JEREMI 5:7 - Boy Lonana

⁷ Duk dla cora ko wanda na ɗaŋŋi hin ɦak gira ni nanage? Goryok noyon kiyo, asi suu tasi u sem loogi suu ɦawana lay. An ɦasi tlena halaŋ, na may asi li zoŋga, asi zuɗ tasi fun ziŋ gawlaŋgara.

JEREMI 5:7 Iomraidhean Croise

2 DLAŊ MULINARA 13:9

An joɓogi ni joɓiya na ni agi dik muli suu li ɓivunna suu vi Yawena goryoŋ Aaronna u njaf suu vi Levina ay ka kiɗi su? Cemi agi mbuɗ a muli magi suu li ɓivunna ni suu ay ki hu mbassa daŋgana. Gegelay ni mbay u bolo mbutl mamma may u gamlagina kiɗisiya may ni mbuɗ ni a mul ma li ɓivunna vi loogi asina suu ka gasi Lonaɗina.

JOB 31:12

Coonda ni ko ndal kura ŋgalla na. Ndaɗ ndak a ŋgalan ki naa gelek gelek, ɓalakan tlegeyen suu konna ki bel lay.

SOOLLA 50:18

Lini aŋ wi sa ma kulna wani, aŋ mbuɗ ni a banamma. Poy maŋga aŋ poy ni vi suu li zoŋga.

JEREMI 12:16

Lini asi haɗ tuɗta jivira wa ko suu mansina na, suu tasi u sen ana, «Bu Suuna ka iiriya,» ko asi haɗan suu mansina a suu tasi u Baalla na may ni, asi hin cuk ziisi duk suu mansina.

JEREMI 13:27

Dla zoŋ makka, yira ndak yi suuna a li zoŋgara, gawlaŋ mak ma bay zolona kolo kay ɦinira, hu senena, an wak dla cookka. Ҥii, Yerusalem, ndak ka ndak a mbuɗ tak ki jivi teteɗ a tuɗ unɗira ni buuna ga ologe?

JEREMI 16:11

Na ɗaŋŋi aŋ hin dasiya, «Ni kay ana somoyogi noyon kiyo. Yawe di na. Asi liŋ tuɗ ki u loogi suu daŋga a goɓosira, goɓ kaŋga fokosi lay. An tanda asi noyon kiyo, haɗ manda lay asi vaɗ ka kasiɗi.

JEREMI 16:20

Suu warna ndak a min loogina su? Tlesuu asi minisina ka ni looginaɗi.

JEREMI 2:11

Njaf suuna ndak a jok ki u lo ma daŋŋa su? Doli ɗaŋŋi ka ni looginaɗi. Suu mansina may ni mbuɗ jivi masira ki u va sunum kaɗina.

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

JEREMI 23:10

Hu mbassa suuna halaŋ mbuɗ ki suu li zoŋga, mbassa ka yoo taɗu kay dla cora oy ki huruɗu. Kaa ma ŋguy kadna hawaɗ ki wa. Asi ɓaɗ tasi kay a li dla cora, tasi tli feɗta kay dlara bay uɗta.

JEREMI 3:19

An ɓak tan ana, an a mbuɗuk ki duk goryon zeɗta ni, an ɦak mbas mayra dlara tak taɗ ki ii suuna ɦayra, ni li ma su ki kay njaf suuna u jivira belna. An hin di ana, agi hin yan ki ana bugiya, agi hin ka noyon ki oloɗi.

JEREMI 3:8

An wiya, gasi ni kay boy zoŋga an dik Israel ta cora kiyo, ɦaɗ magaara jokka ki koɗu. Na may wayaɗta, Yuda ta kaboyna, li ndaa ka na ndeɗi. Ndaɗ lay gi taɗ ki gawlaŋŋa.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

JEREMI 9:2

Sinisi ni ko ndal gu mbuurura ganira na. Sunda asi laɗ hu mbassara ni kaboyna, ka gasiraɗi. Asi li dla cora kay taɗ na gak gak. May an wanni asi ka wanɗi. Yawe di na.

YOORA 3:42

Ami mbuɗ tami ki babalira u aŋu. Ami gaŋ vunuŋ kiyo. Aŋ may ni ka wi hahaw saɗi.

EZEKIYEL 22:11

Suu daŋŋŋa buu u boyogi suu vi ndaryasinana. Suu ɦiw ni buu u boyogi suu vi goryosina. Suu daŋŋa buu u gorsesi suu vi busi suu tamagina.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

Magaara Vi Sa Jok Vun Lona OZE 13:6

Tew ha ki hu li ma ti haɗna may, ni asi hoɓ kiyo. Asi hoɓ ki wa ni hurusi mbuɗ va daŋŋa, ni kay ndaɗta asi noyon ki ni na.

Magaara Vi Sa Jok Vun Lona OZE 4:2

Gi vunna, ganyamba, ci maɗna, ɦulla, li zoŋga zul ni zuli na ɗow ɗow. Busu ma voom ki kaŋgana fi tam ha ni na gaw gaw.

Magaara Vi Sa Jok Vun Lona OZE 7:4

Asi halaŋ li zoŋga, asi ni ko ndal kura ŋgolla sa gi mappana gaɗna ŋgik ŋgik hiniɗ vunuɗ vi kaŋga a juɓ mappana nam bu ay ki tura na.

DLAŊ LEVIRA 20:10

«Lini sana buu u caŋ ndarammara wa ni casi kiyo, sa ma li zoŋgana u cara li zoŋgara lay, casi ki jak.

AMOS 8:14

Suu suu tasi u loogi suu vi suu Samarina suu di ana, «Ko Looŋŋa kak iiriya, Dan,» ɗowba, «Saɓakŋa vi Bersebana ka a fafaɗtana,» hin ndi kaŋgaa ka col kolo oloɗi.

SOFONI 1:5

An hin bulum suu goɓ kaŋga kay mbura kolora fok ciciwra, faɗta, u tilna kiyo, u suu goɓ kaŋga fok Yawena lay, suu hin suu tasi u sem loosina, Melekŋa, lay.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

1 KORINTNA 6:9

Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,

1 KORINTNA 8:4

Boy ma namma, ni anaba, Tliw ma ɓivunna maŋ fulina na ndak a komom su? Agi wi ana hu duliyara tani ful kaɗi, Lona ka dew daŋŋi namu.

GALATENA 4:8

Agi ay jew ni ka wi Lonaɗi, agi ay ni mborɓiina vi logi suu bay gasina.

GA 8ATAMBARA 32:15

Suu mamsina ɦis ki wa, mbuɗ ki suu gonokka, asi ɗoo ki wa, ndi ki mbala cocoo, noy Lona ma lasina kiyo, mbuɗ sa ma njun kasi ma suɗusi kina ki zolona.

GA 8ATAMBARA 32:21

Asi ɓalakan hurun ki u fuli masisina wa, asi mbuɗun ki yara u goɓ masira goɓ fulinara. An may ni hin ɓalakasi hurusi ni u suu ɦawana suu ka suu mansinaɗina may, suu asina hin ɓeŋesi hursi ki may.

HEBRENA 13:4

Suuna halaŋ gol ɗum masira jiviya, njufna u cara kak jivi eg tasiya. Lona hin mba kaɓakŋa kay suu li dlara yowna u suu li zoŋga.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

JOSUWE 23:7

Kalagi ka vi suu ɦawa suu hin cuki keŋegi ca canaɗi, yagi sem loogi masisina funugiɗi, suu tagi u loogi masisinaɗi lay, sunusiɗi lay. Goɓogi ga fok loogi masisinaɗi ɗay.