JEREMI 52:3 - Boy Lonana

³ Dlara li hu Yerusalem u Yudara mbuɗ huu Yawe ki yara a nam dikisi ha ki egem day. Sedesiyas mbuɗ yara eg mul ma Babilonna.

JEREMI 52:3 Iomraidhean Croise

URA TIN AYRA 4:14

Cecemi aŋ dikin ki kay ndaŋgara wa, an hin tuɗ ŋgay tan ha ki egeŋŋa day, an hinni a sa ma tuɗ kolo cow cowna, sariyan ka kaŋga oloɗi. Sa ma fan fina can ki gaw.»

URA TIN AYRA 4:16

Kain tuɗ kak ha ki day hu mbassa Nod u maɗiina vi sene Edenna, ki day eg Yawe.

2 SAMUEL 24:1

Yara vi Yawera mbuɗ ŋgolla eg suu Israelna olo, nam so u David a lasi dla cora egesi di ana, «Tuɗ ndum suu Israelna u suu vi Yudana.»

1 MULINA 10:9

Gi deɓ maŋ Yawe Looŋŋa ma min a kakaŋ kay dlamba mulla vi suu Israelna, ni kay ana Yawe min suu Israelna ɦay. Nam kakaŋ a mulna ni a aŋ mba li jivira u ɗegeera.»

2 MULINA 17:18

Yawe hurum ɓeŋ ki ŋgol coco eg suu Israelna. Nam dikisi ha ki na day egemu. Dee suu vi Yudana hinni asi doy hol.

2 MULINA 17:20

Yawe cuk suu Israelna ki ni bel bel. Nam homosi yasi ki kaŋga u suu daŋŋa. Nam ɦasi ki ko suu ɦurumba. Asi ɦurumusi ki tuɗusi ha ki egem na day.

2 MULINA 17:23

ta ta mbuɗ a Yawe dikisi ha ki egem day, ko ndal nam di ay ki fok jew fun suu mam suu sunda, suu jok vun Lona suu Israelnara na. Suu Israelna tuɗ ki na day eg mbas masira, ha ki hu Asiri ta ta cemi.

2 MULINA 24:20

Yawe u hurum ma ɓeŋ ki namma mbaa yoora kay ɦoŋzi ma Yerusalemma u mbassa Yudara halaŋ, dikisi ha ki egem na day. Sedesiyas mbuɗ yara u mul ma Babilonna.

2 DLAŊ MULINARA 36:13

Mulna Nabukodonosor suu tam fokommi u sem Lona. Na may Sedesiyas hin mbuɗ a sa ma babalira u namma. Nam so yam ki ni ka min a hoŋ ay eg Yawe, Lona vi suu Israelnaɗi.

EZDRAS 4:15

A asi hal u dlara hu magaara saara vi somoyoŋga ka huruɗta. Hu magaa ndaɗta aŋ hin fi dlara aŋ hin wi ana ɦoŋzi namma ni ɦoŋzi ma yara hal boy cona kay mulina u suu hu ɦoŋzi ma bagina hu li ma asi gijaŋ min tasi a yara ay hu jew day day na. Ni kay ndaɗta ɦoŋzi namma ɓeŋem ki ni na.

VUN ŊGOLNA 28:2

Hu li ma mbassa honira ka hu wa ni mulina zul cocoo. Mbassa kak jivira ni u gaɗta vi sa ma neey ma wi dlara.

DI BOLLA 10:16

Mbas mayra mul ma kaɗna goozoŋŋara wi haw cocoo, goryoŋ mulnana lakira ni kay sum ma cira doy na ca.

EZAYI 19:4

An hin cuk suu Egiptena ga u mul ma dlam cona, mul ma saɓak cocona hin ti mulla kasiya. Bu Suuna Yawe, ma Saɓakŋa Kom Belna, di na.

EZAYI 3:1

Na daŋ may, Bu Suuna Yawe, ma Saɓakŋa Kom Belna, yow njun mamba njun u Yuda u Yerusalemba kiyo. Ni njunda zeɗ zeɗ halaŋ, funa u yona lay nam ka ɦasisina oloɗi.

EZAYI 36:5

Aŋ di ana a fi nera u saɓakŋa ni u boy ma sana dam na dew hu li ma duunana. Sa ma aŋ tin huruŋ kam namma a hin duu u anna ni gege?

JEREMI 15:1

Yawe dan ana, lini gi Moiz u Samuel col fokon lay, an hin ka mbuɗ hurun kay suu asinaɗi. Dikisi ki fokonu, asi tuɗ kiyo.

JEREMI 7:15

An hin dikigi ha ki egen na day, ko ndal an dik gorsegina ki egenda na, njaf suu vi Efrayimma na may.