JEREMI 42:10 - Boy Lonana

¹⁰ Lini agi vi kagi a kak hu mbas ndaɗta ni an hin hoŋogi balamagiya. An hin ka paliyagi ki oloɗi, an hin hoŋogi balamagiya ka paɗagi kiɗi. An hin minigi ii dla cora agi laɗta.

JEREMI 42:10 Iomraidhean Croise

2 SAMUEL 24:16

Sa sunda huulona maɗ kom ha kay Yerusalem a ɓeŋeɗ kira. Na may Yawe min ka li dla ndaɗtaɗi, hin di sa sunda huulona ma kiriɓ suuna kina ana, «Na ga. Cecem wanda tli koŋ kiyo.» Doli ɗini sa sunda huulona vi Yawe ka ki ni hu li ma to wana Aravna ma Jebusna.

SOOLLA 102:16

Njaf suuna halaŋ hin li ndaa Yawe, muli suu kay ndaŋgarana halaŋ waŋ bibiŋil maŋga.

SOOLLA 106:45

Humum gam kay galamba nam vaɗ u asira u ɗegee mamba nam wasi hahawasiya.

SOOLLA 37:3

Ҥal taŋ ko Yawe, li jivira, kay a kak hu mbas maŋga, a nam goloŋ may.

SOOLLA 69:35

Ŋgaagina, huulona u ndaŋgara, mbo lumma u tlesuu dukumma halaŋ.

KALKIRA 32:14

Yawe hin hin dla mayra nam gin a ɓalak suu Israelna kira.

JEREMI 24:6

Irin ka tinira kasi u oora, an hin hoŋosi ay hu mbas ndaɗta, an hin mbuɗusi ki saɓaki, an hin ka hawaɗasi kiɗi, an hin hoŋosi balamasiya, an hin ka paɗasi sariyasi kiɗi.

JEREMI 26:19

Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

JEREMI 27:11

Na may ni suu min a tin delesi u mbal ma vi mul ma Babilonna sunum ayna, an hin hinisi na en kay ndaŋgara. Yawe di na. Asi hin horokoɗ yaɗ may, hin kak kaɗ may.

JEREMI 31:28

Na ɗaŋŋi an hin golosi usi a minisira, a pasira lay ko ndal an golosi usi ay hu li ma an paɗasi sariyasi ki lay, pukusi ki kaŋga layna na. A palayasi ki lay, bulumusi ki lay, a lasi dla cora, Yawe di na.

JEREMI 33:7

An hin hoŋ gi Yuda u Israel balamasiya. An hin hoŋosi balamasi ko asi li ay jewra na.

JEREMI 43:4

Ka Yohanan, ma goŋ Kareanaɗi, lay, ka suu ŋgolo suu fok suu duunanaɗi lay, sa na dew lay ka hum del Yawe hu li ma nam yasi ana asi hin kakira ni hu mbassa Yudaraɗi.

EZEKIYEL 36:36

Ni u njaf suu ɦawa suu hin iiri ŋguy kagi cana hin wi ki ana an Yawe, ni sa ma min tlesuu ay ki ɓalakina ki kolona, hoŋ pii tlesuu ay ki paɗi kolona kaŋga balamasi layna. An Yawe di dlara wa ni an laɗ ki mbee may.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

JOEL 2:13

Yoorogi hurugi na ɗow, haragi barawi magisinaɗi, hoŋogi ay eg Yawe Loogina. Nam ka tew tew u heɓpa hurum ka ɓeŋ zak zakgi, ɗegee cocoo. Nam yoo tam kay dla cora ɦay.

AMOS 7:3

Yawe hin hoŋ tii tamu, «Dla ndaɗta ka liɗi.» Yawe di na.

AMOS 7:6

Yawe hin tii tamu, «Dla ndaɗta lay ni hin ka mba oloɗi.» Bu Suuna Loonna di na.

JONAS 3:10

Lona wi ana asi hom gasi kay dla coosira asi laɗta wani, nam col ka kay saa mamba jew nam a baasi kira oloɗi, nam hinisiya.

JONAS 3:4

Jonas kal hu ɦoŋzina buuna dew gawni nam ka di suuna ana, «Hin buuna dok fiɗi ni ɦoŋzi ma Ninivena hin ɓalak kiyo.»

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

SUNDA 15:16

Bu Suuna di ana, Ŋgoo dla ndaɗta halaŋŋi an hin hoŋ aya. An hin mba min mbutluɓma vi David, ma to kina, koloo, an hin colom kolo balamamu.

GA 8ATAMBARA 32:36

Yawe hin kaɓakŋa kay suu mamsina, humum hin gam kay suu mam suu sunda, hu li ma nam wasi asi mbuɗ ki maŋi cocona, sa ma njun kasi ka oloɗi layna.

SUU KAƁAKŊA 2:18

Hu li ma Yawe manasi suu kaɓakŋa fokosina ni, Bu Suuna ka u sa ma kaɓakŋa hu li nammana. Nam buɗusi ki ko suu babali masisina hu li ma sa kaɓakŋa ka iiri tuna halaŋ. Kay Yawe humusi tii masi ma ko suu babali suu ka lasasina. Yawe humusi yoo masira.