JEREMI 42:16 - Boy Lonana

¹⁶ ŋgew ma agi lam ndaaramma hin fagi ha tana hu mbassa Egiptera. Mayra agi saa kaɗ cocora hin tuɗ ha ugi lay ta ta hu Egipte, agi hin miɗ ki ni hu li namma.

JEREMI 42:16 Iomraidhean Croise

VUN ŊGOLNA 13:21

Cora ka dik u suu sulukŋa. Jivira ka warak suu ɗegeena may.

JEREMI 27:8

Na ɗaŋŋi njaf suuna u muli suu ka min a sunumbina nam tamba Nabukodonosor, mul ma Babilonna, ka tin delesi kaŋga u mbal ma vi mul ma Babilonnaɗi na, an hin ci suu asina ki u ŋgewra, mayra u tuguɗi bora. Yawe di na ta ta asi ɦoɗ njayra ki konu.

JEREMI 41:18

Asi ŋgay ko suu Kalde suu asi li ndaana kosina kay ana Ismael, ma goŋ Netaniyana, ci Gedaliya, ma goŋ Ahikamma, kiyo, sa ŋgol ma kaɓakŋa hu mbassa ma mul ma Babilonna tinimma.

JEREMI 42:13

Na may lini agi di ana, agi ka min kak hu mbas ndaɗtaɗi, ka hum del Yawe, Looginaɗi.

JEREMI 44:27

An irin ka tini kasi na ta a lasi dla cora egesira, ka lasi dla jivi egesiɗi. Suu Yuda suu hu Egiptena hin miɗ ki fun ŋgewra, mayra lay ta ta gasi njafasi kiyo.

EZEKIYEL 11:8

Agi li ndaana ko ŋgewna cocoo, may an hin mbaaragi ŋgew namma ay kagiya, di ni Bu Suuna Yawe.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

Boy Ma Ayra Ma JAŊ Ɓiirimma 11:48

Aygi li hinim nam li dla ndaɗta na gak gaki ni, suuna halaŋ hin tin hurusi ki ni kamu. Suu ŋgolo suu Romma hin hum na ni, hin dikiygi kiyo, hin tooygi Ziŋ Lonna maygira ki may, caygi njaf maygina ki may.»

GA 8ATAMBARA 28:15

«Na may lini agi ka hum vun Yawe Looginaɗi, ka min a saa kay gaɗ mamba a li uɗɗi, gola ni dla cora u gi vunna ta hin mbay kagira.

GA 8ATAMBARA 28:22

Yawe cukugi tuguɗira ɓalakagi kira kagiya, tuguɗi kolla u tuguɗira gaŋ taŋ kura. Nam hin vi kerna ka hin lona a siɗi waagina hin so ki kolo hu gu njunumu, ta ta daɓagi ki hu duliyara halaŋ halaŋ.

GA 8ATAMBARA 28:45

«Givun namma halaŋ hin tokŋi kagiya, nam cuɗugi ugi ha ni na gak gak ta ta daɓagi kiyo, kay ana agi hum vun Yawe Loogina kaɗi, li ka u gaɗ mamba u nera nam dagiraraɗi.