JEREMI 5:1 - Boy Lonana

¹ Tuɗugi hu voɗta Yerusalemba, gologi ɗaŋ hin joɓogiya, halagi hu li namma. Agi fi sa dew su? Agi fi sa njun kay sa ɗegeena dew su? Ma hal a di gasirana. Na daŋŋi an hin ɦal gira maŋ ɦoŋzina.

JEREMI 5:1 Iomraidhean Croise

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

2 DLAŊ MULINARA 16:9

Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

SOOLLA 12:1

Soolla vi sa ma fok suu gi soollana, soolla vi David gaɗ u diŋ ma zewem kalavandina.

SOOLLA 14:2

Yawe ay kolo huulona ka gol suu warna aya. Ana, nam fi sa ma li dlara jivi dukusi su, fi sa ma hal Lona su?

SOOLLA 14:3

Suuna halaŋ cala voɗta ki wa, sa ma li dlara jivi ka na dewɗi, na dew lay kaɗi.

SOOLLA 94:16

Sa ma hin a ɓakan kay suu li dla cora ni gege? Ma hin a njun kasina ni gege?

VUN ŊGOLNA 20:6

Suuna bolowo ka ŋga tasi kay ɗegee masira, may a fi gasi sa ma ki na ɗegeena ni loɓ cocoo.

VUN ŊGOLNA 23:23

Haɗ taŋ a li ni gasira, gusuɗ kiɗi, na lay hal yalna, haɗta, u nera may.

VUN ŊGOLNA 8:3

Hu voɗta tuɗ hu ɦoŋzi ma ŋgolnara may, keŋ vun grek ma ɦoŋzinana may, yalna ka di ana,

SOOLLA VI SALOMON 3:2

An col kolo ŋguy ɦoŋzi ŋgolna hu voɗta lay, hu li ma sukŋa lay, an hal sa ma hurun minim ɦayna. An halam cocoo, fam kaɗi.

EZAYI 59:4

Sa ma mbaa sekka gasi kaɗi, sa ma kal hu li ma kaɓakŋa u dlara ɗegee kaɗi. Asi lak fun ɓakŋa ni bay u dlara irisiya. Ɓak magina halaŋŋi um kaɗi. Agi mbaa ni dlara ɓalak suuna, zul ni cora na ɗow.

JEREMI 2:29

Agi li ɓakŋa u anni kay mege? Agi halaŋ halaŋ mbuɗugi yara u anu, Yawe di na.

JEREMI 44:15

Suu may suu wi ana boyogosi ŋgal ɓivunna maŋ loogi suu daŋŋana, boyogosi suu moli bolow hu li nammana, suu kaki hu mbassa Egiptera halaŋ, suu hu Patrosna hoŋ dira maŋ Jeremi ana,

JEREMI 8:6

An humusi dlasira ki jiviya, dlara asi laɗta uɗ kaɗi. Sa dew lay ka hin coomba kiɗi, di ana, «An li ni me ɗowge?» Gegelay tin irim ki ni hu li ma nam minimma, ko ndal kulumina fun duunara na.

JEREMI 9:2

Sinisi ni ko ndal gu mbuurura ganira na. Sunda asi laɗ hu mbassara ni kaboyna, ka gasiraɗi. Asi li dla cora kay taɗ na gak gak. May an wanni asi ka wanɗi. Yawe di na.

JEREMI 9:7

Sinisi ni ko ndal sin mbuurura ci maɗna na. Asi ɓakŋi dlara ganyamba. U vunusi asi ɦal heɓpa maŋ suu poy u asina, na may hurusi kurufu ni asi minisi ni dawna kaŋga fokosi gunda.

EZEKIYEL 22:30

Dukusi ni an hal ana fi sa ma jivi ma min gulumunna kolo su, fi sa ma hin a col fokon a vi kura kolo su, ni kay tlesuu ka hu mbassana. Kay ana ka an hin ɓalak tle asina kiɗi, na may ni an fi sa kaɗi.

EZEKIYEL 9:9

Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.

DANYEL 12:4

Aŋ, Danyel, may ɗaŋŋi ŋgay boy namma huruŋu, li um ta ta hu daɓpa. Suuna bolowo hin ndum boy namma, saa masira hin wul fok may.

JOEL 2:9

Asi jak ɦoŋzina, liŋ kay li ma mbuyna, diŋ kay ziginina, kal ii zira ko ndal suu kulnana.

AMOS 8:12

Asi hin tuɗa, viriw fun mbo lumma ŋgolna ta ta tew fun mbo lumma ŋgoo hiŋŋa, ta ta mbayawi, ta ta tew u faɗ maɗiiya, a hal boy ma vi Yawena, na may asi hin ka fambi.

ZAKARI 2:4

An joɓ ɗaŋŋi ana, «Suu asina mbay a li ni mege?» Nam hoŋon dira ana, «Mekka ni mek mayra njay suu Yudana ki sa dew lay ka tli yam koloɗira. Suu dli caffa mba ni kay a mbuɗusi ndaanara, a kus mek suu asina kira, suu yow mekesi kolo kasi kay mbassa Yudara a njayaɗ kira.»

Boy Ma Ayra Ma LUK Ɓiirimma 14:21

Goo vun sunda hoŋ eg malamma, tuɗ cuɗum vun namma halaŋ. Malaŋ zina hurum ɓeŋ ki gaw, di maŋ saam ma sunda ana, Tuɗ zak ha hu voɗta ɦoŋzina yi suu hawra aya, suu dagina u suu dugina u suu dalina aya.

2 TESALONIKŊA 2:10

Nam hin li njaf cora halaŋ halaŋ a gan yam suuna a baasi kira. Asi hin ba kiyo kay asi vi gasira kaɗi lay, min gasira ndak a suɗusi kira kaɗi lay.