JEREMI 48:44 - Boy Lonana

⁴⁴ Sa liŋ ŋgay tam ki ko ndaanana hin ndi kaŋga hu zulla ŋgolla. Sa ma ɗiŋ ay ki kolo hu zul ŋgollana bayna hin vamu. Gasi, an mbaaɗ dlara ay kaɗu, kay Moab hu basara ndaɗ hin ɓak dlaaɗta ki maŋ Bu Suunara, Yawe di na.

JEREMI 48:44 Iomraidhean Croise

1 MULINA 19:17

Suu may suu suɗ ay ki ko ɓak ma vi Hazaelna, Jehu hin casi ki u ŋgewna. Suu suɗ ay ki ko ŋgew ma vi Jehuna, Elise hin casi ki may.

1 MULINA 20:30

Suu hin iirina pii tuɗ hu ɦoŋzi ma Afekŋa. Na may gulumunna bow kay suu hin iiri buɓ buɓ dok-mba' yam kiɗisiya asina. Ben-Hadad u tamba pii may. Nam tuɗ kal hu ɦoŋzina, ŋgay tam hu ziginina ni jok um hu zi hiŋga tani tani na gak gak.

EZAYI 10:3

Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?

EZAYI 24:17

Agi suu kay ndaŋgarana halaŋ, ndaana, zulla, bayna ka guni fokogiya.

EZAYI 24:18

Sa ma pii ki ko walla suuna saaɗ ko ndaanana hin ndi hu zulla, sa ma taɓa ay ki hu zullana bayna hin vam may. Vun mbo ma ay kolona mal ki may. U ndaŋgara ŋgari gara geŋeɗ may.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

JEREMI 11:23

Sa ka hin varasi dewɗi lay. An hin mbaa dla cora ay kay suu Anatotna hu basara asi hin ɓak dlaasira kira.»

JEREMI 16:16

An hin sun suu li sulukŋa ha ŋgol cocoo. Yawe di na. Asi hin halasi ay kiyo. An hin sun suu ci mburina ha ŋgol cocoo. Asi hin dikisi ay ki kay ɦinira halaŋ halaŋ, ta ta hu zul gogoyra lay.

JEREMI 23:12

Na ɗaŋŋi voɗ masira mbuɗ ki goloɓoɗta. Asi viɗ tasi ki duk li ma ndufunna. Asi puk kaŋgaa. An mbaasi dla cora ay kasi hu basara asi hin ɓak dlaasira kira. Di na ni Yawe.

JEREMI 46:21

Suu duu suu dlasi co suu varaɗna lay ki ni ko ndal gor mbutli suu cilisi mbilisina na. Asi may ni ɦal ŋgorosi gaw. Asi liŋ ko tasi dew. Asi ka ndak a col fokosiɗi. Gasi buu masi ma ɓeŋga mbay kasi wa, li ma asi hin ɓak dlaasira kina mba wa.

JEREMI 49:8

Liŋigiya, pereɗegi ŋgorogiya, ŋgayagi tagi ki hu zulla, agi suu Dedanna. An mba ɓeŋga vi Ezawra kam wa. Ni hu li ma nam hin ɓak dlaamba kina.

JEREMI 50:24

An gunuk dawna kaŋga fokoku, gola kafak kay ŋgusuk vak wa Babilon, uk gi ki kolo wa, vak ki wa. Kay ana ndak min tak a duu u Yawe.

JEREMI 50:27

Cagi gor mbutlina kiyo, tuɗugisina ha ki hu li ma ŋgaɗ mbutlina. Ni dla co me kasi na ɗaŋge. Buu masina mba wa, li ma asi a ɓak dlaasira kina.

JEREMI 51:18

Ni dlara ganyamba, dlara sanda, hu li ma hin a ɓak dlara kina asi hin bulum kiyo.

JEREMI 8:12

Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.

YOORA 3:47

Dlara ndaana faygi wa, ni dla cora a caygi kira.

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

AMOS 5:19

Ni ko ndal sa warna liŋ ki ko dlonara na, bosokona hin ŋgafamu. Nam kal vo varam kal ni ɦek kom ay eg gulumunnara na, nam guyna eɗem may.

MISE 7:4

Ma jivi dukusina ni ko ndal wayra na, ma jivi suna ko ndal kaa wayra na. Hu buu ma suu maŋ suu golla yaŋŋa aŋ mbay dukusiya, cecem wanda asi viɗ ki wa.