JEREMI 7:13 - Boy Lonana

¹³ Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

JEREMI 7:13 Iomraidhean Croise

VUN ŊGOLNA 1:24

Kay an yagiya, agi humun kaɗi, an feɗegegi ha lay ni, sa ma caa yam a golon kon kaɗi.

EZAYI 50:2

An mbay tani fi sa kaɗi ni nanage? An yi lay sa ka humunɗi ni nanage? An ka ndaki a buɗugi kiraɗi su? Saɓakan ka ndaki a suɗugiɗi su? Gola u saɓak manna an so mbo lumma kiyo, li ma mbona huna an mbuɗum ki mbassa. Kay mbo kaɗira kuluf ma goloŋŋa halaŋ miɗ kiyo.

EZAYI 65:12

An may ni ndumugi halaŋŋi a ŋgaɗ kira, agi halaŋ hin goɓ vun givigi ga a ŋgaɗagi kira. An yagiya agi hum kaɗi, an njaɗ lay ni agi humun vunun kaɗi, agi li dlara ka irin jiviɗira, agi vi tagi ni eg dlara an ka miniɗɗira.

EZAYI 66:4

An may ni hin lasi dlara asi miniɗ ndaɗta may, an hin mbaarasi dla cora asi li ndaana koɗ ndaɗta kasiya. An yasiya sa humun ka dewɗi, an ɓakasiya, sa ma tin humum a hum kaɗi. Dlara an goloɗ irin cora asi manaɗ ni ndaɗu, ni dlara ka irin jiviɗira.

JEREMI 11:7

An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 11:8

Na may asi hum kaɗi. Asi tin humusi kaɗi lay. Gegelay su vunna ki u yasira eŋga ka haɓbira. Na lay ni an li dlara an ɓakaɗ kay galambara egesiya, ta an ɓakasi ana asi takaɗ ki kiɗikira asi hin takaɗ ka ki kiɗiki lay.»

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 13:11

Ko ndaɗta na asi njunusi gandina u furusiya, ni ko an njun suu Israelna halaŋ, suu Yudana halaŋ ki u furundana, Yawe di na, a asi mbuɗ ki suu mansina, sen ma geleɗta, sem ma saɓakŋa, dla jiv tara, na may asi min ka hum va dewɗi.»

JEREMI 25:3

Ay hu basara doogo yam hindira vi Josiyas, goŋ Amonna, mul ma Yudana, ta ta hu buu ma tew ki basara dok-mba yam hindira, Yawe ɓakan boy mamma. An ɓakagi seŋ ka dukgi, may agi humun kaɗi.

JEREMI 26:5

Lini agi ka hum boy ma suu man suu jokon vununna dammaɗi, suu an sunusi ha egegi tew tewnaɗi, ka humugiɗi lay ni.

JEREMI 29:19

Ni kay ana asi ka humun boy mannaɗi. Yawe di na. Na ɗaŋŋi an sunusi suu man suu sunda ha tew tew suu jok vun Lona. Na may asi ka humbi. Di na ni Yawe.

JEREMI 32:33

Asi ɦan zagaɗasiya, ka ɦan hurusiɗi, an haɗasi na tew tew lay ni asi ka humunɗi, ka van haɗ manda kasiɗi lay.

JEREMI 35:14

Doora Yonadab ma goŋ Rekabma doorogi ki kay sum veŋŋa a camba hiniɗ ka maŋ goryomba asi hum uɗ ɦay. Asi ci sum veŋŋa kaɗi ta ta karami, hummi u gaɗta vi busi ŋgolora. Na may an ɓakagi ta ta lay ni agi humun kaɗi.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 44:23

Ni kay ana agi ŋgal ɓivunna agi mbuɗ ki cora fok Bu Suuna ni na, agi humum delem kaɗi, tuɗ ka u gaɗ mambaɗi lay, dlara nam daɗtaɗi lay, gasi ni na, dla cora mba kagi ni na. Ni dlara cecem wan daŋga gasi.»

JEREMI 44:4

An sunugi suu man suu sunda suu jokon vununna ana asi dagi na tew tew lay ana, lagi tlesuu co suu an ka minisiɗinaɗi.

JEREMI 5:21

Humugi boyna haa, suu saarasi u to'onosi kaɗina. Irisi ka kasi may asi ka wiɗi, humusi ka lay asi ka humbi.

JEREMI 6:10

Sa hin humun boy manna u gaɗ mandana ni gege? Ҥii, humusi ki ŋgeliya, asi ka ndak a hum dlaɗi. Asi gol boyna vi Yawe ni ko ndal ŋgulla na, asi ka minimbi.

JEREMI 7:25

Ay hu li ma somoyosi sel ay ki hu mbassa Egiptera day ta ta hu buu ma karamma an hin ka bay sunusi suu man suu sunda jew jok vun Lona ha tuwa, hu buuna tew tew tan ka loɓbi.

Magaara Vi Sa Jok Vun Lona OZE 11:2

Suu may suu yasina, asi ɦuɗ tasi ki egesi na day. Asi li ɓivunna ni maŋ Baal, ni maŋ fuli suu ceɗesi u kosina asi lasi ɓivun ma ŋgalam ki ŋgalina.

Magaara Vi Sa Jok Vun Lona OZE 11:7

Suu mansina taɓ tasi u suu ɓeŋesi kina. Asi ka yasi ay koloo. Asi may ni ko wanda na halaŋ ka min a col koloɗi.

Magaara Vi Sa Jok Vun Lona OZE 9:17

Loonna hin zuɗusi kiyo, kay ana asi humum kaɗi. Asi hin gijaŋ poy kolo duk njaf suuna.

ZAKARI 7:13

Ni na may Yawe, ma Saɓakŋa Kom Belna, di ana, «An yasiya, asi humun kaɗi. Ni na may asi yan wanni an humusi kaɗi may.

MATIYE 23:37

«Yerusalem, Yerusalem, agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗ nara yan gage? Aŋu, aŋ min kaɗi lay.