JEREMI 51:1 - Boy Lonana

¹ Na ɗaŋŋi Yawe ɓak anaba, an hin cuk ay kay Babilon ay huu suu babali mansina, semeɗ ma ɓeŋ tlena kina.

JEREMI 51:1 Iomraidhean Croise

2 MULINA 19:7

Gola an hin mbuɗum yam ki ko sa ma gurɗiina na, nam hin hoŋ vo hu mbas mamba. An hin cam ha ki u ŋgewna ni hu mbas mamba tok.»

SOOLLA 137:8

Aŋ, Babilon, kak njokŋi aŋ hin ɓalak ki may, furira ka kay suu ɓalakaŋ ki ko aŋ ɓalakami kira na may.

EZAYI 13:13

Hu li namma ni an hin geŋeɗ huulona ki lay, ndaŋgara hin geŋeɗ coco ko ndaa yara vi Yawe, ma Saɓakŋa Kom Belna. Ni buu ma yaamba cora hin tak kina.

EZAYI 14:14

An hin kak ay ki kolo kay ɗugulla. An hin ki ni a ma ay Kolo Dayna.»

EZAYI 21:1

Gola ni dlara di ki kay ŋgoo bagi vun lum ma ŋgolna. Ko babaa ma col ay mbayawna na, ni na may mba hu fulla. Col ay i hu mbassa suuna laɗ ndaaraɗ cocora.

EZAYI 47:1

Agi suu Babilonna wagi hahaw magira, hin dlamba mulla lakagi ki ga duk buɗna. Babilon ay jew ni ko goo wayra jeŋiira na. Suuna ŋgaam ana zi ma jivina, cemi ka na olodi.

JEREMI 23:19

Saɓak semeɗ ma vi Yawena, saɓak yara vi Yawera mba wa. Babaana ka paɗa. Nam ka paɗ kay suu dlara vasina.

JEREMI 49:36

An hin mbaa semeɗna ay kay Elam hu lina fiɗi, keŋ lina fiɗi. An hin njayasi ki duk semeɗna, njaf suu ka hin a suu Elamma bay tewesi kaɗi.

JEREMI 50:21

Cologi duuna u mbassa vun mbo lum ŋgollara. Duurugi u ndaɗu u suu hu Pekodna may, cagisina, ɦangi u suu hinna aya. Yawe di na. Lagi dlara an ɦagi voɗta kaɗta halaŋ.

JEREMI 50:24

An gunuk dawna kaŋga fokoku, gola kafak kay ŋgusuk vak wa Babilon, uk gi ki kolo wa, vak ki wa. Kay ana ndak min tak a duu u Yawe.

JEREMI 50:29

Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

JEREMI 50:33

Na ɗaŋŋi Yawe, ma Saɓakŋa Kom Belna, ɓak anaba, Asi hahay ɦay, suu Israelna u suu Yudana iirisi ka ɓorow kiɗi. Suu lasi dla cora egesina vasi wa. Asi ka min a cukusiɗi.

JEREMI 50:9

Gasi an hin mba suuna ay cukusi duuna eg Babilon. Suu hu njaf suu col ay mbayawna. Asi hin nja tasi ay a duuna u ndaɗu, hin daɓaɗ dlaɗ ki ni na gaw may. Sin mburu masira ni ko sa duu ma saɓak coco ma ci suuna ɦayna na ka hoŋ ay koɗ ɦawaɗi.

JEREMI 51:53

Lini Babilon ɗiŋŋi kolo mbuɗ a sa ka waɗ dla cooɗta ha kolo duk ɗugullaɗi lay ni, suu li dla cora kosi hin ndak ha kolo u gaɗ manda. Yawe di na.

JEREMI 51:60

Jeremi ɓii dla cora li hu Babilonda halaŋ halaŋ hu magaara dew. Boy ma kaŋga ɓiiri kay Babilonna halaŋ halaŋ.

EZEKIYEL 19:12

Na may asi paɗaɗ kiyo, gaɗ ki ga u huu ma yara, babaa ma ay u maɗiinana sooɗ vuɗuɗ ma yaki gana kiyo. Gogor koɗ ma sii cocona so kiyo, kura ŋgalam ki lay.

Magaara Vi Sa Jok Vun Lona OZE 13:15

Efrayim fi begera coco duk gorsemma may. Semeɗ ma u maɗiinana hin col aya. Semeɗ ma vi Yawena hin col ay hu fulla, mbo ma ɓaɗta hin so ki lay, gor goloŋŋiina hin so ki lay. Asi hin yow begera u tlesuu jivi cocona.

AMOS 3:6

Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

ZAKARI 2:8

Nam dam ana, «Liŋa, ɓak ha maŋ goozoŋ ma ha wanna dam ana, Yerusalem hin hinni a ɦoŋzi ma ki malina, kay suu bolowna u mbuuri suu bolow suu ka huruɗna.

SUNDA 9:4

Nam ndi kaŋga na gokŋi hum della dam ana, «Sol, Sol, aŋ lasan na ni kay mege?»