɗinaɗi.

JEREMI 7:17

Na ni aŋ ka wi dlara asi laɗ ɦoŋzi ma Yudanara, laɗ hu voɗta Yerusalemba.

YOORA 5:13

Gorzoŋŋina tli ɦinira luɗna kasiya, gor njufiina puk kaŋga ko nek guna.

EZEKIYEL 16:26

Ndak li dlara gawlaŋga u suu Egiptena suu ziisi ii hakara u ndakŋa suu zew ŋgolona, ndak zul dla cora kakŋi zuli na ɗow ɗow a ɓalakan hurunda.

EZEKIYEL 20:28

«An cukusi hu mbassa, an suu tan tli kon kolo ana an a ɦasirara. Asi hal ni ɦini mayra kolo dayra u ŋgus mayna ɗufi cocona, li ɓivun masina ni huwa. Asi li ni ɓivun ma ɓalak huuna na ɗow. Asi tin mbul ma his jivina ni huwa, vo sum veŋ masina ni hu may.

EZEKIYEL 8:16

Nam tuɗun ha hu gulumunna kurufu eg Ziŋ Yawera. Gola kurufu hu Ziŋ Yawera ni duk ɦoŋ vunna u givin ma togolla ni suuna ka hu va ma dok-mba' yam vadl. Ŋgorosi mbuɗi maŋ li ma vi Yawena na, irisi mbuɗi u maɗiina na may. Asi ka goɓ vogosi ga fok faɗta.

EZEKIYEL 8:17

Nam dan ana, «Goŋ sanna, aŋ wi wa su? Dlara co ndaɗta wanni ndak suu Yudana ka tuɗi su? Asi ɓeŋ mbassa ki u dlaasira cora, cemi asi gijaŋ lan cora ni egen anu. Gola cemi asi ka ɦuɗ hum bawra ay cinisiya.

1 KORINTNA 10:22

Ɗowba aygi ndak a li yowmusna eg Bu Suuna na su? Agi saa ana aygi saɓak suum su?

GA 8ATAMBARA 32:16

Asi ɓeŋ huu Lona u goɓpa asi goɓ loogi suu ɦawana, asi mbuɗum yara u dlasira asi laɗta.

GA 8ATAMBARA 32:21

Asi ɓalakan hurun ki u fuli masisina wa, asi mbuɗun ki yara u goɓ masira goɓ fulinara. An may ni hin ɓalakasi hurusi ni u suu ɦawana suu ka suu mansinaɗina may, suu asina hin ɓeŋesi hursi ki may.

GA 8ATAMBARA 4:19

Ka agi gol irigi kolo huulona wi gi faɗta, tilna u ciciwra tlesuu kolo huulonna halaŋ a zuɗugi a goɓ ga fokosiɗi, a sunusiɗi lay, kay asi ni tlesuu Yawe Loogina tunusi kolo huulona ni maŋ suu kay ndaŋgarana halaŋ.