JEREMI 6:10 - Boy Lonana

¹⁰ Sa hin humun boy manna u gaɗ mandana ni gege? Ҥii, humusi ki ŋgeliya, asi ka ndak a hum dlaɗi. Asi gol boyna vi Yawe ni ko ndal ŋgulla na, asi ka minimbi.

JEREMI 6:10 Iomraidhean Croise

SOOLLA 1:2

Na may nam minni gaɗta vi Yawera, saa kaɗ faali lay, njeŋge lay.

SOOLLA 119:16

An furi coco kay gaɗ maŋga, humun ka maa ki kay boy maŋŋaɗi.

SOOLLA 119:174

Yawe, an hal suɗta ay ni koŋu, gaɗ maŋga irin jiviya.

SOOLLA 119:24

Gaɗ maŋga ni vara ka furiyunda, ndaɗ ka neenni ndaɗu.

SOOLLA 119:35

Tuɗun irin hu voɗ gaɗ maŋga, kay ndaɗ irin jiviya.

SOOLLA 119:70

Hurusi ki ɓaliya ka hum dlaɗi, an may ni furi ni kay gaɗ maŋga.

SOOLLA 119:77

Ko lalam maŋga kal hurunu an kak iiriya, kay gaɗ maŋga kan jivi cocoo.

SOOLLA 40:8

Kay ndaɗta an di ana, «An wanni magaa maŋga ka takan u gaɗta kiyo.

KALKIRA 6:12

Moiz ɓak fok Yawe ana, «Gola suu Israelna ka min a humun vununɗi, na ni nam Faraw hin humunni nanage? An sa ma vunun ka ɓak ki jiviɗina.»

EZAYI 42:20

Aŋ wi tlena cocoo, tin yaŋ ka kasiɗi, humuŋ ki mali a humba, hin hum va kaɗi.

EZAYI 53:1

Suuna ɓak tasi ana, sa ma tin hurum kay dlara asi daɗta ni gege? Sa ma wi ana Yawe li dla ndaɗta ni u ɓik komu na ni gege?

JEREMI 35:13

«Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, tuɗ di suu Yudana u suu hu Yerusalemma. Na ni agi ndak a humun gaɗ manda u boy manna ɗaŋ su? Yawe di na.

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

JEREMI 5:21

Humugi boyna haa, suu saarasi u to'onosi kaɗina. Irisi ka kasi may asi ka wiɗi, humusi ka lay asi ka humbi.

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

JEREMI 7:26

Na may asi humun kaɗi. Asi tin humusi kaɗi, asi so yasi kiyo. Asi ki suluk su somoyosiya.

EZEKIYEL 3:7

Suu Israelna ka hin humuŋgi, kay asi ka min a hum unɗira. Kay suu Israelna halaŋŋi yasi eŋ cocoo, hurusi sooy ɦay lay.

EZEKIYEL 33:3

Sa namma wi suu duuna wa a mbay kay mbas ndaɗta ni, nam bu tokolomma ne yam suuna kiyo.

EZEKIYEL 33:9

Na may lini aŋ di sa ma co namma kay dlaamba cora, nam min ka a mbuɗ poy mamba co ndaɗtaɗi. Nam hin miɗ kay dla coom ndaɗta, aŋ taŋga may ni hin suɗ iiri maŋga may.

AMOS 7:10

Mul ma li ɓivunna hu Bethelna, Amassiya, sun ha ana tuɗ di Jeroboam ma mul ma Israelna, «Amos ka laŋ boy cona egeŋ kay mulla hu Israel. Suu hu mbassana ka vi tasi kay boy ma nam damma oloɗi. Kay Amos di anaba.

MATIYE 3:7

Jaŋ wi suu Farisenna u suu Sadusenna mbay egem coco ana nam mbususi batemma na ni, nam dasi ana, «Agi njaf guy magira, sa haɗagi a agi puruɗ tagi ki ko yara vi Lonara ni gege?

Boy Ma Ayra Ma LUK Ɓiirimma 11:45

Sa wi magaara gaɗta dew di ana, «Mala Haɗta ɓak maŋŋa aŋ ɓak wanna ni ŋgulumi ni amiya.»

Boy Ma Ayra Ma LUK Ɓiirimma 20:19

Suu haɗ gaɗta u muli suu li ɓivunna wi ana Yesu tinisi ndal boy namma ni kasiya ni, asi hal a vam hu li namma gaw. Hurusi hin yow ndaana ko suuna.

Boy Ma Ayra Ma JAŊ Ɓiirimma 7:7

Suuna halaŋ hurusi ka egegi coɗi. Anu, asi hurusi egen coo kayme an di ana dlara asi laɗta ni coo.

Boy Ma Ayra Ma JAŊ Ɓiirimma 9:40

Suu Farisenna suu egem ɦiw hum boy namma na ni, joɓom ana, «Ami ni suu dugina lay su?»

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

SUNDA 7:60

Nam goɓ kaŋga u vun givim sawalla kolo eŋga ana, «Bu Suuna ŋgaasi co ndaɗta kasiɗi,» vunum ndi kaŋga may ni miɗ ni na gaw.

ROMMA 7:22

Hurun anni an li furira kay gaɗ Lonara.

GA 8ATAMBARA 29:4

Basara dok-fiɗi Bu Suuna ka gologi ŋgoo bagi hu fulla, baraw magi ma baa kagina ɓeŋ kaɗi lay, tuburu magira segira ɓeŋ kaɗi lay.

KOLOSNA 1:28

Ni kay ndaɗta ami di ki kay Kristu maŋ suuna halaŋ. Ami neesi yasi kiyo haɗasi lay u neemba halaŋ kay colosi fok Lona ko suu ŋgolona na hu taɓpa u Kristu.

2 TIMOTE 4:3

Kay lina hin mbaa suuna hin mbuɗ hum u haɗta gasira oloɗi, asi hin mbuɗ lini u min masira, asi hin tok suu a haɗasina bolow egesiya, suu asina hin dasi dlara asi min a humuɗta.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.