JEREMI 42:1 - Boy Lonana

¹ Na ɗaŋŋi suu ŋgolo suu fok suu duunana halaŋ, Yohanan, ma goŋ Kareana, may, Azariya, ma goŋ Hosayana, u suuna halaŋ, kemba u suu ŋgolona ɦuɗ tasi ay

JEREMI 42:1 Iomraidhean Croise

2 MULINA 25:23

Hu li ma suu ŋgolo suu asgaarina u asgaari suu gori suu Yudana hum ana mul ma Babilonna tin Gedaliya ka a mulnawa ni, asi mba fam hu Mispa tana u suu masi suu duuna usiya. Ni Ismael ma goŋ Netaniyana, Yohanan ma goŋ Karena, Seraya ma goŋ Tanehumetna ma ay Netofana u Yazaniya ma goŋ Makana.

EZAYI 29:13

Bu Suuna di ana, suu asina ɦuɗ tasi ay egenni u boy ma dira ɦawaa, asi ŋgaanni u vunusi ɦawaa. Na may hurusi kurufu ni ha ki day egenu, Ndaa ma asi lam konna ni u gaɗta vi suu warnara ɦawaa, ni dlara asi haɗaɗta ɦawaa.

EZAYI 48:1

Humugi haa, agi suu vi Yakobma, agi suu yi tagi ana suu Israelna na. Agi suu njaf ma vi Yudana. Agi suu suu tagi u sem Yawena. Humugi gagi a suwa kay sem Lo ma vi suu Israelnana. Na may agi ka laɗ u gasiraɗi, ka u ɗegeeraɗi lay.

JEREMI 37:3

Mulna Sedesiyas sun Yehukal, ma goŋ Selemiyana, u mul ma li ɓivunna Sefaniya, ma goŋ Maaseyana eg sa jok vun Lona, Jeremi, dam ana, «Joɓ ay kamiya, an ceneŋu aŋ joɓ Yawe, Loomina, ay kamiya.»

JEREMI 40:13

Asi tew ki eg Gedaliya hu Mispa, Yohanan, ma goŋ Kereana u suu ŋgolo suu fok suu duunana suu hinisi ha fun duunana halaŋ,

JEREMI 40:8

Asi mbay eg Gedaliya hu Mispa, ni Ismael, ma goŋ Netaniyana, Yohanan u Yonatan goryoŋ Kereana, Seraya, ma goŋ Tanehumetna, goryoŋ Efai, ma Netofana, Yazaniya, ma goŋ Maakana, asi u suu masisina.

JEREMI 41:11

Asi hum dla ci maɗ ma goŋ Netaniyana, Ismael, Yohanan, ma goŋ Kareana, u suu ŋgolo suu duuna suu u namma halaŋ.

JEREMI 41:16

Na ɗaŋŋi Yohanan, ma goŋ Kareana, u suu ŋgolo suu fok suu duunana suu tuɗ umma tli nek u suu hinna kosiya, suu may suu Ismael, ma goŋ Netaniyana, yowosi ay iiri hu Mispa ŋgoo dagan cira asi ci Gedaliya, ma goŋ Ahikamma, kira, suuna, asgaana, boyogina, gorkemba u sa ŋgol ma gol u suuna hu taraŋgana hoŋosi ay hu Bagaoŋ.

JEREMI 41:18

Asi ŋgay ko suu Kalde suu asi li ndaana kosina kay ana Ismael, ma goŋ Netaniyana, ci Gedaliya, ma goŋ Ahikamma, kiyo, sa ŋgol ma kaɓakŋa hu mbassa ma mul ma Babilonna tinimma.

JEREMI 42:20

Agi hal ni dlara viɗ iiri magira kira. Agi tagira sunungi eg Yawe, Loogina, dangi ana, tuɗ tii taŋ eg Yawe, Looygina. Aŋ hin hoŋomi boy ma Yawe, Looygina, damma ki dira jiviya, ami hin li um may.

JEREMI 42:8

Nam may ni yi Yohanan, ma goŋ Kareana, u suu ŋgolo suu fok suu duunana halaŋ suu ŋguy kamma u suuna halaŋ, kemba u suu ŋgolona lay.

JEREMI 43:2

Azariya, ma goŋ Hosayana, Yohanan ma goŋ Kareana u suu ŋgolo suu di boy ma cona halaŋ ɓak boyna maŋ Jeremi ana, «Kaboyna! Dlara aŋ daɗta ka jiviɗi. Yawe, Looygina, sunuŋ ay ka egemi ana aŋ dami ana ami ka tuɗ ŋgay tami Egipteɗiraɗi.

JEREMI 44:12

An hin tli nekka vi suu Yuda suu usi hin iiri suu tuɗ a ŋgay tasi ki hu Egiptena. Asi hin miɗ ki halaŋ. Asi hin puk ki kaŋga hu mbassa Egiptera, hin casi ki u ŋgewra u mayra. Asi halaŋ halaŋ kemba u suu ŋgolona hin miɗ ki ko ŋgewra, ko mayra. Asi hin mbuɗ ki hahawra, hin mbuɗ ki ni va ma suuna san umma, gi vunna maŋ suuna u namma lay.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

EZEKIYEL 11:1

Musukka tlan koloo, tuɗun ha ki fun Ziŋ Yawera ii u maɗiina vun goŋga u maɗiinara na gay. Hu vun zira a kal ha kalafira ni suuna ka laki hu na dok-mba' yam vadl. Duk suu asina ni an wi Yazaniya ma goŋ Azurna u Pelatiya ma goŋ Benayana. Asi ni muli suu fok suunana.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

EZEKIYEL 8:11

Suu ŋgolo suu Israelna suu dok-kiɗisiyana u Yazaniya ma goŋ Kafanna may coli fok fuli masi asina, u ganunna kosi halaŋ halaŋ, ndoosna col kasi kolo ko ɗugulla na.

MATIYE 15:8

Lon di ana, Suu dee ndaɗta ŋgaan u vunusiya, hurusi ki egen day.

SUNDA 8:10

Hu li namma ni gorzoŋina u suu ŋgolona halaŋ humummi boy mamma, asi di kam ana sa namma u saɓakŋa vi Lona egemu, ni ma asi yam ana saɓak may ma ŋgolnana.