JEREMI 44:4 - Boy Lonana

⁴ An sunugi suu man suu sunda suu jokon vununna ana asi dagi na tew tew lay ana, lagi tlesuu co suu an ka minisiɗinaɗi.

JEREMI 44:4 Iomraidhean Croise

2 DLAŊ MULINARA 36:15

Yawe, Lo ma vi somoyosina, ma hurum oy u minda coco eg suu mamsina u Ziŋ Lonara layna, cukusi suu vun sunda ay egesi bolow zeɗ zeɗ coco a asi mba ɓakasi dlara nam dasira ayra.

NEHEMI 9:30

«Aŋ siɓ u asi basara bolowo. Aŋ neesi ki u saa maŋga ki fun suu maŋ suu jok vun Lona lay. May asi tin humusi kaɗi. Na ɗaŋŋi aŋ ɦasi ki ko suu hu mbassa daŋgana.

NEHEMI 9:34

Kay muli mamisina, malayaŋ ziimina, muli mami suu li ɓivunna u somoyomi may, ni asi takaŋ gaɗ maŋga ka ki kiɗikgi, tin humusi ka humuŋ gaɗ maŋgaɗi, ka kay nera aŋ neesi yasi tew tewraɗi.

JEREMI 16:18

An gijaŋ warakasi dla cora asi laɗta yasi mba' mba', dla cosira lay kay ana asi mbuɗun mbas manda ki njenjera u dlasira moli ko didiŋga nara, oyon joonna ki u dla coosira.

JEREMI 26:5

Lini agi ka hum boy ma suu man suu jokon vununna dammaɗi, suu an sunusi ha egegi tew tewnaɗi, ka humugiɗi lay ni.

JEREMI 29:19

Ni kay ana asi ka humun boy mannaɗi. Yawe di na. Na ɗaŋŋi an sunusi suu man suu sunda ha tew tew suu jok vun Lona. Na may asi ka humbi. Di na ni Yawe.

JEREMI 32:33

Asi ɦan zagaɗasiya, ka ɦan hurusiɗi, an haɗasi na tew tew lay ni asi ka humunɗi, ka van haɗ manda kasiɗi lay.

JEREMI 32:34

Asi cuk zozot masira ni hu zi mayra sen ka yi huruɗta, na ɗaŋŋi asi mbuɗuɗ ki njenjera.

JEREMI 32:35

Asi min otel ma li ɓivunna maŋ Baalna ki hu huɗugumba Ben-Hinnomba a hin ŋgaɗ goryosi suu njufiina u gorɓiina ki maŋ Molek, ŋgalasi ki duk kura, dla ndaɗta aŋ joɓoɗ kaɗi, saara nara ka kan a li dla cora ko wanda na a viɗ Yuda kiɗi.»

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 7:13

Doliɗi ni cecem wanda ko agi li dla co ndaɗta ki halaŋ lay ni, Yawe di na, an ɓakagi tew tew lay agi hum kaɗi ni, an yagi ni agi hoŋon dira kaɗi lay.

JEREMI 7:17

Na ni aŋ ka wi dlara asi laɗ ɦoŋzi ma Yudanara, laɗ hu voɗta Yerusalemba.

JEREMI 7:18

Gor kemba yow gu ma sooyna, somoyosi suu njufiina ŋgal kura may, boyogina yaras fuɗta a li komnjoɗina maŋ mulla kolo huulonara. Agi lagi ɓivunna maŋ loogi suu daŋŋa ko ndaɗta na ni agi lagi ni cora egenu.

JEREMI 7:25

Ay hu li ma somoyosi sel ay ki hu mbassa Egiptera day ta ta hu buu ma karamma an hin ka bay sunusi suu man suu sunda jew jok vun Lona ha tuwa, hu buuna tew tew tan ka loɓbi.

EZEKIYEL 16:36

Bu Suuna, Yawe, di ana, hu li ma ndak ɓalak bege makka kiyo, tak siili makka ki ii suuna coco lay u dla cora ndak laɗta, tokol fulina, vo busu goryok ki maŋ fuli asina lay.

EZEKIYEL 16:47

Lini ndak li dlara ko asi na njunusi vunusira ndakak ka tuɗi lay. Dlaakka jak su ki ni kay masira na ɗow.

EZEKIYEL 18:31

Cukugi dla cora ci maɗna ta mbuɗugi ki suu ci maɗnara kiyo, mbuɗugi hurugi ni huu ma wilina u ŋgussa wilira may. Agi suu Israelna, agi min a ci tagi ki ni kay mege?

EZEKIYEL 8:10

An kal ha kalafiya. An gola ni foto tlesuu ɦaram kaŋgana tinira na zeɗ zeɗ u foto tle bagina lay. Fuli suu vi suu Israelna halaŋ ki ɓiiri eg gulumunna lay, ki ŋguy kasi na halaŋ halaŋ.

DANYEL 9:6

Ami hum vun suu sun maŋsina suu jokoŋ vunuŋ kina kaɗi, suu ɓak boyna u seŋ maŋ muli mamisinana, maŋ goryoŋ muli mamisinana, maŋ somoyomiya, maŋ suu kay yam mbassana halaŋ.

ZAKARI 7:7

Ni boy ma Yawe ɓakam ki fun suu basi suu jok vun Lona hu li ma Yerusalem kaki u heɓpa enna, ɦoŋzi maɗna ŋguy kaɗ lay, lii dalina u mbas mayra kaŋga ura suuna ka hurusi bolow coco lay.»

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.