JEREMI 6:12 - Boy Lonana

¹² Ziisina ɦam ki maŋ suu hiŋŋa, sene masina u boyogosi lay. An maɗ kon ha kay suu hu mbassana wa. Yawe di na.

JEREMI 6:12 Iomraidhean Croise

1 DLAŊ MULINARA 21:16

David tli irim koloo ni wi sa sunda vi Yawe coli duk ɦoŋ ndaŋgara u huulona, ŋgew mamma ki kom kawi siiliya, irim pereɗi kay Yerusalem. David u suu basina puk kaŋgaa, baraw bolla tasiya.

EZAYI 10:4

Sa ma suɗ ki dew kaɗi, agi hin li ni cuki duk suu hu daŋgaynana, ɗowba duk suu a casi kina. Na lay ni Bu Suuna hurum heɓ ka eg suu Israelna tuɗi. Kom ka ki maɗii a lasasira tuwa.

EZAYI 5:25

Kay ndaɗta huu Yawe ɓeŋ eg suu mamsina. Nam maɗ kom kasi casiya. Ҥinira halaŋ geŋeɗa, maɗasi gol cukira ga ko tlesuu delbuɗnana na. Na lay ni hurum ma ɓeŋ kina heɓ ka tuɗi, kom ka ni hu li ma yara gak.

EZAYI 9:12

Suuna hoŋ ay ka eg sa ma ka casinaɗi. Asi hal Yawe ma Saɓakŋa Kom Belna, kaɗi.

EZAYI 9:17

Kay dla cora vi suunara ni ko kura ŋgalla na, ndaɗ ŋgal gu ma siina u meera ki halaŋ, ŋgal tlesuu ŋgoo hu fullana ki bel, ndoosna ɗus kolo ni nam doy hol.

JEREMI 15:6

Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

JEREMI 21:5

Aŋ maɗ koŋ kiyo u saɓak maŋŋa aŋ taŋga hin li duuna u yara, yara ŋgol cocora.

JEREMI 38:22

Boyogi suu hu taraŋgana halaŋ halaŋ mbay fok ŋgol asgaa ma vi mul ma Babilonna, asi dam ana, Asi ganaŋ yaŋu, asi tew ki fun daɓ masira wa suu miniŋ ɦayna. Gayaŋ ka ŋgaa kaŋga duk luɓuna, asi may ni ka ŋgay tasiya.

JEREMI 38:23

Boyogoŋ u goryoŋ halaŋ asi tuɗusi ki maŋ suu Kaldena. Aŋ taŋga lay ni hin ka suɗ ki kosiɗi. Mul ma Babilonna hin vaŋu, ŋgal ɦoŋzina ki may.»

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

YOORA 2:8

Yawe saa hurum ana nam ɓeŋ gulumun ma vi Siyon ta jivira na kiyo. Nam hin balas lina kiyo. Nam hin ka hoŋ kom ay ki bay ɓeŋ vaɗi. Nam mbuɗ ŋgoo gulumunna u gulumunna ki hahawra, asi loɗ ki ko tasi bel.

YOORA 3:3

Gasi kan anu nam tin um dum kom goɗoɓoŋga kan hu buuna halaŋ.

YOORA 5:11

Asi buu u boyogi suu vi ndarayasinana hu Siyon. Asi ɓeŋ gorɓiina ki hu ɦoŋzi ma Yudana.

YOORA 5:2

Joomina mbuɗ ki maŋ koyogina wa, zigini mamisina mbuɗ ki maŋ suu ami ka wasiɗina wa.

YOORA 5:3

Golla, ami mbuɗ ki kuyura bay bura wa, somoyomi suu boyogina mbuɗ ki ni donora lay.

EZEKIYEL 35:3

Aŋ dasi ana, Bu Suuna, Yawe, di ana, ndak ɦinira Edomba an hin mbay kaku. An hin maɗ kon kaku. Ndak hin hin colira ni u deweku.

EZEKIYEL 7:24

An hin mbaa suu dlasi co ɦay su suuna halaŋŋa kay suu Israelna. Asi hin kal hu ziisiya. An hin bulum ŋga tara vi suu saɓakŋa kiyo, tlesuu mbususi ki teteɗna hin mbuɗ ki njenjera.

MISE 2:4

Hu buu namma asi hin njaɗ boy ma cona, asi hin gi soolla yoora, dlara ki liya. Asi hin di ana, «Ami halaŋ halaŋ ki ɓeŋiya. Asi ɦal tlesuu vi suu mansinana ki maŋ suu hiŋŋa. Dla ndaɗta li ni ana me asi tlanna ki konni ge? Asi ɓorowomi sene mamina ki maŋ suu ci suuna.»

SOFONI 1:13

Na ɗaŋŋi bege masira suuna hin ɦurumuɗ kiyo, suuna hin toosi ziisi kiyo, asi min ziginina coco may hin ka kak hurusiɗi, asi vi sene gugutlura coco may hin ka caɗ sumuɗɗi.

SOFONI 1:4

An hin maɗ kon ha kay Yuda, kay suu hu mbassa Yerusalemba lay, an hin bulum tlesuu vi Baal suu usi hinna kiyo, sem suu mam suu sunda u muli mam suu li ɓivunna lay.