JEREMI 44:1 - Boy Lonana

¹ Boy ma ɓak Jeremina. Nam dam ki maŋ suu Yuda suu kak ki hu mbassa Egiptera hu Migdol, hu Tapanes, hu Memfis, hu mbassa Patrossa lay.

JEREMI 44:1 Iomraidhean Croise

URA TIN AYRA 10:14

Patrosna, Kasluna, ni njaf suu Filistinna, u Kaftorna.

KALKIRA 14:2

«Di suu Israelna ana asi hoŋ ay mba cuk fok Pi Hahirot na, duk ɦoŋ Migdol u lum ŋgolna na. Ni vok tasi u Baal-Sefon na, agi cukŋi fun lumma kolo na peɗeɗ gaw.

EZAYI 11:11

Hu buu namma ni Bu Suuna hin maɗ kom njun kay suu mamsina a yamba mbara, kay a buɗ u suu mam suu hin ay ko suu Asirina u suu Egiptena ndena kira, suu ay hu Patros, Kus, Elam, Sinear u Hamatna u suu ay kay daara duk lum ŋgolnana may.

EZAYI 19:13

Muli suu hu Soanna viɗ ki wa ka wi dlara asi a laɗta oloɗi. Muli suu Memfisna halaŋ cuki hu dla cora, asi viɗ suu Egiptena ki hu boyna halaŋ.

JEREMI 2:16

Suu Memfisna u suu Dafnena lay bay welek yak kiyo.

JEREMI 24:8

Na may dlara laɗ eg tulum ma cona ma ka sa tambina, na ɗaŋŋi Yawe ɓak anaba, ni dlara an hin laɗ eg Sedesiyas, mul ma Yudana u suu ŋgolo mam suu sunda u suu hin hu Yerusalemma halaŋ, suu hin hu mbas ndaɗtana, kay suu kaki hu mbassa Egiptera halaŋ.

JEREMI 43:13

Nam hin ŋgal ɦoŋzi ma faɗta ki hu mbassa Egiptera, nam hin ŋgal ziŋ loogi suu Egiptena kiyo.»

JEREMI 44:15

Suu may suu wi ana boyogosi ŋgal ɓivunna maŋ loogi suu daŋŋana, boyogosi suu moli bolow hu li nammana, suu kaki hu mbassa Egiptera halaŋ, suu hu Patrosna hoŋ dira maŋ Jeremi ana,

JEREMI 46:14

Dagi boy namma ha ki maŋ suu hu Egiptena, ɓakagi boy namma suu hu Migdolna humum kiyo, ɓakagi boy namma suu hu Memfisna humum ha kiyo, suu Tapanesna lay, dagi ana, Cola gol u lina. Ŋgewna ka ci suuna keŋegu.

JEREMI 46:19

Min tlegeyegi a tuɗ ki hu mbassa daŋgara agi suu hu Egiptena. Memfis hin mbuɗ ki ni li ma kiɗik kiɗik ma hahawra, ma ki ŋgalina, sa ka hurum oloɗi layna.

EZEKIYEL 29:10

«Kay ndaɗta an mba duu u aŋu u mbo lum maŋ ma Nil namma lay. An li mbassa Egiptera ki ni a ŋgoo bagira ki ɓalakira, ɓalakka col ha Migdol ta ta tew ay ki Syene, tuɗ tew ay ki vun mbassa Etiyopira ta do ayra.

EZEKIYEL 29:14

An hin mbuɗ dlara vi suu Egiptena. An hin hoŋosi ay hu mbassa dalira, ni mbas masira asi col ha hura. Asi hin tin goo mul masira kolo balamasiya.

EZEKIYEL 30:13

Bu Suuna, Yawe, di ana, An hin ɓalak fulina masina an toosi loosi suu bay gasina suu ka hu ɦoŋzi ma Memfisna kiyo. Mul ma Egiptena ka li oloɗi lay. An hin gi ndaa ma ŋgolna hu mbassa Egiptera.

EZEKIYEL 30:14

An hin ɦurum mbassa dalira kiyo. An hin gi ɦoŋzi ma Soanna ki kura. An hin ka ɓakŋa kay ɦoŋzi ma Nona may.

EZEKIYEL 30:16

An hin gi mbassa Egiptera ki kura, ɦoŋzi ma Sinna hin las cocoo. Gulumun ma ŋguy kay Nona hin bow kiyo. Suu duuna hin cuk ay hu ɦoŋzina ni faaliya.

EZEKIYEL 30:18

Hu ɦoŋzi ma Tapanesna ni lina ka fo oloɗi. Hu li ma an ka kus saɓak ma vi suu Egiptena kina, ŋga taasira ka li oloɗi. Ɗugulla ndufun cocora hin kuluɓ ki kay ɦoŋziisina. Suu hu ɦoŋzi nammana asi hin yowosi ki balna.

Magaara Vi Sa Jok Vun Lona OZE 9:6

Gola, asi ŋgay tasi ki ko ɓeŋga wa, Egipte hin tokosi eg tasiya. Memfis hin li ni a zulusira tososira. Bege masira jivira gu njaana hin taɗ kiyo, gu wayra hin tlasi liisi ma mbutluɓma huna kiyo.