JEREMI 51:6 - Boy Lonana

⁶ Liŋigi ki hu Babilon gegelay ŋgay tamu. Li ka naɗi ni agi hin viɗ kiyo hu li ma ndaɗ hin warak ki kay dla cooɗtana. Yawe liim ma sa sugulna mba wa. Nam warakaɗ ni va ndaɗ minimma.

JEREMI 51:6 Iomraidhean Croise

SOOLLA 94:1

Yawe, aŋŋi Lona ma kaɓakŋa, col koloo Lona, kaɓakŋa.

VUN ŊGOLNA 13:20

Sa ma poy ko tam u sa ma wi dlara hin mbuɗ sa ma wi dlara. Sa poy u sa ma laɓana hin kal hu cora.

EZAYI 48:20

Cukugi ay ki duk suu Babilonna, liŋigi ki ko suu Kaldena. Della ka ɓak aya, dasira ha ki u furira, jokogi boy namma ha ki kay yam mbassa halaŋ, dagi ana, «Yawe buɗ zoŋ mamma Yakob ay ki wa.»

EZAYI 63:4

Va ma ka hurunna ni ana an min sa sukulna, lina ndak wa a an buɗ suu mansina kira.

JEREMI 25:14

Muli suu saɓakŋa u suu bolowna hin lasasi cocoo. An hin hoŋosi warakŋa ki kay dla coosira.

JEREMI 25:16

Asi hin camu, hin viriw na cow, hin puk kaŋga fun ŋgew ma an sunum ha dukusina.»

JEREMI 27:7

Njaf suuna halaŋ hin sunumu, nam tamba lay, goromma lay, gorom ŋgolona lay. Kam nam tamba may ɗaŋŋi lina hin mba kamu, suu bolowna u muli suu saɓakŋa hin lasamu.

JEREMI 46:10

Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.

JEREMI 48:6

Ŋgayagiya, gegelay ŋgay tamu. Agi mbuɗ ki ko ndal korra hu fullara na.

JEREMI 50:15

Yagi kolo u delegira duuna ŋguyuɗ yaɗ kiyo, ndaɗ hin ndi kaŋgaa, gulumun maɗna hin to ki kaŋga lay. Zigini maɗsina hin bow ki kaŋga lay. Ni sa sugul ma vi Yawena, saagi sugulugi u ndaɗu. Agi laɗ egeɗ ni dlara ndaɗ laɗta.

JEREMI 50:28

Vunna ka liya. Suu ŋgay tasina u suu usi hin hu mbassa Babilondana mbay ɓak hu Siyon kay sa sugul ma vi Yawe, Looyginana, sa sugul ma ay kolo huulonana.

JEREMI 50:31

Duk ɦoŋ tami mba', ni boy cona, Bu Suuna Yawe ma Saɓakŋa Kom Belna, di na. Buu makŋa mba wa. Ni li ma ndak hin ɓak dlaakka kina.

JEREMI 50:8

Liŋigi ki hu Babilon, mbassa vi suu Kaldenara. Selegi ay kiyo, mbuɗugi ki ko ŋgekgi suu tuɗ fok ndarayasina na.

JEREMI 51:11

Minigi mbuurura kogiya. Yowogi ɓagina kogi may. Yawe dliɗ saa muli suu Medina ki kolo wa, gasi dlara Yawe daɗ kay suu Babilonnara nam saa ay ki kaɗu. Nam laɗ ki wa. Nam ɓak ki ana nam a ɓeŋeɗ kiyo. Ni sa sugul ma vi Yawena, ni sa sugul ma ay kolo huulonana.

JEREMI 51:36

Eeh, na ɗaŋŋi, Yawe ɓak anaba, an hin tlak dlaakka konu, an hin ɦal tan a saak suguluku. An hin sooɗ mbo lum maɗ ma ŋgolna kiyo, haɗagaɗ goloŋ maɗta kiyo.

JEREMI 51:45

Agi suu mansina, selegi ay ki huruɗu. Gegelay suɗ tam ko yara ŋgolla vi Yawera.

JEREMI 51:50

Agi suu suɗ ko ŋgewnana, cukugi tagi voɗo, cologi dukgi. Ay ki day lay ni yagi Yawe, ko saara vi Yerusalemba hoŋ ay kagiya.

JEREMI 51:56

Gasi nam ka mbay kaɗu, sa li dla cora, mbay kay Babilon. Suu maɗ suu saɓakŋa casi ki wa, gu mburu masira kusuɗ ki wa. Yawe ni Lo ma wi hoŋdira, nam wi yal ma warak suuna kay dla coosira.

JEREMI 51:9

Ami hal yal ma cil mbil Babilon kina may ndaɗ ka a cilɗi. Hinigira dukugi ni gegelay hoŋ i hu mbas mamba. Boy maɗna tew ki huulona. Nam tew ki duk ɗugulla.

YOORA 3:64

Aŋ hin hoŋosi dla cora asi laɗta kasiya, Yawe.

NDUMBA 16:26

Nam di suu toki gana ana, «Ҥuɗugi tagi ha ki fun ziŋ suu co asina, tlasi vaasi ma kogiɗi lay, kay ana agi ka ba tagi ki kay dla coosira asi laɗtaɗi.»

GA 8ATAMBARA 32:25

Ha ki keŋŋi ŋgew valaŋga ka casi goryosi ay gak may, vo usi ni dlara lasi ndaana ka coco may. Goozoŋŋa u gootamara jeŋira ni na lay. Su gorra u sa ŋgol ma yam ɦussa miɗ ni na lay.

GA 8ATAMBARA 32:41

Lini an guu sii ŋgew manna wa, kon tli ki kolo wa a kaɓakŋa ni, an hin sa sukulun u suu babali mansina, an hin warak suu may suu li gonokka u anna.

GA 8ATAMBARA 32:43

Agi njaf suu halaŋŋa ŋgaagi suu mamsina, kay nam hin sa sukul busu suu sun mamsina, nam hin tin dlara sa sukul ndaɗta ni kel suu babali masisina, nam hin col mbas mamba u suu mamsina ki koloo.

1 TIMOTE 5:22

Tin koŋ kay sana zak a ɦam sunda duk suu vi Kristunaɗi, kal taŋ duk cora vi suu hiŋŋaɗi, gol taŋ jivi pasiyak.

WIRA ŊGAYRA 16:19

Ҥoŋzi ma ŋgolna irim ɓorow ki na hindi, ɦoŋzi ma ŋgolna kay ndaŋgara halaŋ bow ki bel bel. Lona humum gam kay Babilon ta ŋgolla, nam haɗ yara hu kop mamma a ndaɗ caɗu.