Hu li gorgor ko guna so ki wa ni asi hin kusum kiyo. Boyogina hin ŋgalam kiyo. Na daŋ may suu asina ka wi dlara asi laɗtaɗi. Kay ndaɗta sa ma li dla ndaɗta ka wasi hahawasiɗi may. Sa ma lasina ka wasi hahawasiɗi.
Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.
Sa hin humun boy manna u gaɗ mandana ni gege? Ҥii, humusi ki ŋgeliya, asi ka ndak a hum dlaɗi. Asi gol boyna vi Yawe ni ko ndal ŋgulla na, asi ka minimbi.
Ko zilimma kolo duk semeɗna lay ni wi li ma nam tuɗ koyra hurumma, gugukka, dlemerekka u dawana ka maa ki kay li ma asi hoŋ ay vonaɗi. Na may suu mansina ka saa kay gaɗta Bu Suuna tiniɗtaɗi.
«Goŋ Sanna, aŋ cuki zina ni duk suu gonokka suu dlasi cona, asi u iira kasi a wira ni ka wiɗi, u humba kasi a humba ni ka humbi lay, kay asi ni njaf suu li dla cora.
Kay, Wira asi wiya, ka wi ki ɗal ɗalɗi. A humba asi humma, ka wam um kiɗi. Lini asi wam umu ni, asi ndak hoŋ irisi eg Lona, nam hin hinisi coosira kiyo.»
Ni kay mayra Lona min duliyara ay day dayra, dlaamba bay sa waɗ u irimba ni di ana saɓak mamma ka daɓi ɗina, u dlaam mayra ana ni nam Lona daŋ mayra, ni halaŋ tak ki kay sun mayra nam laɗ ndaɗta ni suuna ndak kay wamu, ii boy masina ka ndak a ɗoɓ oloɗi.