JEREMI 44:2 - Boy Lonana

² Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, «Agi wi dla co mayra an mbaaɗ ay kay Yerusalem u Yudara halaŋgi su? Gola asi cecemi bulum ki wa. Sa ka kak hu oloɗi.

JEREMI 44:2 Iomraidhean Croise

2 MULINA 21:13

An hin taɗ zew ma Samarina kolo kay Yerusalem u kawi ma min ziŋ Akabpa u namma. An hin tok Yerusalem ha ki ni ko ndal suuna tok huu tassana kira na, tokom hurum kiyo, hin kuluɓum ki kaŋgaa.

KALKIRA 19:4

Agi wi dla mayra an laɗ ay eg suu Egiptena u ii tagira, an yowogi ay ki ko bakŋa yow goryom ay kay garaŋamba na, mbaaragi ay ki egenu.

EZAYI 24:12

Va maa hin ka hu ɦoŋzina oloɗi, vun goŋina halaŋ ki kusiya.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

JEREMI 25:11

Mbas ndaɗta u ŋgoloɗ halaŋ hin mbuɗ ki ni jo ma senena, li ma hahawra. Suu huna halaŋ hin li sunda maŋ mul ma Babilonna i basara dok kiɗisiya.

JEREMI 34:22

An hin ɦal voɗta, Yawe di na, asi hin mbay duu u ɦoŋzi namma, asi hin ŋguyum ki na cutl, hin tlamu, hin ŋgalam kiyo, ɦoŋzi ma Yudana an hin mbuɗum ki li ma hahawra, li ma suu war ka huɗina.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 44:23

Ni kay ana agi ŋgal ɓivunna agi mbuɗ ki cora fok Bu Suuna ni na, agi humum delem kaɗi, tuɗ ka u gaɗ mambaɗi lay, dlara nam daɗtaɗi lay, gasi ni na, dla cora mba kagi ni na. Ni dlara cecem wan daŋga gasi.»

JEREMI 7:34

Hu ɦoŋzi ma Yudana, hu voɗta Yerusalemba, an seŋ soolla furira kiyo, luu ma furira ki lay, soolla suu ɗum tasi wilina gaɗta ki lay kay ana mbassa hin mbuɗ ki ni jona.

JEREMI 8:3

Suu hinna halaŋ, suu hin iiri hu njaf suu co asina, hin min maɗna ŋgolla su iirira, suu hin hin iiri hu li ma an njayasi ki huna halaŋ. Yawe, ma Saɓakŋa Kom Belna, di na.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

YOORA 1:1

Ni nana ndaɗ kak ha ki keŋ ge, ɦoŋzi ma suuna hurum cocona, nama mbuɗ ki ko cara donora na. Ndaɗ mayra li ndumuɗ ay duk njaf suuna a mulla hu ɦoŋzi ma gorinara. Ndaɗ jivira ni a mbaɓura.

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

YOORA 5:18

Ni kay ana ɦinira Siyonda bulum ki wa, bayakŋa mbuɗ poy ki kaɗu.

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

DLAŊ LEVIRA 26:31

Ҥoŋzi magi ma ŋgolona an ɓalakam kiyo, an hin bowogi ziigira teteɗta ki gaa, an ka ɦisigi ɦis mbul magi ma ɦis jivi namma oloɗi.

DLAŊ LEVIRA 26:43

Hu li ma suu Israelna njay kina ni ndaŋgara koɗ taɗ tu may, asi may ni fi ni warak ma kay dla coosirana may, kay asi hum ka u gaɗ mandaɗi, li ka u dlara an miniɗtaɗi may.

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

GA 8ATAMBARA 29:2

Tukka ŋgolla agi waɗ ay ki u ii tagira, takka u dlara mbuɗ mbuɗta.

JOSUWE 23:3

Agi u tagira wi dlara Yawe Loogina laɗ eg njaf suu daŋŋa wanda kay a njun kagira, kay Yawe, Loogina, duu kagi ni nam u tamba.