JEREMI 5:12 - Boy Lonana

¹² Asi tin vunusi kay Yawe di ana, «Nam ka iiriɗi. Dla cora ka mba kaygiɗi. Ŋgewra hin ka caygiɗi lay. Mayra hin ka caygiɗi lay.

JEREMI 5:12 Iomraidhean Croise

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

SOOLLA 10:6

Nam saa hurum ana, «Va ma ŋgenen kaɗi, dlara co ka mba kanɗi.»

SOOLLA 14:1

Soolla vi sa ma fok suu gi soollana, soolla vi David. Sa ma giniŋŋa saa hurum ana, «Lona kaɗi.» Suu asina ɓeŋ tasi ki wa, asi li ni sunda cora. Sa ma li dlara jivi ka na dewɗi.

VUN ŊGOLNA 30:9

Kay ana hu li ma an hoɓi hoɓmi, tin vunun kaŋgi, hin di ana Yawe Lona ni gege naɗi. Dowba hu li ma an ki haw cocona kal ki a kulla, Suuna hin ŋgulun sem Loonnaɗi may.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 2:6

Asi di ka ana, Yawe ni arage? Ma selemi ay ki hu mbassa Egiptera, ma takami voɗta ay hu fullana, hu mbassa gogoyra u dawna, mbassa faɗta ɦayra, li ma ci suuna kina, mbassa sa ka jak huɗira, sa ka kak huɗi layra?

JEREMI 28:4

Na lay an hin hoŋ Yekoniya ma goŋ Joakim mul ma Yudana u suu yowosi ki mbaɓura hu Yuda tuɗusi ki Babilonna halaŋ. Yawe di na. Kay ana an kus mbal ma nek ma vi Mul ma Babilonna ki wa.»

JEREMI 4:10

An di ana, «Ҥii, aŋ, Bu Suuna Yawe, ɓeŋ suu asina ki ŋgol gasi daŋ may. Aŋ di suu Yerusalemma ana asi hin fi heɓpa.» May ŋgewra ka caygi kiyo.

JEREMI 43:1

Hu li ma Jeremi daɓ dlara Yawe, Loosina, damba ayra ki ɓakŋa maŋ suuna halaŋŋa, boy ma Yawe, Loosina, ɓakam ay maŋ suuna halaŋ halaŋŋa ni,

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 6:14

Asi li jivi toŋgo zak a doo kay dla cora vi suu mannara di ana, «Dlara ka jiviya, dlara ka jiviya.» Doli wanna va ka li dewɗi.

EZEKIYEL 13:6

Asi wi ni wira kaboyna ɦawaa, asi di dlara ha fokka ni dlara mbaɗ tara ɦawa lay. Asi suu di ana Yawe di ay na, bay Yawe cukusi ay layna, asi ka juɓmi ana nam hin lasi dlaasira asi daɗta kiyo.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

GA 8ATAMBARA 29:19

Sa namma ni Yawe ka bulumum coomba kiɗi. Yara vi Yawera tokŋi kay sa namma na ɗow. Givun ma ɓiiri hu maga ndaɗtana tokŋi kam halaŋ halaŋ. Yawe hin bulumum sem ki duk suu kay ndaŋgarana.

1 JAŊ 5:10

Sa tin hurum kay Goŋ Lonna diki ndaɗta ni joki kam gaw may, sa ma tin hurum ka kay Lonaɗina mbuɗ Lon ni sa kaboyna kay me nam tin hurum ka kay dikira Lona daɗ kay dlaŋ Gorommaraɗi.

1 SAMUEL 6:9

Agi hin wi ɗaŋ ana lini ndaɗ tli voɗta hu mbas maɗtara tin iriɗ ha hu Bet-Semes na ni, ni nam tamba laygi dla cora egeygi ni namu. Li ka naɗi ni aygi hin wi ana ni kom laygi dla cora ka egeygi ni nambi, ni aygi faygi ni dakka.»