JEREMI 6:16 - Boy Lonana

¹⁶ Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

JEREMI 6:16 Iomraidhean Croise

1 MULINA 8:36

aŋ ay kolo huulona day ni huma, bulum cora vi suu sun maŋsina u suu maŋ suu Israelna kiyo. Aŋ takasi voɗta jivi ta asi tlaɗta. Ҥal yooŋ ay kaŋga maŋ suu maŋsina kay mbassa aŋ ɦaɗ ki a jona maŋ suu maŋsinara.

2 DLAŊ MULINARA 19:11

Gola mul ŋgol ma li ɓivunna, Amariya, ha ni fokogi a ŋgolla kay dlara vi Yawera halaŋŋi a mul ma kay ɦoŋzi ma Yudana. Zebadiya ma goŋ Ismaelna ni kay dlara a mbaraɗ ay maŋ mulnara halaŋ, suu Levina hin fokogi ni a suu ɓii dlara kaŋgana. Soogi ugi kiyo, lagi ko ndaɗta na ko Yawe li u sa ma ka li jivirana.»

SOOLLA 116:7

Iiri manda koɗ tak ɗaŋ kay Yawe lak jivira wa.

EZAYI 2:5

Agi njaf suu vi Yakobma mbaagi aya, tuɗuygi hu kiɗikka vi Yawera.

EZAYI 28:12

Nammi sa ma dasi ana, «Gola ni koɗ tara ɗaŋ, hin sa ma ki loɓina koɗ tamu, musukka cuk ga wa.» Na may asi ka min a humbi.

EZAYI 30:21

Humugi hin hum della ɓak ay ŋgorogi daganda, lini agi a tuɗ ni bik njuf ɗowba bik gulu, «Gola voɗta wanni tlagira.»

EZAYI 46:9

Humugi gagi kay dlara li ay ki fok jewra. Na daŋ may an ni Lona, Lo ma daŋ kaɗi. Va ma ŋgaa ko tam u an Lona kaɗi, tlena halaŋ ki ni ɦawaa.

EZAYI 57:2

Na may heɓpa hin mbaa, asi hin fi koɗ tara kaŋga hu liisi ma buuna, ni kay suu poy ɗegeena halaŋ.

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

JEREMI 12:16

Lini asi haɗ tuɗta jivira wa ko suu mansina na, suu tasi u sen ana, «Bu Suuna ka iiriya,» ko asi haɗan suu mansina a suu tasi u Baalla na may ni, asi hin cuk ziisi duk suu mansina.

JEREMI 18:12

Na may asi hin di ana, «Ҥawaa, boy kaɗi. Ami hin tuɗ irimi ni foko, gegelay hin tuɗ irim fokŋi u yam eŋ mamba.»

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 2:25

Cola. Li ka naɗi ni ndak hin mbuɗ ki lalasi, fefegek hin co kiyo. Na may ndak di ana, «Ҥawaa va ka lanɗi. An min suu koyogina an hin liŋ usiya.»

JEREMI 22:21

An ɓak u aŋŋi hu li ma dla ka kaŋ tuɗi na, aŋ hoŋon dira ana, «Aŋ ka min a humbi.» Ni dlara aŋ laɗ ay u goo taŋ dayra, aŋ humun delen ay kaɗi a fafaɗta.

JEREMI 31:21

Njaa gogoyra keŋ voɗ makka, pi pikkina. Gol voɗta ndak tlaɗta jiviya, hoŋ aya, goo wayra Israel. Hoŋ ay tani hu ɦoŋzi makŋa.

JEREMI 42:3

Ko Yawe, Looŋŋa, takami voɗta ami tlaɗta, dlara ami laɗta.»

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

JEREMI 50:5

Asi joɓ kay voɗta Siyonda. Asi tin irisi ni hu voɗ ndaɗta. Asi mbay taɓ ko tasi u Yawe vi banara u nam a fafaɗta, ka a maa kiɗi.

JEREMI 7:23

An joɓosi ni ko wanda na, «Humungi vununu an hin mbuɗ ki a Loogina, agi may ni hin mbuɗ ki ni suu mansina. Tuɗugi jivi hu voɗta an takagirara, agi hin kak u heɓpa.»

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

JEREMI 7:3

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak ana, mbuɗugi tuɗ magira ki jiviya, dlaagira agi laɗta ki jivi a an hin ndak kak dukugi hu li namma.

Boy Ma Ayra Ma LUK Ɓiirimma 16:29

Abraham hoŋom dira ana, Gorseŋŋa Moiz u suu jok vun Lona ha egesi a neesira, asi humusi vunusiya.

Boy Ma Ayra Ma JAŊ Ɓiirimma 12:35

Yesu dasi ana, «Kiɗikka ka dukugi tuwa a kak ew ɗaŋ. Tuɗugi huruɗu a ndufunda fagiɗi. Li tagi jiviya, sana tuɗ hu ndufunna ni ka wi li ma nam tuɗ hunaɗi.

Boy Ma Ayra Ma JAŊ Ɓiirimma 13:17

Cecemmi agi wi kiyo, agi li dla ndaɗta na ni, hurugi hin furiya.

Boy Ma Ayra Ma JAŊ Ɓiirimma 5:39

Agi haɗagi ɓiira hu magaarara, kayme agi saa ana agi hin fi iirira ka daɓ kiɗira huwa. Tle asina ɓakŋi kan daŋ may.

SUNDA 17:11

Suu asina saa masira jivi su suu Juif suu ay Tesalonikŋa. Asi vi Boy Lonana jivi coco ɦay. Hu buuna tew tew ni asi haɗ Boy ma Ɓiirina kay a wi ana boy ma Pol damma u voɗom su?

ROMMA 4:12

Nammi bu suu caw ɗiwisi kina lay ni ka kay suu di kay tasi ana asi caw ɗiwisi kiwana ɦawa naɗi, li u viimba nam mbuɗ a buygi Abraham bay caw ɗiwim tura na.

GA 8ATAMBARA 32:7

Humugi gagi kay buu ma ay ki fok jewna, joɓogi suu maarina kay dlara jak ay ki fokka, kay njafna tin ayna tuwa. Joɓogi somoyogiya, asi hin dagiya. Joɓ suu ŋgolo magisina asi hin dagiya.

KOLOSNA 2:6

Agi vagi hurugi ana Yesu ni Bu Suuna kakagi hu taɓpa u namu.

HEBRENA 11:2

Suu ay jewna gol gasi Lona ni u vira.

HEBRENA 6:12

Ami ka min ana agi mbuɗ ki zolomo naɗi, agi tli ni u suu vina suu lalamma, fi va ma Lona vi vunum kamma.

SUU KAƁAKŊA 2:17

Suu masi suu kaɓakŋa lay ni asi ka humusi vunusiɗi, kay asi tin irisi ki ni u loogi suu ɦawana na ɗow, goɓosi ni asiya. Asi viɗ tasi ki na zak, hin voɗta somoyosi tlaɗta kiyo. Somoyosi hum ay ni gaɗta vi Yawera. Asi may ni ka min a li ko asi naɗi.