JEREMI 51:12 - Boy Lonana

¹² Vagi vun ma tuɗ duuna kay gulumun ma vi Babilonna. Ҥagi saɓakŋa maŋ suu gol u suuna, tinigi suu gol u ziina. Yowogi suuna asi buu guɓura ki kaŋga voɗo. Gasi dlara Yawe daɗ kay suu Babilonnara, nam saa ay ki kaɗu, nam laɗ ki wa.

JEREMI 51:12 Iomraidhean Croise

JEREMI 51:11

Minigi mbuurura kogiya. Yowogi ɓagina kogi may. Yawe dliɗ saa muli suu Medina ki kolo wa, gasi dlara Yawe daɗ kay suu Babilonnara nam saa ay ki kaɗu. Nam laɗ ki wa. Nam ɓak ki ana nam a ɓeŋeɗ kiyo. Ni sa sugul ma vi Yawena, ni sa sugul ma ay kolo huulonana.

EZAYI 13:2

Kolo kay ɦinira yaɗ ki ɦawara tak dlara ay ki huwa, saagi walla koloo, kisigigi kogiya, kay a suu duuna ɦuɗ tasi ay vun grekŋa vi suu ŋgolona.

NAHUM 2:1

Sa vun sunda ka liŋ ay kolo kay ɦinira, nam mbaaygi ay ni heɓpa, li furira Yuda, faɗ vun ɦal maŋga ɦawara kiyo, kay sa ma dlam cona hin ka tli varaŋ oloɗi, saɓakam ka oloɗi.

JEREMI 51:29

Ndaŋgara dlakka gijaŋ luu njoŋŋa hu li ma ɓak ma vi Yawe ma kay Babilonna gijaŋ lirana, mbuɗ mbassa Babilonda ki li ma ki kiɗik ma hahawra, suu hurumma ki ciya.

JOEL 3:2

Kay suu sunda njufiina u boyogina lay, hu li namma an hin njay Musuk manda kasiya.

YOORA 2:17

Yawe li ni dlara nam daɗ kira. Nam faɗ ki ni vun dlara nam daɗ ay ki hu buu ma ki fok jew daynara. Nam hawaɗ tlena ki ni ka saaɗi. Nam cukuk suu babalira ay kaku. Nam mbuɗ suu babali maksina saɓak suuku.

JEREMI 51:27

Takagi dlara duuna kay ndaŋgara, buugi tokolomma duk njaf suuna. Yowogi njaf suuna a tuɗ duu ma teteɗna u ndaɗu, yaɗ suu mulina kaɗu, Ararat, Minni, Askenaz. Ҥagi voɗta maŋ suu duu suu ŋgolona, asi yow suu duuna kaɗu. Sunugi kulumi suu duuna kaɗu u tasi bolowra ko ndal baara tli ay kolo ko ɗugulla doɓorokka na.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

VUN ŊGOLNA 21:30

Yal ma vi sa warnana, neemba u mbeleŋ mamma halaŋ ka ndak a col fok Yaweɗi.

JOSUWE 8:14

Maɗii ndaɗta feɗet gaw ni mul ma Aina wi suuna na ni, nam u suu mamsina suu ŋgolo suu hu ɦoŋzinana cuk ay ki ni na zak gaw a duu u suu Israelna. Hu li ma asi ŋgaf tasi hu tew tewna vok ɦuɗuguma Yordanda na. Na may asi wi ka ana suu daŋŋa ay ka baari ŋgorosi daganiraɗi.

JEREMI 4:28

Ni kay ndaɗta ndaŋgara ka ni hu hahawra. Kolo wanni huulona mbuɗ ki ndufunda kay ana an kaɓakŋa ki kay dla ndaɗta, an vi ki kan a li dla ndaɗta. An hin ka hoŋ vunun ki daganɗi.

JEREMI 23:20

Yara vi Yawera hin ka heɓ kaŋga bay nam li dlara nam di kaɗta kiɗi. Dlara nam gaɗ iriɗ ay ki komba. Tuɗ fok na nde ni agi hin fagi yalna su olo.

JEREMI 50:25

Yawe mal vun liim ma kura ki wa, yow ɓagi namma ay ki kom u hurumma haɗta. Gasi, ni sunda vi Bu Suuna Yawe ma Saɓakŋa kom Belna, hu mbassa Kaldera.

EZAYI 11:12

Nam hin tak dla mayra ana nam hin tok yam suu mamsinara kiyo. Nam hin tok yam suu Yuda suu njay kina kiyo, suu ay ki keŋ ndaŋgara fiɗira halaŋ.