JEREMI 4:6 - Boy Lonana

⁶ Yagi yira hahawra ha ii ko ma vi Siyonna na. Tuɗugi kak u ŋgusuna. Cologi duk hu voɗtaɗi. Ni hahawra an ka mbaaɗ ay ii ko ma mbayawnara ni dla cora ŋgolla.

JEREMI 4:6 Iomraidhean Croise

EZAYI 62:10

Agi suu Yerusalemma, cukugi ki bunsuwa, minigi voɗta ki maŋ suu hoŋ ay vona, tos zulla kiyo, yowogi gogoyra hu voɗtara kiyo. Pagi va ma tak voɗta ha ki maŋ suuna halaŋŋa ki koloo.

JEREMI 10:22

Asi hum vunna ka ɦuɗ aya, dla cora ŋgolla mbay hu mbassa mbayawra a mbuɗ ɦoŋzi ma Yudana ki hahawra, li ma bayakka mol huna.

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 21:7

Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

JEREMI 22:7

An yow suuna kay a ɓeŋeŋ kira, gegelay u tlegeyem suu duuna komu. Asi hin kaaŋ gu ɦoy maŋŋa kiyo, hin hinim nam ŋgal ki duk kura.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 4:21

An hin wi tlesuu duuna ta ta buuna gage? An hin hum del tokolom ma duuna ta ta buuna gage?

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

JEREMI 50:22

Vun ma duuna ka hu mbassa cocoo, vun ma ŋgolna na kuuh.

JEREMI 51:12

Vagi vun ma tuɗ duuna kay gulumun ma vi Babilonna. Ҥagi saɓakŋa maŋ suu gol u suuna, tinigi suu gol u ziina. Yowogi suuna asi buu guɓura ki kaŋga voɗo. Gasi dlara Yawe daɗ kay suu Babilonnara, nam saa ay ki kaɗu, nam laɗ ki wa.

JEREMI 51:27

Takagi dlara duuna kay ndaŋgara, buugi tokolomma duk njaf suuna. Yowogi njaf suuna a tuɗ duu ma teteɗna u ndaɗu, yaɗ suu mulina kaɗu, Ararat, Minni, Askenaz. Ҥagi voɗta maŋ suu duu suu ŋgolona, asi yow suu duuna kaɗu. Sunugi kulumi suu duuna kaɗu u tasi bolowra ko ndal baara tli ay kolo ko ɗugulla doɓorokka na.

JEREMI 51:54

Yira yi ay kolo hu Babilon ana, suuna mbay njunuɗu. Dla cora ka hu mbassa vi suu Kaldenara.

JEREMI 6:1

Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.

JEREMI 6:22

Yawe ɓak anaba, suuna mbay hu mbassa ii ko ma mbayawna na. Suuna ŋgolo yow ay kolo u keŋ ndaŋgara ma daɓ ayna.

EZEKIYEL 9:1

Nam sawalla kolo humun eŋga ana, «Agi suu a kaɓakŋa kay ɦoŋzi ma ŋgolna ɦuɗugi tagi ay tok. Gegelay ni mbay u vaam ma ɓalak lina ki u namma komu.»

EZEKIYEL 9:2

Gola ni suuna cuk ay ki u tasi na karkiya, ay fun vun ma ŋgolna ii mbayaw na ɗow, gegelay ni u vaam ma ci suuna kina komu. Sa maa dukusi dew ni u baraw dlemba cili cuki tamu. Va ma ɓii u namma kali eg gandi ma njuni hurumma. Asi mbay mba col eg givin ma togolla ma yoori u kawi ma tlawnana.

SOFONI 1:10

Yawe di ana, Hu buu namma wanni suuna hin hum tii ma ŋgolna Vun Grek ma Kulufna, suuna hin gurni hu Ҥoŋzi ma Wilina, vun ma ŋgolna hin li ay kolo kay ɦinira.

ZAKARI 6:6

Kulumi suu pupusna njuni kelesi tasi warna tuɗ hu mbassa mbayawra. Suu tasi haɓagina tuɗ ha kay ceeresiya. Suu tasi ndalina tuɗ ni hu mbassa dalira may.