JEREMI 48:10 - Boy Lonana

¹⁰ Cora ka kay sa ma li sunda vi Yawe hurum ka dewɗina. Cora ka kay sa ma ka min a ɦal busuɗum ki maŋ ŋgew mammaɗina.

JEREMI 48:10 Iomraidhean Croise

1 MULINA 20:39

Hu li ma mulna a jaka ni, nam sawalla ha kolo ana, «Saaŋ ma sunda kal ay ki a tuɗ hu li ma yara. Sa ma dew col ay hu li duuna, mbaaran sana ay egen wanni dan ana aŋ golom ka jiviya. An mba fam kaɗi ni, ba ki ni iiri maŋ taŋgara, kaɗi ni aŋ hin warak u gursura buɓ buɓ hindi may.

1 MULINA 20:40

Saaŋ ma sunda irim ki u sunda daŋga na ni, gol irimu ni sa namma kaɗi.» Mul ma Israelna hin dam ana, «Aŋ kaɓakŋa ay kay taŋŋi u taŋga tok.»

1 MULINA 20:42

Sa namma hin dam ana, «Yawe di ana, aŋ hin sa ma an daŋ ana cam kiyona suɗa ni, iiri maŋga hin varakŋi kay balam iiri mamba. Suu maŋ suu Israelna ni kay balam suu mamsina may.»

2 MULINA 13:19

Sa ma vi Lonna hurum ɓeŋ egem hin di ana, «Lini aŋ waɗ ni yaŋ vadl u karkiya ni aŋ hin ci gin suu duu suu Sirina daɓasi ki may. Wanda ni aŋ hin dikisi ni yaŋ hindi ɦawa may.»

JEREMI 11:3

Aŋ hin dasi ana, «Yawe Lona vi suu Israelna ɓak anaba, cora ka kay sa hum ka u dla bana ndaɗtaɗina.

JEREMI 47:6

Ni dla co me nage, ŋgew ma vi Yawe na. Na ni aŋ hin seŋ taŋ duk koɗ taŋ ɗaŋ ki su? Kal ki hu ziiŋu. Seŋ taŋu, colla.

JEREMI 47:7

Nam hin seŋ tammi nanage hu li ma Yawe gam ay vun sunda kay Askelon fun mbo lum ma ŋgolna na. Nam vi vunum a ŋgaf tasi ni hu li namma.

JEREMI 50:25

Yawe mal vun liim ma kura ki wa, yow ɓagi namma ay ki kom u hurumma haɗta. Gasi, ni sunda vi Bu Suuna Yawe ma Saɓakŋa kom Belna, hu mbassa Kaldera.

JEREMI 50:27

Cagi gor mbutlina kiyo, tuɗugisina ha ki hu li ma ŋgaɗ mbutlina. Ni dla co me kasi na ɗaŋge. Buu masina mba wa, li ma asi a ɓak dlaasira kina.

JOSUWE 10:19

Agi suu hinna cuɗugi u suu hiŋŋa ka hinigi suu babali magisina a cuk hu ɦoŋziisinaɗi, kay Yawe, Loogina, ɦagisina ki ni hu duk kogiya.»

SUU KAƁAKŊA 5:23

«Sa sunda vi Yawe di ana, gagi vunna maŋ ɦoŋzi ma Merosna. Gagi vunna maŋ suu hu zi nammana, kay asi mbay ka a njun u Yaweɗi. Asi mbay ka a njunum u suu masi suu wi duunaɗi.

1 SAMUEL 15:3

Cecem wanda ɗaŋŋi tuɗ ci Amalek kiyo. Agi ndak a doo ki kay tlegeyem lay. Aŋ hinim oloɗi. Aŋ casi ki halaŋ halaŋ, jufiina, boyogina, kemba u gor kem suu fun pona tuna lay, mbutlina u timigiina lay, jamballa u korra.»

1 SAMUEL 15:9

Na may ni Sol u suu mamsina hin Agag bay cira u yoori mam suu gorina may suu ŋgolona may, u tlesuu gori suu daganna gor timigiina u tlesuu jivi suu huna halaŋ. Nam hin vi ka kam a ɦasi ki a ciraɗi. Tlege suu sunusi kaɗina, suu ka jiviɗina, nam ɦasi asina kiyo.