JEREMI 44:3 - Boy Lonana

³ Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.

JEREMI 44:3 Iomraidhean Croise

NEHEMI 9:33

Aŋ taŋga jivi su dlara li egemira halaŋ kay ana aŋ li dlara ni u gasira, may ami tamira li dlara ni u hurumi ma sulukŋa.

EZAYI 3:8

Na daŋ may Yerusalem daɓ sem wa, Yuda bow ki ga wa. Dlara asi daɗta u sunda asi laɗ fok bibiŋilla vi Yawe ni ciwayra.

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 16:10

Hu li ma aŋ jok boy namma ha ki maŋ suuna wa halaŋ halaŋŋi, lini asi hoŋoŋ dira ana, «Ni kay me, Yawe, tinimi dla cora ŋgol ndaɗta kami ni amege? Maɗ ma ami camma ni manage? Dla cora ami laɗ eg Yawe, Loominara ni tarage?»

JEREMI 22:9

Asi hin hoŋdira ana, «Ni kay noyra asi noy galamba duk tasi u Yawe Loosina kiyo tuɗ goɓ kaŋga fok loogi suu daŋŋa lasi ɓivunna mayra.»

JEREMI 29:19

Ni kay ana asi ka humun boy mannaɗi. Yawe di na. Na ɗaŋŋi an sunusi suu man suu sunda ha tew tew suu jok vun Lona. Na may asi ka humbi. Di na ni Yawe.

JEREMI 32:30

«Gasi, ay hu gorosi day ni suu Israelna u suu Yudana li ni dlara an ka miniɗɗira. Suu Israelna ɓeŋen hurun ki u dlara asi laɗta.

JEREMI 44:23

Ni kay ana agi ŋgal ɓivunna agi mbuɗ ki cora fok Bu Suuna ni na, agi humum delem kaɗi, tuɗ ka u gaɗ mambaɗi lay, dlara nam daɗtaɗi lay, gasi ni na, dla cora mba kagi ni na. Ni dlara cecem wan daŋga gasi.»

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

JEREMI 5:19

Hu li ma agi hin di ana, ni kay dla co tara Yawe, Looygina, tiniygi dla ndaɗta kaygi nanage? Aŋ hoŋosi dira ana, ko agi noyon ki a sun loogi suu koyogina hu mbas magira, na may agi hin sun suu daŋŋa hu mbassa ka magiraɗira.

JEREMI 5:29

Ni an ka ndak a lasi dla cora egesiɗi su? Yawe di na. An ka ndak a sa sugulun u suu co suu ko asi nanaɗi su?

JEREMI 7:19

Na ni gasi co ndaɗta asi laɗ ni egen su, Yawe di na. Na ni co ndaɗta ka ni egesi tasiraɗi su? Asi hin mbuɗ ki zolona.

YOORA 1:8

Yerusalem li ni dla cora. Gola ndaɗ mbuɗ ki ni didiŋga. Suu li humuɗ vunuɗna mbuɗ ka min oloɗi. Kay ana asi waɗ siili maɗta kiyo. Ndaɗ may ni yoo taɗu pereɗ ŋgoroɗu.

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.

EZEKIYEL 9:9

Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.

DANYEL 9:5

Ami li suluku, ami li cora, ami mbuɗ ki suu cona, suu duu u Lona, ami noyoŋ gaɗ maŋga ki lay.

GA 8ATAMBARA 13:6

Sa ma jok vun Lona ɗowba sa ma wi ha fokom namma cam kiyo, kay nam li dla cora ni eg Yawe Loogina, ma cukugi ay ki hu mbassa Egiptera hu mbaɓura, sa namma hal a tuɗugi ki ni day eg voɗta Yawe Loogina takagirara. Agi tli co ndaɗta ki dukugiya.

GA 8ATAMBARA 29:25

Asi tuɗ irisi ki a sun loogi suu daŋŋa goɓ ga fokosi lay, loogi suu asi ka wasiɗina, Yawe ɓorowosi tlena ni ɦasi loogi asina ka duk ɓorownaɗi lay.

GA 8ATAMBARA 29:26

Kay ndaɗta huu Yawe ɓeŋ ki eg mbas ndaɗta, nam mbaarasi gi vun ma ɓiiri hu magaa ndaɗtana kasi halaŋ halaŋ.

GA 8ATAMBARA 32:17

Asi li ɓivunna maŋ fuli suu ka Lonɗina, asi cen loogi suu asi ka wasiɗina, asi goɓ tlesuu cuk ay ki wilina, suu somoyosi wasi ay kaɗi layna.

HEBRENA 3:16

Suu hum del Lona hin ŋgel humusi kina ni suurage? Ni suu Moiz tuɗ u asi hin Egipte ha kina.