JEREMI 4:4 - Boy Lonana

⁴ Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

JEREMI 4:4 Iomraidhean Croise

2 DLAŊ MULINARA 34:25

Kay asi noyon kiyo, hin ŋgal mbitla his jivira ki ni maŋ loogi suu ɦawana. Asi ɓalakan hurun ki u sunda asi laɗ u bik kosira. Yaanda hin ndi kay li namma ni ko ndal kura na ka heɓbi.

EZAYI 10:17

Lo ma vi suu Israelna ni kura, Lona ni kiɗikka vi suu Israelna, nammi sin kura ŋgalla, ni Lo ma teteɗna. Nam hin ŋgal gu ma siina kiyo, u meera lay ŋgalasi ki ni hu buu ma dewna.

EZAYI 30:33

Zulla kura hura ki vegi ni day day. Ndaɗ vegi ni kay mulna lay. Ay kaŋga hu day mba ki kolo funu, ni asi nja guna hu a gam kura. Musuk ma cuk ay ki fun Yawena hin gi kura hu zul ndaɗta ni namu.

EZAYI 51:17

Col koloo, coli kolo u seŋu, Yerusalem. Aŋŋi sa ma Yawe lasaŋ u yaamba coco ɦayna, lassa vi Yawe guruɗuŋ yaŋ ki cocoo. Aŋ las cocoo, wi dla ndaɗta u iriŋ lay.

JEREMI 15:14

An hin ɦak ki maŋ suu babali mak suu ki hu mbassa ndak ka waɗɗira. Ku yaanda hin kal ay kiyo. Ndaɗ ka vi kagiya.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 21:5

Aŋ maɗ koŋ kiyo u saɓak maŋŋa aŋ taŋga hin li duuna u yara, yara ŋgol cocora.

JEREMI 23:19

Saɓak semeɗ ma vi Yawena, saɓak yara vi Yawera mba wa. Babaana ka paɗa. Nam ka paɗ kay suu dlara vasina.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 9:25

kay Egipte, kay Yuda, kay Edom, kay suu Amonna, kay Moab, kay suu vogosi ki koori suu hu fullana. Kay ana njaf suuna halaŋŋi hurusi ka ki mbuɗiɗi, suu Israelna lay ni hurusi ka ki mbuɗiɗi.

YOORA 4:11

Yawe tew ki fun yaamba wa, nam mba yaamba ŋgolla ay wa. Nam gi kura hu Siyon bowoɗ zigini maɗsina kiyo.

EZEKIYEL 16:38

An tinik kakŋi gaɗta vi boyogi suu dalamba u suu vo busu suuna kina may. An cukuk yaanda u hurun ma ɓeŋa ni kak bel bel.

EZEKIYEL 18:31

Cukugi dla cora ci maɗna ta mbuɗugi ki suu ci maɗnara kiyo, mbuɗugi hurugi ni huu ma wilina u ŋgussa wilira may. Agi suu Israelna, agi min a ci tagi ki ni kay mege?

EZEKIYEL 20:33

An suu tan u iiri manda. Di ni Bu Suuna, Yawe. An ti kagi u saɓakŋa u yara lay.

EZEKIYEL 21:17

Sawalla, tiira goŋ sanna. Ŋgewna kal duk suu mansina wa. Nam kal ni duk muli suu Israelna halaŋ. Asi halaŋ puk fun ŋgewna ni u suu mansina bel bel ko koŋ ɓalaŋu.

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

EZEKIYEL 24:8

A jok u yaanda ha fokka a sa sukulnara ni, an hin busu namma ki kiɗik na, tosom yam ka kiɗi. Busu ma ndaɗ voom ha kolo kay yam ɦinirana, sa tosom yam ka kiɗi.

EZEKIYEL 44:7

Agi cukugi koyogi suu ɗiwisi bay cawra kalafi hu Ziinda mbuɗungi Ziinda ki njenjera. Agi ɦangi tiinna, mbulna u busuna kiyo ana, galam manda u agira ɓalak kiyo. Ni u dla coogira agi laɗ zeɗ zeɗta.

EZEKIYEL 6:12

Sa ma ha ki dayna tuguɗira cam kiyo. Sa ma tokŋa suu duuna camu u suu hinina yasi ki ŋguy u suu duuna gaw may. Asina hin laɓmi ko mayra may ta ta an daɓ yaanda ki egesi halaŋ halaŋ.

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

DLAŊ LEVIRA 26:28

an hin mbuɗ hurun yara egegi may. An hin kaagi ɓakŋa kagi sen kiɗisiya co sura jewra olo, kay dla coogira.

DLAŊ LEVIRA 26:41

An may ni mbuɗ hurun egesiya, tuɗusi ay ki hu mbassa vi suu babali masisina, kala buu maa dew ni hurusi ma sooy namma hin homa, gaɗ masira hin daɓ kiyo.

AMOS 5:6

Zi ma vi Yosefna, halagi Yawe, agi hin kak iiriya. Gologi tagi jiviya ka nam tak saɓakam ki, ko ndal kura ŋgal tlena, sa ka caɗ kiɗi hu zi ma Bethelna na.

SOFONI 2:2

Jew buu ma Lona ŋgaam a mbarana, buuna hin jakŋi ko ndal bara wana dol u semeɗnara na, jew mbara yara vi Yawera mba kagira, jew mbara buu ma yara vi Yawena mba kagira.

ROMMA 2:25

Lini aŋ hum u gaɗta ni caw ɗiwra li kaŋ jivi may, lini aŋ ka hum u gaɗtaɗi ni, ko aŋ caw ɗiw kaɗira na.

GA 8ATAMBARA 10:16

Agi cawagi ki ni ɗiwra hurugi kurufura, agi mba lagi yagi eŋ oloɗi.

GA 8ATAMBARA 30:6

Yawe Loogina hin cawagi ni caw ɗiwra hurugi kurufura, magi agi may, maŋ njafagi ma ka daganna lay, kay a agi min Yawe Loogina u hurugi halaŋ, u saa magira halaŋ, kay a agi lak iiriya.

GA 8ATAMBARA 32:22

«Yaanda col ay hurun ko ndal kura na, ŋgal ta ta tuɗ tew ay ki eg lina vi suu miɗina, ndaɗ ŋgal ndaŋgara ki u tlege suu kaɗna halaŋ. Ta ta kura tuɗ tew ay ki eg u ɦinira ay ŋgaari kaŋgara.

KOLOSNA 2:11

Agi fagi caw ɗiwra ni hu taɓ magira u namba, ni ka u caw ɗiwra vi suunaraɗi, ni u caw ɗiw mayra mbay vi Kristura, ni mayra buɗugi ki ko ŋgolla vi tara cora.