JEREMI 5:5 - Boy Lonana

⁵ An hin tuɗ ni eg suu ŋgolona na ɗow a ci wayra u asiya. Asi ɗow kala wi voɗta vi Yawera, gaɗta vi Loosinara. Na may ni suu daŋŋa ko suu hiŋŋana ni kus jug ma gii kelesina kiyo, bulum banara dukusira kiyo.

JEREMI 5:5 Iomraidhean Croise

2 DLAŊ MULINARA 36:14

Muli suu ŋgolo suu li ɓivunna u suu halaŋŋa lay cuk tasi hu dla cora ii Lona. Asi li ni dlara suu ka wi Lonaɗina laɗta, mbuɗ Ziŋ Lonara Yawe ɦal tam ki huruɗ hu Yerusalemba ki njenjera.

KALKIRA 32:25

Moiz wi ki ana suuna cala ki wa, Aaron hinisi li dlara u min masira, mbaarasi zolona kasi fok suu babali masisina.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

JEREMI 2:20

Ay day day lay ni ndak kus gu ma kelekŋa kiyo, ja duk ɦoŋok ki u an di ana, An ka min a li mbaɓu oloɗi. Kolo kay ɦinira fiyekka, kaŋga u ŋgusu ma ɗufina ndak buu kaŋga li gawlaŋŋa.

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

JEREMI 30:14

Suu banayaŋŋa halaŋ maaraŋ kiyo. Humusi ka gasi kaŋ oloɗi. An caŋ poŋga ko ndal poŋ sa babalira na. Ni haɗta eŋ cocora kay maɗ ma aŋ cam bolowna kay dla cora aŋ laɗ ka seŋ dukgi layra.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 8:7

Ko zilimma kolo duk semeɗna lay ni wi li ma nam tuɗ koyra hurumma, gugukka, dlemerekka u dawana ka maa ki kay li ma asi hoŋ ay vonaɗi. Na may suu mansina ka saa kay gaɗta Bu Suuna tiniɗtaɗi.

JEREMI 9:3

Kakagi jejegee, gegelay ko tam u ndaram ma poy u namma. Ganagi yam tagi u sa wayagi ma dewɗi lay. Kay ana wayagi managelay juɓ mi a li dla cora. Sa poy u tagi managelay min hummi dla cora.

EZEKIYEL 11:2

Musukka dan ana, «Goŋ sanna, gola ni suu may suu mbaa dla cora u ci maɗna ay hu ɦoŋzinana ɗaŋ.

AMOS 4:1

Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.

AMOS 6:1

Hahawra ka kay suu tin u heɓ masira kay Siyonna. Suu ɦal hurusi a kak u heɓpa kay ɦinira Samarira. Asi suu ŋgolo suu jew duk suunana. Suu hu zi ma Israelna mbay ni egesiya.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

Boy Ma Ayra Ma LUK Ɓiirimma 18:24

Yesu wi ana irim mbuɗ ɗussa ni, nam di ana, «Loɓma kay suu ɦizina a kal hu Mul Lonara.

Boy Ma Ayra Ma LUK Ɓiirimma 19:14

Suu hu mbas mambana ka minimbi. Asi sun suuna ha um ana, Ami ka min ana sa namma kak kami a mulnaɗi.