JEREMI 49:8 - Boy Lonana

⁸ Liŋigiya, pereɗegi ŋgorogiya, ŋgayagi tagi ki hu zulla, agi suu Dedanna. An mba ɓeŋga vi Ezawra kam wa. Ni hu li ma nam hin ɓak dlaamba kina.

JEREMI 49:8 Iomraidhean Croise

EZAYI 2:21

Asi hin tuɗ ŋgay tasi ki hu zul ɦinira, ko ndaa Yawe u kiɗikka vi bibiŋil mamba. Hu li ma nam col kolo hin mbuɗ ndaŋgara ki ndaana.

EZAYI 21:13

Gola ni dlara njaɗ kay mbassa Arabira. Agi hin nda buu ki ŋgoo bagi hu mbassa Arabira, agi suu Dedan suu tuɗ u jamballana.

EZAYI 34:5

Bu Suuna di ana, ŋgew manna ay kolo huulona day guruɗ ay wa. Nam mba ci suu Edomma kiyo, ni suu may suu an kaasi ɓakŋa ki kasi nam vasina.

JEREMI 25:23

Suu Dedanna, suu Temanna, suu Buzna, suu vogosi ki welina halaŋ.

JEREMI 46:21

Suu duu suu dlasi co suu varaɗna lay ki ni ko ndal gor mbutli suu cilisi mbilisina na. Asi may ni ɦal ŋgorosi gaw. Asi liŋ ko tasi dew. Asi ka ndak a col fokosiɗi. Gasi buu masi ma ɓeŋga mbay kasi wa, li ma asi hin ɓak dlaasira kina mba wa.

JEREMI 48:28

Hinigi ɦoŋzina tuɗ kakagi ha ki kay ɦinira agi suu hu Moabma, agi mbuɗ ki ni gugukka vi ziiɗ hu li ma ko sa ka kal huɗina na, fun zandukka begera na.

JEREMI 48:44

Sa liŋ ŋgay tam ki ko ndaanana hin ndi kaŋga hu zulla ŋgolla. Sa ma ɗiŋ ay ki kolo hu zul ŋgollana bayna hin vamu. Gasi, an mbaaɗ dlara ay kaɗu, kay Moab hu basara ndaɗ hin ɓak dlaaɗta ki maŋ Bu Suunara, Yawe di na.

JEREMI 48:6

Ŋgayagiya, gegelay ŋgay tamu. Agi mbuɗ ki ko ndal korra hu fullara na.

JEREMI 49:30

Ŋgayagiya, liŋŋigi hoŋgo zak ŋgayagi tagi hu zulla agi suu Hasorna. Yawe di na. Kay ana Nabukodonosor, mul ma Babilonna, min tam ay kagi wa, nam vi vunum ay u suu mamsina wa.

JEREMI 49:32

Jambal masira suuna hin ɦurumuɗ kiyo, yoori masi suu bolow cocona hin hin ki a jona. An hin njayasi ki duk semeɗna keŋ lina fiɗi suu yasi eŋŋa, an hin mbaasi dla cora ay kasi keŋ lina bel. Yawe di na.

JEREMI 50:27

Cagi gor mbutlina kiyo, tuɗugisina ha ki hu li ma ŋgaɗ mbutlina. Ni dla co me kasi na ɗaŋge. Buu masina mba wa, li ma asi a ɓak dlaasira kina.

JEREMI 6:1

Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.

EZEKIYEL 25:13

Kay ndaɗta Bu Suuna, Yawe, di ana, an maɗ kon kay suu Edomma u hurun ma ɓeŋ ki egesi u yarna. An hin ci suu warna u yoorina kiyo. An gijaŋ ɓalakka ay ni hu mbassa Temanda day, asi hin puk kaŋga fun ŋgewna ta ta tew ki hu mbassa Dedanda.

MALASI 1:3

an hin noy Ezaw ki may. An hin bulumum ɦini mamba ki may, ɦam tlegeyem ki maŋ bayakka hu fulla lay.»

MALASI 1:4

Yawe, ma Saɓakŋa Kom Belna, di ana, «Lini suu Edomma di ana, Ami ki ɓeŋiya may ami hin hoŋ tlegeyemi kolo minda. Ko asi hoŋosi kolo minda may, an tanda hin hawaɗasi ki may. Hin tinisi sesi ana mbassa sulukŋa, suu Yawe hurum ka heɓ ki egesi na zakgina.

WIRA ŊGAYRA 6:15

Muli suu ŋgolona kay ndaŋgara, suu fok suuna, suu ŋgol asgaana, suu ɦizina, suu saɓakŋa, u suu daŋŋa halaŋ, mborɓiina u gor vuɗta, asi halaŋ ŋgay tasi hu zul goyra duk ɦinira.

SUU KAƁAKŊA 6:2

Suu Madiyanna las suu Israelna saɓak cocoo. Ko ndaa suu Madiyanna ni suu Israelna mbee kolo kay ɦinira tuɗ ŋgay tasi ki hu zul ɦinira. Ŋgay ki hu li ma zuzulna a suɗ tasira.

1 SAMUEL 13:6

Suu Israelna wi ana asi ki baaya kay ana suuna ɦeɓesi ki na tok. Suuna ŋgay tasi hu zul gogoyra, hu zulla u ɦinira, u goloŋga.