JEREMI 6:7 - Boy Lonana

⁷ Ko ndal doyra vi yona kolo huruɗta na ni ndaɗ ndak a ŋgay dla cooɗta huruɗu. Vo varaɗ ni ɓakŋi dlara saɓakŋa u ɦurumba. Ko ndaɗta na ni wihawra u yootara irin wasi na ni mbuɗ hahawra.

JEREMI 6:7 Iomraidhean Croise

VUN ŊGOLNA 4:23

Saa jivi kay dlara aŋ humuɗta, kay ii hakara vi iiri maŋgara ka ni kay boy namma.

EZAYI 1:6

Col ha ga kay semma ta ta tuɗ kolo kay yamba ni va ma jivi kaɗi, dagka, mbilna, u mbilna cuɗ loora. Sa ka mbus mbil nammaɗi lay, ka njunumbi lay, ka a do mbul ii mbilna a ɗerɗem irimbi lay.

EZAYI 57:20

Na may suu li dla cora ni ko ndal mbo lum ma ɓaɗna na, mboom ka col na enɗi. Mboom doɓira ni na boɗof ɗof, ka ɗilɗi.

EZAYI 59:6

Baraw masi ndaɗta ka a cuk ta saɗi lay. Sa ka ndak a baa tam u sun masi ndaɗtaɗi. Tlesuu asi lasina ni suu a laŋ cona na ɗow. Huu duk kosi oyra ni u dlara ci matna.

JEREMI 20:8

Tew tew hu li ma an min a ɓak boyna wanni, an yi kolo u delen eŋga ana, mbay njununu. «Yara egen lay, lassa kan lay,» Kay boy ma vi Yawena an mbuɗ ki va lassa hu buuna tew tew lay, ŋgulun lay, panan lay.

JEREMI 30:12

Yawe ɓak anaba, dlara aŋ daɗta sa ka mbuɗuɗ ki zeɗɗi. Mbil ma aŋ kaamma ka cilɗi.

JEREMI 30:13

Sa ka njun kaŋgi, mbil ma aŋ kaamma kumu ma kam kaɗi.

JEREMI 30:15

Aŋ gurni duk dla cooŋga wanni mbil maŋŋa ka cil kiɗi. Ni kay maɗ ma aŋ cam bolowna kay dla cora aŋ laɗ ka seŋ dukgi layra. An mbaaŋ dla ndaɗta ay kaŋŋi na.

JEREMI 32:31

Ҥoŋzi namma mbuɗun ki yara ay hu umba tin ayra na day ta ta karami. An ndak a zuɗusi ha ki egenu.

JEREMI 8:22

Kumu ma saɗam kay tuguɗira ay ka hu Galaadɗi su? Doktor ay ka huɗi lay su? Ni kay me asi wi mbil ma vi suu mansinana ay ka a cilim kiɗi ge?

EZEKIYEL 21:29

Kay ndaɗta Bu Suuna, Yawe, di ana, cemi ni agi wi coogira ki wa. Gegelay ni wi suluk mam ma nam lamma. Agi ka tak dla coogira ki hu sunda agi laɗta halaŋ. Cemi ni ɓakŋa vagi wa. An ɦagi ki ko suu babali magisina wa.

EZEKIYEL 24:7

Kay busu ma ndaɗ vom ki cocona ka ni na gak gak. Ndaɗ vo busuna ni kolo kay ɦinira, voom ka ga duk ndaŋgaraɗi, tosom ka ki ga duk ndaŋgaraɗi lay.

EZEKIYEL 45:9

«Bu Suuna, Yawe, di ana, Agi muli suu Israelna dla coogira buu ni ŋgol cocoo, ndak wa na ga, hin lassa agi lasan suu mansinara lagi ni dlara irin jivira na ɗow, ka agi dikin suu mansina ki kay mbas masira oloɗi. Hin njaf suu Israelna lak hu u mbassa hin wandara. Di ni Bu Suuna Yawe.

EZEKIYEL 7:11

Lassa col kolo wa, hinni tokolora li dla cora sak sak, hummi ɗetna hol gaw. Sa ma wasi hahawasi ka oloɗi lay.

EZEKIYEL 7:23

Dli galina, kay mbassa ki oy u busuna cocoo, ɦoŋzina ki oy u dla cora ɦay lay.

SOFONI 3:1

Cora ka kaku, Yerusalem, ɦoŋzi ma cona, ɦoŋzi ma las suuna ɦayna.