JEREMI 5:9 - Boy Lonana

⁹ Ni an ka ndak ɓak u asiɗi su? Yawe di na. An ka ndak sa sugulun u njaf suu ko asi nanaɗi su?

JEREMI 5:9 Iomraidhean Croise

VUN ŊGOLNA 6:29

Sa ma buu u caŋ ndarammara ni ko ndal ndaɗta na may, sa ma ŋgen carana ka hin bay dak li egembi.

EZAYI 1:24

Kay ndaɗta Bu Suuna Yawe, ma Saɓakŋa Kom Belna, mul ma vi suu duuna, saɓakŋa vi suu Israelna di ana, Hahawra, an hin sa sukulna kay suu gonok mansina, sa sugulun u suu babali mansina.

EZAYI 57:6

Agi man ɦinira ceɗira ta ay duk mbo ŋgolnara, agi goɓoɗ ko lona na. Agi ka haɗ tlesuu tira u suu cira lay, dla ndaɗta na ni an ndak a siɓiɗ na gak su?

JEREMI 23:2

Na ɗaŋŋi Yawe, Lona vi Israel, ɓak kay suu taaram suu mamsina tinisi kay haɗna na anaba, «Agi ni suu hiningi suu mansina kay tasi asi njay kina. Agi tin saaragi ka kasiɗi. Na ɗaŋŋi an tanda hin tin saaran kagiya, gagi daŋgayna kay dla cora agi laɗta.» Yawe di na.

JEREMI 32:31

Ҥoŋzi namma mbuɗun ki yara ay hu umba tin ayra na day ta ta karami. An ndak a zuɗusi ha ki egenu.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 5:10

Calaɗagi kay gulumunna cagisina kiyo. Na may daɓagisina ki halaŋgi. Kaasi gogor kosi kiyo. Asi ka vi Bu Suunaɗi.

JEREMI 5:29

Ni an ka ndak a lasi dla cora egesiɗi su? Yawe di na. An ka ndak a sa sugulun u suu co suu ko asi nanaɗi su?

JEREMI 6:11

«An ki u yara vi Yawera hurun oy cocoo. An ka ndak a ɦeɓeɗ duk oloɗi.» Hin ya ndaɗta li kemba hu ɦoŋzina, kay gorzoŋŋi suu irisi kaay ko tasina. Njufiina u boyogina yowosi ki wa, sa maana u sa buu mamma ki ŋgol cocona.

JEREMI 6:6

Yawe, ma Saɓakŋa Kom Belna, ɓak anaba, kaagi ŋgusugina, minigi voɗta kay Yerusalem, ni ɦoŋzi ma ɦam kina. Hu ɦoŋzi namma halaŋ halaŋŋi dlara yara.

JEREMI 9:8

Ni an ka ndak a lasi dla cora egesiɗi su? Yawe di na. Ni an ka ndak a sa sugulun u suu ko asi nanaɗi su?

JEREMI 9:9

Ay kolo kay ɦinira tii ma hahawra kaa. Ay hu li ma taa yoorina soolla yoo tara kaa. Kay ana asi ki ŋgaliya, sa dew lay ka jak huɗi, yoorina sa ka humusi delesiɗi lay. Yoorina, layagina halaŋ ŋgay kiyo, va hin ka oloɗi.

YOORA 3:42

Ami mbuɗ tami ki babalira u aŋu. Ami gaŋ vunuŋ kiyo. Aŋ may ni ka wi hahaw saɗi.

YOORA 4:22

Siyon ta jivira dla co makka daɓ ki wa. Nam hin ka tuɗuk ki mbaɓu oloɗi. Ndak Edom ta jivira nam hin gak daŋgayna kay dla co makka, nam ka ndum dla cora ndak laɗta kiyo.

EZEKIYEL 7:9

Irin ka a gologi jivi oloɗi. An ka wagi hahawagiɗi. An warakagi ni u poy magira. Dla cora hin dukugi ni na gak gak. Agi hin wi ki ana li dla ndaɗta ni an Yawe daŋ may.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

Magaara Vi Sa Jok Vun Lona OZE 8:13

Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

DLAŊ LEVIRA 18:25

Mbassa halaŋ mbuɗ ki njenjera, an gaɗasi ni kay dla ndaɗta asi laɗ cora. Mbassa noy suu cuki huruɗna ki wa.

DLAŊ LEVIRA 26:25

An hin munugi duuna kagiya, kay a gagi daŋgayna kay agi bus galamba vaɗ u anda kira, hu li ma agi tok tagi hu ɦoŋzi ma ŋgolna a ŋgayra ni an hin gagi tuguɗira cora ay kagiya, agi hin ki ni ko suu babali magisina.

NAHUM 1:2

Yawe ni Lo ma yowmus coco lay, sa sugulum layna. Yawe sa sugulumu, yaamba li suuna ndaana ɦay. Yawe sa sugulum u suu babali mamsina, nam mbuɗ yara eg suu babali mamsina.

GA 8ATAMBARA 32:35

Sa sukulna u warak ma warak sana ni kon anu, cemi ni li ma col sesi huna ka tuwa, buu masi ma yoora hinni na tok daŋ. Dlara miniɗ ka ki kasira ka a juɓ ta ta oloɗi.»

GA 8ATAMBARA 32:43

Agi njaf suu halaŋŋa ŋgaagi suu mamsina, kay nam hin sa sukul busu suu sun mamsina, nam hin tin dlara sa sukul ndaɗta ni kel suu babali masisina, nam hin col mbas mamba u suu mamsina ki koloo.