JEREMI 4:7 - Boy Lonana

⁷ Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 4:7 Iomraidhean Croise

2 MULINA 24:1

Nabukodonosor tli mbassa Yudara ki ni hu li ma nam kaki a mulnana. Joakim hoŋ yam kaŋga umu, may tew hu basara hindira may ni nam hoŋ col yara u namu.

2 MULINA 25:1

Hu basara dleeŋera a Sedesiyas ki hu mullara, hu til ma doogona buuna doogo hu til namma ni, mul ma Babilonna mbay u suu mam suu duuna, mba ndug ɦoŋzi ma Yerusalemma, ŋguf ki kam na cutl, min tasi ki ni a mun duunara gaw. Min ziisi vi mbutluɓma ŋguyum ki kay yam zina halaŋ.

EZAYI 1:7

Mbas magira mbuɗ ki ni ko ŋgoo bagira na, ɦoŋziigina ŋgal ki wa, suu daŋŋa tlagi mbas magira kiyo, mbassa ɓeŋ ki ko suu duuna a tli mbassa na, agi ka golosi may.

EZAYI 5:9

An hum Yawe, ma Saɓakŋa Kom Belna, suu tam ki ana «Zi ma min ŋgolo coco namma ma jivi ɦayna hin ɓeŋ kiyo, ni kay cora vi suu hurumma.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

JEREMI 2:15

Gor dlona ka ŋgoɓoɗu, asi ka tak delesiya. Asi mbuɗuɗ mbas maɗta ki hahawra, ŋgalaɗ ɦoŋziiɗna kiyo, casi suu hurusina kiyo.

JEREMI 22:6

Gasi, Yawe ɓak kay zi ma vi mul ma Yudana anaba, aŋ li irinni ko Galaad na lay, ko ndal duk gura Libanda na lay, an ka saa kaŋ a mbuɗuŋ ki fullaɗi. Ҥoŋzi ma sa ka kak hurumbinaɗi.

JEREMI 22:7

An yow suuna kay a ɓeŋeŋ kira, gegelay u tlegeyem suu duuna komu. Asi hin kaaŋ gu ɦoy maŋŋa kiyo, hin hinim nam ŋgal ki duk kura.

JEREMI 25:38

Suuna tuɗ ki ko ndal dlona col hin zulum kira na. Mbas masira mbuɗ ki ni li ma hahawra ko ŋgewra ka wi hahaw saɗi layra, fok yara vi Yawera.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 26:9

Aŋ hal doli a ɓakŋi ana u sem Yawe, Zi ndaɗta hin mbuɗ ki ko Silo na, ɦoŋzi namma hin paliyam kiyo, hin cam suu hurumma kiyo.» Suuna halaŋ hu Ziŋ Yawera tok tasi eg Jeremi.

JEREMI 27:8

Na ɗaŋŋi njaf suuna u muli suu ka min a sunumbina nam tamba Nabukodonosor, mul ma Babilonna, ka tin delesi kaŋga u mbal ma vi mul ma Babilonnaɗi na, an hin ci suu asina ki u ŋgewra, mayra u tuguɗi bora. Yawe di na ta ta asi ɦoɗ njayra ki konu.

JEREMI 33:10

Na ɗaŋŋi Yawe ɓak anaba, hu li ma agi ɓak kam ana ni didiŋga jona suuna ka huɗi lay, mburina ka huɗi layra, hu ɦoŋzi ma Yudana, hu voɗta hahawra Yerusalem ta suuna ka tuɗ huruɗ oloɗi lay, suu kaki huna u mburina lay, asi hin hum olo,

JEREMI 34:22

An hin ɦal voɗta, Yawe di na, asi hin mbay duu u ɦoŋzi namma, asi hin ŋguyum ki na cutl, hin tlamu, hin ŋgalam kiyo, ɦoŋzi ma Yudana an hin mbuɗum ki li ma hahawra, li ma suu war ka huɗina.

JEREMI 4:29

Humba suuna hum sem kulumi suu duuna u suu duu u mbuurura may ni, suu hu ɦoŋzina na halaŋ halaŋ ŋgay tasiya. Asi kal ki duk bubura may, ɗiŋ ki kolo kay ɦinira may. Ҥoŋzina halaŋ halaŋ asi noyom kiyo. Sa ka kaki hu na dewɗi.

JEREMI 44:2

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, «Agi wi dla co mayra an mbaaɗ ay kay Yerusalem u Yudara halaŋgi su? Gola asi cecemi bulum ki wa. Sa ka kak hu oloɗi.

JEREMI 46:18

An ka iiriya, mul ma sem ana Yawe ma Saɓakŋa kom Belna. Ko ndal ɦinira yaɗ ana Tabora duk ɦinira na, ko ndal Karmel duk mbo lum ma ŋgolnara na an hin mbaya.

JEREMI 49:19

Ko ndal dlona col ay duk cerew ma fun lumma Yurdanna na, tuɗ irim ha kay kaana tam ki minira na, na ɗaŋŋi ko ndal iira cemekka na ni an hin ɦuɗusi ha ki egeɗ na day, an hin mbaaɗ gorzoŋŋi suu duuna ay kaɗ na zak gaw. Kay ana sa ko an nana ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

JEREMI 50:17

Israel ni timiira viɗ ki dlona dikiɗta. Jew gigiŋŋi mul ma Asirina gaɗ jaŋaɗ aya, Nabukodonosor mul ma Babilonna hin jak u ndaɗu, hin daɓaɗ ki ta ta hiniɗ ni sokoɗu.

JEREMI 50:44

Ko ndal dlona ɗiŋ ay ki kolo fun lum ma Yurdanna tuɗ irim ha hu kaana tam ki minira na. Na ɗaŋŋi u cemek ira dewra an caɗ suu huruɗna kiyo. An sunuɗ gorzoŋii suu duuna ha kaɗu kay ana sa ko an na na ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

JEREMI 8:16

Ay hu Dan day ni asi hum semeɗ ma u sem kulumi mamsinana. Bayra asi bayra ndaŋgara dlaka. Asi mbay ni a ɓeŋ ndaŋgara ki u tlesuu kaɗna, ɦoŋzina u suu hurumma.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

EZEKIYEL 12:20

Ҥoŋzi ma suuna cuki huna hin ɓalak kiyo, mbassa hin mbuɗ ki ni ŋgoo bagira, agi hin wi ki ana anni Yawe.»

EZEKIYEL 21:31

Bu Suuna, Yawe, di ana, tlam jum mamba tini kamba kiyo. Tlena halaŋ mbuɗ ki zeɗ zeɗ. Va ma ay ki gana hin tlam ki koloo, va ma ay kolona hin hoŋom ay ki gaa.

EZEKIYEL 32:2

«Goŋ sanna, gi soolla yoora kay Faraw mul ma Egiptena ki ana, Aŋ tok yam njaf suuna ay maŋ gor dlona, aŋŋi ko ndal dragoŋ ma duk mbo lum ŋgolnana na. Aŋ mun mbo lum maŋŋa ay kiyo, Aŋ doɓ ii mbona ki u seŋ wa. Aŋ mbuɗ mbona ki zozoɗta.

DANYEL 5:19

Ni u ŋgolla nam ɦambara, njaf suuna halaŋ, njafna u dee vunna halaŋ dlak u ndaana fokomu. Nam ci gegelay u min mamba, hin gegelay iiri u min mamba, nam tli yam gegelay kolo u min mamba, hoŋ yam gegelay kaŋga u min mamba.

DANYEL 7:4

Mbuu ma jewna ko dlona na, garaŋam ko ɓarawna na. An gol irin hu li ma asi ka paɗam garaŋam kina, asi tlam ki kolo kay ndaŋgara, colom kay sem mba' ko sana na, ɦam huu sana hurumu.

DLAŊ LEVIRA 26:31

Ҥoŋzi magi ma ŋgolona an ɓalakam kiyo, an hin bowogi ziigira teteɗta ki gaa, an ka ɦisigi ɦis mbul magi ma ɦis jivi namma oloɗi.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.