JEREMI 7:14 - Boy Lonana

¹⁴ Na ɗaŋŋi zira ka ɓak ki kay senda, ta agi ɦal saaragi kaɗta u li ma an ɦagina ki lay, maŋ somoyogi layna, an hin lasasi ni ko an las Silora na.

JEREMI 7:14 Iomraidhean Croise

2 MULINA 25:9

Nam ŋgal Ziŋ Yawera kiyo, ŋgal ziŋ mulnana ki may, ŋgal zi ma Yerusalemma ki halaŋ halaŋ, to zi ma vi suu ŋgolonana ki bel bel.

2 DLAŊ MULINARA 7:21

Ziin mayra dlaɗ ay ŋgol coco ndaɗta, gegelay ma hin jak egeɗna saara cammi na ci, hin di ana Yawe a li na ni dla me eg mbas ndaɗta u Ziŋ Lonara ndaɗta nage?

SOOLLA 78:60

Nam hin ziim ma hu Silona kiyo, nam noy suu Israelna ki halaŋ.

EZAYI 64:11

Yawe, ɓalak ndaɗta na ni aŋ kak na en, ka di vaɗi su? Aŋ ndak seŋ taŋ na gak gak, hinimi ami las tu su? Hin a dlara su ki kami saɓaki tu su?

JEREMI 12:7

An noy ziinda kiyo. An yow kon ki kay tlesuu varanna wa. Ndaɗ ta an miniɗ ɦayra an ɦaɗ ki maŋ suu babali maɗsina.

JEREMI 23:39

Na ɗaŋŋi an hin gologi ni u tanda hin cukugi ha ki egen na day. Agi tagira u ɦoŋzi ma an ɦagina ki magi u somoyogina.

JEREMI 26:18

«Mise ma Moresetna, ma li sunda jok vun Lona, hu li ma Ezekiyas a mulna hu Yudana di suu Yudana halaŋ ana, Bu Suuna, ma Saɓakŋa Kom Belna, ɓak anaba, Siyon, suuna hin laɗ ki baraɗna ko senena na, Yerusalem hin mbuɗ ki ni didiŋga zozoɗta, yam zira vi Lonara ma kolona hin mbuɗ ki ni ko bubura na.

JEREMI 26:4

Aŋ hin dasi ana, Yawe ɓak anaba, lini agi ka tin humugi a hum dlara an daɗta a tuɗ unɗi ni,

JEREMI 7:10

Hin hoŋogi ay mba col fokon hu zira sen ka ki kaɗ a di ki ana, «Ami ki suɗiya,» hin tuɗ fok u lira li dla cora na gak gak su?

JEREMI 7:12

Tuɗugi ni hu li ma varanna na ɗow hu Silo, hu li ma an hin sen ay jew hurumma. Agi wi ana lasammi kay dla cora vi suu man suu Israelnara.

JEREMI 7:4

Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

YOORA 2:7

Bu Suuna noy givin ma togolla kiyo. Nam noy liim ma teteɗna kiyo. Nam ɦal gulumun ma kay zigini suu hu ɦoŋzina na maŋ suu babalira. Suuna yi ay kolo u delesi eŋga hu zira vi Yawera ko hu buu ma luuna na.

YOORA 4:1

Ni nana lorra hin ka liɗi, kawi ma jivina hin ka liɗi, gogoyra teteɗta hin njay ki keŋ hu voɗta ni ge?

EZEKIYEL 23:31

Ndak tli ni dlaŋ wayakkara olo. Kay ndaɗta an ɦak ŋgal maɗna hu duk kok wa may.

EZEKIYEL 24:21

Di suu Israelna ana, Bu Suuna, Yawe, di ana, an min ɓalak Ziinda kiyo, ŋga taagira kay saɓak maginara, furi magira agi laɗ wanda, hurugi ma tini kay iiri magirana. Goryogi suu njufiina u gorɓiina suu agi hinisi hu Yerusalem wanna ŋgewna hin casi kiyo.

GA 8ATAMBARA 12:5

Agi hin halammi hu li ma Yawe Loogina hin manam duk njafagi halaŋ a tin sem huna, a kakŋi hu lay, ni agi hin tuɗ ni hu li namma.

GA 8ATAMBARA 28:52

Asi ŋguyugi yam ɦoŋzi magi ma agi huna ki u suu duuna halaŋ halaŋ hu ndaŋga mayra Yawe ɦagirara ta ta toogi ɦoŋziigi ma agi li saɓakŋa umma ki gaa, gulumun ma agi tin hurugi kamma, asi ŋguyugi yagi ki ni hu ɦoŋzina halaŋ.