JEREMI 49:3 - Boy Lonana

³ Gurniya Hesebon, Ai ki ɓeŋiya, yagi kolo eŋŋe ɦoŋzi ma Rabba ma kiɗikka. Cukugi baraw bolla egegiya, yoorogi tagiya. Poyogi hu gulumunna. Milkom tuɗ ki mbaɓura wa. Suu maɗ muli suu li ɓivunna u suu mulina halaŋ lay.

JEREMI 49:3 Iomraidhean Croise

2 SAMUEL 11:1

Doli ɗini hu hoŋga suu asgaana hoŋ ay hu li ma mulina njaa tasi ki a duunana ni David sun Joab u suu mam suu sunda halaŋ, suu Israelna halaŋ may. Asi kiriɓ goryoŋ Amonna kiyo, min tasi a duuna fok Rabba hu li ma David kaki Yerusalemma.

1 MULINA 11:33

Ni kay ana asi noyon kiyo. Asi goɓ kaŋga fok ciciwra, Astart, lo cara ta fi suu Sidonnara, fok Komos lo ma vi suu Moabma, fok Milkom lo ma vi goryoŋ Amonna. Asi min ka a tuɗ hu voɗ mandaɗi, ka li dlara irin ɗegeeraɗi lay, ka li u gaɗ manda u dlara an miniɗta ko bum David lira naɗi.

1 MULINA 11:5

Salomon goɓ ciciwra, Astart, lo cara ta vi suu Sidonnara, u Milkom, lo ma dlam co ma vi suu Amonna.

2 MULINA 23:13

Josiyas hawaɗ li ma mulna Salomon minim ha kolo kay ɦinira Conora ii dali vok tam u Yerusalem na gay. Li ma teteɗ namma minimmi, loogina gi ciciwra kolo huulonara, maŋ Astart, lo tamara ta cora vi suu Sidonna, maŋ Kemok, lo ma co ma vi suu Moabma u Milkomma, lo ma co ma vi suu Amonna.

EZDRAS 2:28

suu war suu Betel u Ayna 223,

EZAYI 13:6

Saagi walla, yorogi tagiya, Buu ma vi Yawena hin tok. Ko ndal sa ma ɓalak lina col ay a ɓalakam kira na.

EZAYI 14:31

Vun grekŋa yoo taŋu, Ҥoŋzina sawalla koloo! Zi ma Filistinna halaŋ hin ŋgal kiyo. Kay ndoos ŋgolna hin col ay mbayaw na ni suu duuna, sa ma daŋ ma haɗ ay ki keŋ a suusi kaɗi.

EZAYI 15:2

Suuna ɗiŋ kolo kay li ma teteɗna hu Dibon, diŋ kolo kay mbura mbuy ta kolo dayra a tiina. Kay ɦinira Nebora u ɦoŋzi Medebana suu Moabma ka yoo tasiya, suuna kaa yasi ki halaŋ halaŋ. Njeɓeresi halaŋ asi cawaɗ ki lay.

EZAYI 16:7

Cemini suu Moabma halaŋ ka yoo tasiya, asi yoo tasi ni halaŋ halaŋ. Asi tii tasi ni kay ti ma asi ka fam ay hu zi ma Kir Heres cocona.

EZAYI 23:1

Gola ni boy ma dam kay zi ma Tirna. Agi suu tuɗ hu lumma u lum kawinana tiirigiya. Tlegeyegi ɓalak ki wa kay zi ma agi cuki huna to kiwa u suu hurumma halaŋ miɗ ki wa. Agi suu mbay huna suu Siprena humugi boy namma ha kiyo.

EZAYI 23:6

Tuɗugi ta ta hu Tarsis, tiirigiya agi suu cuki fun lummana.

JEREMI 4:8

Kay boy namma wanni cukugi baraw bolla egegiya. Yoorogi tagiya. Gagi soolla hahawra. Ҥawaa, yara vi Yawe ka jak ki kaygiɗi.

JEREMI 46:25

Yawe, ma Saɓakŋa Kom Belna, Lona vi Israel, ɓak ana, «An hin li yara u Amon ma Tebma, u Faraw, u Egipte u loogi masisina u muli masisina u Faraw u suu ŋgay tasi egemma halaŋ.

JEREMI 48:2

Moab seɗ ma tiina daɓ ki wa. Ay hu Hesebon asi li yal ma tii maɗna kaɗu. Tuɗuygi bulumuygi njaf suu asina kiyo. Ndak Madmen lay ni mbuɗ ki seŋŋira na yerek yerek. Ŋgewna ka ciɗik seku.

JEREMI 48:20

Moab zolona caɗ wanni tii ni tiriya. Gurniya, yagi suuna mbay njunugiya, ɓakagi ha ki hu Arnon ana Moab ki ɓeŋiya.

JEREMI 48:37

Na ɗaŋŋi asi wel yasi ki halaŋ lay ka ko ŋgusugina ki halaŋ lay, cal hu duk kosi ki lay, njun baraw bolla hurusi may.

JEREMI 48:7

Ni kay ana ndak hin tak ki ni kay saɓak makŋa u bege makka, asi tlak wa. Kemok tuɗ ki mbaɓura wa. Muli mam suu li ɓivunna u suu muli mamsina halaŋ lay.

JEREMI 49:1

Yawe ɓak kay suu Amonna anaba, na ni Israel gorra ka koɗɗi su? Suu a ti jona balamaɗna kaɗi su? Na ɗaŋŋi kay me Milkom tli Gad ki a jona ni ge, suu mamsina kak ki hu ɦoŋzina ni ge?

JEREMI 51:8

Babilon kaf puka kaŋga na gaw ni, kus kiyo. Yoorogi tagi kaɗu. Doogi mbulna ii mbiliɗu, ndaɗ li hin suɗ kala.

JEREMI 6:26

Agi suu mansina, cukugi baraw bolla egegiya. Bulumugi tagi kaŋga duk buɗna. Ko ndal maɗ goo ma dewna na lagi doona, yoorogi tagiya. Kay ana kak njokŋi sa ci suuna hin mba kaygiya.

AMOS 1:15

Mul masina hin tuɗ ki hu li ma mbaɓura lay, nam tamba u suu mam suu duuna lay, Yawe di na.

SOFONI 1:5

An hin bulum suu goɓ kaŋga kay mbura kolora fok ciciwra, faɗta, u tilna kiyo, u suu goɓ kaŋga fok Yawena lay, suu hin suu tasi u sem loosina, Melekŋa, lay.

Magaara JAK Ɓiiriɗta 5:1

Humugi boy manna haa agi suu ɦizina, tiirigiya, yoorogi tagiya, kay hahaw mayra hin a mbay kagira.

JOSUWE 7:2

Ay hu Yeriko wanni, Josuwe sun suuna a tuɗ gol ɦoŋzi ma Aina. Zi namma cuki u maɗiina vi ɦoŋzi ma Betelna na, tok eg zi ma Bet-Avenna, a asi tuɗ gol lina ay ki fok jewra.

JOSUWE 8:1

Yawe di Josuwe ana, «Li ndaaɗi, yow suu duuna uŋ halaŋ, tuɗ kolo duu u suu Aina. Gola an ɦaŋ mul ma Aina ki hu duk koŋ wa, suu mamsina, ɦoŋziisina halaŋ u mbas mamba halaŋ lay.

JOSUWE 8:28

Josuwe ŋgal ɦoŋzi ma Aina ki halaŋ halaŋ, mbuɗum ki ni ko li ma ŋgoo bagina na, ta ta cemi.