JEREMI 47:6 - Boy Lonana

⁶ Ni dla co me nage, ŋgew ma vi Yawe na. Na ni aŋ hin seŋ taŋ duk koɗ taŋ ɗaŋ ki su? Kal ki hu ziiŋu. Seŋ taŋu, colla.

JEREMI 47:6 Iomraidhean Croise

2 SAMUEL 2:26

Abner yi Joab ha kolo ana, «Na ni ŋgewna hin ka seŋ cira ci suuna duk ɗi su? Na ni aŋ hin a di suu maŋsina seŋ dikka dik u gorseginara ni ge?»

1 DLAŊ MULINARA 21:27

Yawe di sa sunda huulona olo ana nam hoŋ ŋgew mamma hu ziimu.

SOOLLA 17:13

Col koloo, Yawe, ŋgafasiya, hoŋosi ha ki dagani. Suɗun ki ko suu co asina u ŋgew maŋŋa.

EZAYI 10:15

Bu Suuna di ana, «Njetna ndak ŋga tam kay sa ma ka guuna u namma su? Siina ndak a ŋgaɗam kay sa ma ka wak guna u namma su? Ko ndal tokolora zuɗ sa ma ndaɗ ka wi komma ha a waɗta ni ndaɗ su? Njewɗekka ka zuɗ sa ma waɗ u ndaɗnaɗi lay.»

EZAYI 10:5

Hahawra kay suu Asirina, tokolo manda yara, tokolora koŋ ndaɗta ni hurum ma ɓeŋŋa.

JEREMI 12:12

Hu voɗta hu fullara halaŋ suu ci suuna mbay huruɗu. Ŋgew ma vi Yawena ay ii ko hiŋŋa ta ta tew ko ndaŋgara wanda. Heɓpa ka kay sa dew oloɗi.

JEREMI 12:4

Ndaŋgara hin yoo taɗ ni buuna ta ta gage, usu ma bagina hin so ki ni saɓa mayge? Mburi suu bagina miɗ ki ni kay cora vi suu maɗsinara. Asi suu di ana, «Nam ka wami voɗomiɗi.»

JEREMI 15:3

An cukusi suu duuna fiɗi kasi toŋgo zak. Yawe di na. Ŋgewra a casi kira, diginina a taɗasi kira, layagi suu huulonana u mburi suu kay ndaŋgarana a komosi kira.

JEREMI 25:27

Aŋ hin dasi ana, «Yawe, ma Saɓakŋa Kom Belna, Lona vi suu Israelna, ɓak anaba, Cagiya, guruɗugi tagi kiyo, vinigiya, pukugi kaŋgaa, ka cologi kolo oloɗi ko ŋgew ma an sunum ay dukugina.»

JEREMI 4:21

An hin wi tlesuu duuna ta ta buuna gage? An hin hum del tokolom ma duuna ta ta buuna gage?

JEREMI 48:10

Cora ka kay sa ma li sunda vi Yawe hurum ka dewɗina. Cora ka kay sa ma ka min a ɦal busuɗum ki maŋ ŋgew mammaɗina.

JEREMI 50:35

Ŋgewna, ci suu Kaldena kiyo, Yawe di na. Suu Babilonna lay, suu ŋgolo suu sunda u suu wi yalna lay.

EZEKIYEL 14:17

«Ɗowba an di ana suu duuna cuk kay mbas ndaɗta, an di ana ŋgewna kal hu mbas ndaɗta ci suu warna u yoorina kiyo.

EZEKIYEL 21:30

Aŋ mul ma vi suu Israelna hum haa, aŋ sa ma li dla cora, buu maŋŋa ndak wa ni dlaaŋga co ndaɗta hin daɓ kiyo.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

Boy Ma Ayra Ma JAŊ Ɓiirimma 18:11

Yesu di Piyer ana, «Hoŋ ŋgew maŋŋa hu ziimu. Aŋ saa ana lassa Bun ɦandara an ka ndaki kaɗɗi su?»

SUU KAƁAKŊA 7:20

Suu irisi ki ɓorowi hindina halaŋ bu tokolomma, to gegeli masina kiyo. Asi vi tosolomba ki kosi ma gulna, tokolomma a bura kosi ma njufna may, asi ci lulura may ana, «Ŋgew ma vi Yawena, ma vi Gedeonna.»