JEREMI 47:4 - Boy Lonana

⁴ Ni kay buu ma ka mba a ci suu Filistinna ki halaŋŋa, ci suu usi hin gin hu Tir u Sidon a njunusina. Gasi Yawe ci suu Filistinna kiyo, suu hin iiri kay daara Kaftorra lay.

JEREMI 47:4 Iomraidhean Croise

URA TIN AYRA 10:15

Kanaan vuɗ Sidon, gorom ma ŋgolna, u Het.

1 DLAŊ MULINARA 1:12

Suu vi Patrosna, suu vi Kasluna, njaf suu Filistinna u suu vi Kaftorna col ay ni egesiya.

JOB 9:13

Lona hurum ɓeŋ wa ni sa ma doorom ka oloɗi. Nam cuk suu njun u Rahab ful ma duk mbonana ki ga u sem halaŋ.

SOOLLA 37:13

Na may Bu Suuna ka san umu, kay nam wi ana buurum hin tok.

EZAYI 10:3

Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?

EZAYI 14:31

Vun grekŋa yoo taŋu, Ҥoŋzina sawalla koloo! Zi ma Filistinna halaŋ hin ŋgal kiyo. Kay ndoos ŋgolna hin col ay mbayaw na ni suu duuna, sa ma daŋ ma haɗ ay ki keŋ a suusi kaɗi.

EZAYI 20:6

Na ɗaŋŋi suu cuki hu mbas ndaɗtana hin di ana, «Gola suu may suu ay gol irigi usi dewna, suu aygi ŋgay taygi varsina, ni suu ɦaygi njunda ay a buɗuygi ki ko suu Asirina lay. Aygi may ni hin suɗ ki ni nananage?»

EZAYI 31:8

Suu Asirina hin cuk ga fok ŋgew ma sa war dlam ka u kombina, casi ni ka ŋgew ma vi sa warɗi. Asi hin pii liŋŋa fok ŋgewna, gor zoŋi masi suu duuna, suu daŋŋa hin su kasiya.

JEREMI 46:10

Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.

EZEKIYEL 21:25

Wak voɗ taa dew ni suu duu suu Babilonna tuɗ ay hu a tuɗ hu ɦoŋzi ma Rabana vi suu Amonna. Voɗta hiniŋga tuɗ hu ɦoŋzi ma eŋ coco ma Yerusalemma may, ni vi suu Yudana.

EZEKIYEL 21:29

Kay ndaɗta Bu Suuna, Yawe, di ana, cemi ni agi wi coogira ki wa. Gegelay ni wi suluk mam ma nam lamma. Agi ka tak dla coogira ki hu sunda agi laɗta halaŋ. Cemi ni ɓakŋa vagi wa. An ɦagi ki ko suu babali magisina wa.

EZEKIYEL 25:16

Kay ndaɗta Bu Suuna, Yawe, di ana, an hin maɗ kon kay suu Filistinna. An hin casi kiyo u suu ii mbayaw suu hin ndena an hin daɓasi kiyo.

EZEKIYEL 30:8

Hu li ma an gi kura maŋ mbassa Egiptera, ci suu njun kaɗna ki wa ni, asi hin wi ki ana anni Yawe.

EZEKIYEL 7:12

Lina ndak wa. Buuna hin tok. Sa ma gus tlena kina furi oloɗi. Sa ma gus ayna yoo tam ki may, kay ana yara vi Lonara ɓeŋ begera hu mbassara ki ni halaŋ.

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

AMOS 9:7

Irin anni agi ka ni ko ndal goryoŋ Koushna na, goryoŋ Israelna, Yawe di na. An sel suu Israelna ay ka ki hu Egipte ni anɗi su? An sel suu Filistinna ay ki hu Kaftor, suu Aramma ay ki hu Kir, ni anɗi su?

Boy Ma Ayra Ma LUK Ɓiirimma 21:22

Buu namma hin li ni buu ma wi hawra. Li ni boy ma ki ɓiiri fok jewna.

GA 8ATAMBARA 2:23

Suu Avina cuki hu mbassa Gazara, suu daŋŋa yow ay hu Kaftor mbay dikisi ki hin cuk ki hu balamasiya.

JOSUWE 22:30

Hu li ma mul ma li ɓivunna Pinhas ma a ŋgolla fok suu tokina u muli suu ka fok suu Israelna suu ka moli egemma hum boy ma goryoŋ Rubenna, goryoŋ Gadna u goryoŋ Manasena damma na ni, asi seŋ tasi gaw, boy namma irisi jiviya.