JEREMI 51:5 - Boy Lonana

⁵ Kay ana mbas masira ki oyra u dla cora eg ma Teteɗ ma vi suu Israelna. Doli ɗaŋŋi sa Israel ɗowba ma Yuda ka ki hini dono ko Loosina Yawe, ma Saɓakŋa Kom Belnaɗi.

JEREMI 51:5 Iomraidhean Croise

1 MULINA 6:13

An hin mbay kak hu zi ndaɗta duk suu Israelna. An hin ka noy suu Israelna kiɗi. Asi ni suu mansina.»

2 MULINA 21:16

Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

EZDRAS 9:9

Kay ana ami ni ŋgayagina, may ay hu mbaɓu mamira, Loomina, noyomi ka kiɗi. Fun tami u mul ma Persna, nam saa kami u ɗegee mamba a ɦami iirira a hoŋ Ziŋ Loominara balamaɗ minda, hoŋoɗ tlegeyeɗ suu ɓeŋ kina balamasiya, a ɦami li ma ŋgayra hu Yuda u Yerusalem.

SOOLLA 94:14

Kay Yawe ka hin suu mamsina kiɗi, nam ka hin mbas mamba kiɗi.

EZAYI 44:21

Yakob humuŋ gaŋu. Israel aŋŋi saan ma sunda. An laŋŋi a sa ma sununna. Aŋ Israel ka hinin kiɗi.

EZAYI 51:15

Anni Yawe, Looŋŋa, anni sa ma sulul mbo lum ŋgolna ay kolona, sen ana Yawe, ma Saɓakŋa Kom Belna.

EZAYI 62:12

Asi hin yasi ana, «Suu may suu teteɗna,» «Suu vi Yawe suu nam buɗusi ay kina.» Asi hin yi zi ma Yerusalemma ana, «Zi ma halamma,» «Zi ma sa ka noyom kiɗina.»

JEREMI 14:19

Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.

JEREMI 14:9

Ni kay me aŋ mbuɗ taŋ ki ko sa ma mbuɗ ki ndaana na, ko ndal sa duuna ka ndak a suɗ sa oloɗira na ni nanage? Doliɗi ni aŋ Yawe ka dukumiya. Ami humuŋ seŋ ki lay. Aŋ hinimi kiɗi.

JEREMI 16:18

An gijaŋ warakasi dla cora asi laɗta yasi mba' mba', dla cosira lay kay ana asi mbuɗun mbas manda ki njenjera u dlasira moli ko didiŋga nara, oyon joonna ki u dla coosira.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 23:15

Na ɗaŋŋi Yawe, ma Saɓakŋa Kom Belna, ɓak kay suu jok vun Lona asina anaba, an hin ɦasi tlesuu ci suuna a tira. An hin ɦasi yo ma ci suuna, asi camu. Kay ana dla cora col ay ni ko suu jok vun Lona suu Yerusalemma jok suu kay mbassa halaŋŋa ni na.

JEREMI 31:37

Na ɗaŋŋi Yawe ɓak anaba, Lini asi tew a ŋga huulona ma kolona, ŋga u ndaŋgara ma tin ay kaŋgana ki may ni, an may ni hin ndak a hin njaf suu Israelna ki kay dlara asi laɗta halaŋ. Yawe di na.

JEREMI 46:28

Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

JEREMI 51:19

Begera vi suu Israelna ka ni ko asi naɗi. Nammi sa li tlena belna, Israel ni mbassa hu joommara, Yawe ma Saɓakŋa Kom Belna, ni semu.

EZEKIYEL 8:17

Nam dan ana, «Goŋ sanna, aŋ wi wa su? Dlara co ndaɗta wanni ndak suu Yudana ka tuɗi su? Asi ɓeŋ mbassa ki u dlaasira cora, cemi asi gijaŋ lan cora ni egen anu. Gola cemi asi ka ɦuɗ hum bawra ay cinisiya.

EZEKIYEL 9:9

Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.

Magaara Vi Sa Jok Vun Lona OZE 2:1

Ndum goryoŋ Israelna hin li ni ko ŋgetl ma fun lumma ŋgolna na, sa ka tew a ŋgaambi lay, ndumumbi lay. Hu li namma asi dasi ana, «Agi ka suu mansinaɗi», asi hin dasi ana, «Agi ni goryoŋ Lo ma iirina».

Magaara Vi Sa Jok Vun Lona OZE 2:3

Dagi gorsegina ana, «Suu hurun minigi ɦayna, suu mansina.» Agi hin di gorsegi suu tamagina ana, «Suu hurun minigi ɦayna suu mansina.»

Magaara Vi Sa Jok Vun Lona OZE 4:1

Humugi boy ma vi Yawena haa, goryoŋ Israelna. Yawe ka li ɓakŋa u suu hu mbassana, kay ana dlara gasira u minda kaɗi lay, wira wi Lonara ka hu mbassa oloɗi.

Magaara Vi Sa Jok Vun Lona OZE 4:2

Gi vunna, ganyamba, ci maɗna, ɦulla, li zoŋga zul ni zuli na ɗow ɗow. Busu ma voom ki kaŋgana fi tam ha ni na gaw gaw.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

MISE 7:20

Aŋ hin ɦal ɗegee maŋga maŋ Yakob, heɓ maŋga maŋ Abraham. Ni va ma aŋ vi vunuŋ ay ki u somoyomi hu buu ma ay jew dayna.

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

ZAKARI 12:8

Hu buu namma wanni Yawe hin baa kom ha ki kay Yerusalem, suu maŋi dukusina hu buu namma ni asi hin mbuɗ ki ko David na, zi ma vi Davidna hin li ni ko Lona na, fokosi ko ndal sa sunda huulona vi Yawe na.

ZAKARI 2:12

Yawe, ma Saɓakŋa Kom Belna, ma sunun ay u saɓakŋa kay suu ɦurumugi kina, ɓak ana, gasi sa ŋgenegina, ŋgenenni wawal irinu.

1 SAMUEL 12:22

Na daŋ may Yawe ka hin suu mamsina kiɗi kay sem ma ŋgolna. Yawe may ni min a mbuɗugi ki suu mamsina.