JEREMI 49:2 - Boy Lonana

² Na ɗaŋŋi Yawe di ana buuna ka mbaa, ma suu Amonna hin tum tiina hu Rabbana, tii ma duuna. Ndaɗ hin mbuɗ ki ni li ma hahawra, ɦoŋziiɗ ma kiɗikka hin ŋgalam kiyo. Israel hin ti jo ma vi suu taɗ jooɗnana, Yawe di na.

JEREMI 49:2 Iomraidhean Croise

2 SAMUEL 11:1

Doli ɗini hu hoŋga suu asgaana hoŋ ay hu li ma mulina njaa tasi ki a duunana ni David sun Joab u suu mam suu sunda halaŋ, suu Israelna halaŋ may. Asi kiriɓ goryoŋ Amonna kiyo, min tasi a duuna fok Rabba hu li ma David kaki Yerusalemma.

SOOLLA 48:11

Ko ndal seŋ na may, Lona, ŋgara ŋgaaŋga ndak ha ki kay yam mbassa halaŋ. Bikiŋ ma njufna oy u dlara ɗegeera.

SOOLLA 97:8

Siyon humum delem wa ndaɗ ka furiya, ɦoŋzi ma Yudana halaŋ furiya, Yawe ay ɓak maŋ ma aŋ kaamma.

EZAYI 11:14

Njaf suu mba' asina taɓ tasi ni kay cee suu Filistinna suu u fiɗiginana dew. Asi taɓ dew tuɗ ɦurum suu u maɗiinana. Asi hin duu suu Edomma u suu Moabma goryoŋ Amonna hin li ki ni usi gaa.

EZAYI 17:1

Gola ni boy ma dam kay ɦoŋzi ma Damasna. Bu Suuna di ana, Tuɗ fok na nde ni sa ka wi zi namma oloɗi. Nam hin mbuɗ ki ni a li ma cuk zozoɗta.

JEREMI 4:19

Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

JEREMI 49:1

Yawe ɓak kay suu Amonna anaba, na ni Israel gorra ka koɗɗi su? Suu a ti jona balamaɗna kaɗi su? Na ɗaŋŋi kay me Milkom tli Gad ki a jona ni ge, suu mamsina kak ki hu ɦoŋzina ni ge?

EZEKIYEL 21:20

A asi mbuɗ ki ndaana hu ɦoŋzina halaŋga ni, an tuɗusi ŋgewna ki fun ziisi dew dew halaŋ. Ŋgew namma weleɗ cocoo, lammi kay a ci maɗna daŋ may.

EZEKIYEL 21:25

Wak voɗ taa dew ni suu duu suu Babilonna tuɗ ay hu a tuɗ hu ɦoŋzi ma Rabana vi suu Amonna. Voɗta hiniŋga tuɗ hu ɦoŋzi ma eŋ coco ma Yerusalemma may, ni vi suu Yudana.

AMOS 1:14

An hin cuk kura kay gulumun ma Rabbana, ndaɗ hin ŋgal ziginina kiyo, hu buu ma hin yi kolo a duunana, hu buu ma babaana paɗ walna.

ABDIYAS 1:19

Asi tli mbassa vi Edom ta kaŋga ura, ɦinira vi Ezawra, mbassa kaŋga ura, mbassa vi suu Filistinna lay. Asi tli ndaŋgara vi Efrayimba, mbassa Samarira nam Benjamin tli mbassa Galaaɗta.

NDUMBA 10:9

Hu li ma agi tew ki hu mbas magira wa lini suu babali magisina mba halagiya, agi a tuɗ duu u asira ni yi tora duuna, buugi tokolomma may. Ni, an Yawe humun hin gan ay kagiya agi hin suɗ ki ko suu babali magisina.

NDUMBA 21:25

Suu Israelna tli ɦoŋzi ma ŋgolo ma Amorna ki halaŋ halaŋ. Asi cuk ziisi ki hu ɦoŋzi ma vi suu Amorna halaŋ, hu Hesebon u zi ma ay njuni usina halaŋ.

GA 8ATAMBARA 13:16

agi ci suu hu zi nammana halaŋ ki u ŋgewna, agi ŋgal zi namma ki u suu hurumma halaŋ, ci yoorina ki u ŋgewna lay.

GA 8ATAMBARA 3:11

Og mul ma Basanna ni mul ma kak dagan iiri ta ta duk suu Refayimma. Lay mamma ni lay kawina ka cemi hu Rabpa hu ɦoŋzi ma ŋgol ma vi suu Amonna tu layɗi su? Fiyek lay namma meter fiɗi, hayam meter mba may.

JOSUWE 17:11

Ha hu mbassa vi Issakar u Aser, Manase ɦoŋzi mam ma ŋgolona ha varasiya, ni Bet-Sean u zi ma ga umma halaŋ, Yibleam u zi ma ga umma halaŋ, Dor, En-Dor, Taanak, Megido u zi ma ga usina halaŋ, u ma ay keŋesi tok tokŋa lay.

JOSUWE 17:16

Goryoŋ Yosefna hoŋom dira ana, «Mbassa ɦinira ka ndakamiɗi, ni gasi daŋ may, suu Kanaanna suu cuki hu mbas ndaɗta u pupus ma kawina kosiya, suu Bet-Seanna hu lay u suu ŋguy keŋesi tok tokŋa may, suu may suu hu ɦuɗugumba Jizreella lay.»