JEREMI 4:30 - Boy Lonana

³⁰ Ndak may ni li ni mege? Ndak cuk baraw ma gus loɓma egeku, kal walak lorra humuku. Ndak saɗ tlena kay irik mbuɗuɗ warra lay. Ndak jiv tak ki na lay ni ɦawaa. Banayakŋa ka minik oloɗi. Asi hal a cak ki ni ciya.

JEREMI 4:30 Iomraidhean Croise

2 MULINA 9:30

Jezabel hum dlara li ayra ki halaŋ halaŋ. Ndaɗ ndal iriɗ ki may, ndal yaɗ ki may. Hu li ma Jehu ay hu Jizreel hoŋ ay vona ni, ndaɗ col ay vo golom ay ii zira.

VUN ŊGOLNA 6:25

Tin huruŋ kay ca ndaɗta u jiviɗ ɦawaɗi, caa yaŋ kay boy jivi ma ndaɗ damma u iiriɗ ta gol jiviraɗi.

VUN ŊGOLNA 7:10

Gola ni cara kal ay ki ŋgafam vogom may, cuk barawna ko ndal gawlaŋga na, mbeleŋŋa huruɗ cocoo,

EZAYI 10:3

Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?

EZAYI 20:6

Na ɗaŋŋi suu cuki hu mbas ndaɗtana hin di ana, «Gola suu may suu ay gol irigi usi dewna, suu aygi ŋgay taygi varsina, ni suu ɦaygi njunda ay a buɗuygi ki ko suu Asirina lay. Aygi may ni hin suɗ ki ni nananage?»

EZAYI 33:14

Suu li dla cora suu hu Siyonna puk kaŋgaa, asi ka li ndaana ko ndaŋgara geŋeɗta. Asi di ana dukuygi ni sa ma hin colna ni gege? Kay ni kura ŋgalla sa ma dukuygi ma hin colna ni gege? Kay ni zul ŋgolla kura ta uɗ ka doɗira.

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 22:23

Aŋ sa kaki kay ɦinira Libanda, aŋ min ziiŋ duk gu ɦoyna. Aŋ oy hu li ma dlara tiitara mbay kaŋŋa ko ndal cara tii taɗ hu buu ma vuɗtanana.

JEREMI 30:14

Suu banayaŋŋa halaŋ maaraŋ kiyo. Humusi ka gasi kaŋ oloɗi. An caŋ poŋga ko ndal poŋ sa babalira na. Ni haɗta eŋ cocora kay maɗ ma aŋ cam bolowna kay dla cora aŋ laɗ ka seŋ dukgi layra.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

YOORA 1:19

An yi suu banayanna, asi may ni ganan yanu. Muli man suu li ɓivunna u suu man suu basina miɗ ki hu ɦoŋzina, doli ɗini asi hal ni tiisina a fi saɓakŋa.

YOORA 1:2

Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.

YOORA 4:17

Ami may ni irimi ka tinira a juɓ njunda may ndaɗ ka mbaɗi. Ami juɓ ta ta ana suuna mbay njunumiya may. Asi ni ka suu ndak a suɗuminaɗi.

EZEKIYEL 28:13

Aŋ ay ni hu Edena, sene ma vi Lonna, yam ki ŋguy u gulumunna, mini u ɦini mayra jivi ɦayra. Sardoine, topaze u jaspe, krysolite, beryl u onyks, lazulit, eskarbukle u emeraude u lorra sun tle asina ni a yoo tiniŋga u diffa may. Tle asina minisi ni hu buu ma an laŋŋa.

EZEKIYEL 28:9

Na ni fok sa may ma caŋŋa aŋ hin di ana, anni Lona, doliɗi ni aŋŋi sa warna ɦawa may ni aŋ hin di na ɗaŋ su? Aŋ ka u saɓakŋa a ŋgoɓ sa ma cokoŋŋa su?

ABDIYAS 1:7

Asi hin dikiŋ ki hu mbas maŋga, suu vi vunusi u aŋŋa ganaŋ yaŋŋi ganiya. Suu banayaŋŋa yowoŋ tlegeyeŋ wa, suu li ti funa u aŋ dewna ka ndiriŋ gayaŋu. Aŋ wi kaɗi lay.

HEBRENA 2:3

Lini aygi noyogi suɗta ŋgolla wanda kiwa ni, aygi hin ndak a pii ki ko ɓakŋa ni nanage? Bu Suuna u tamba di kay suɗ ndaɗta ni jewe, ŋgoo dagan suu hum boy nammana takaygi kini gasi mamba.

WIRA ŊGAYRA 17:13

Asi doogo halaŋ saa masira fun taɗ dew, saɓak masina u ŋgol masira halaŋŋi ko vabakŋa.

WIRA ŊGAYRA 17:2

Muli suu hu ndaŋgara halaŋ cuk kaŋga hu dlara zoŋga u ndaɗu, suu kay ndaŋgara halaŋ guruɗ ki u summa vi dlara zoŋga.

WIRA ŊGAYRA 17:4

Ca ndaɗta baraw ma tam tlawna cuki egeɗu, u walak mayra lor humuɗu, ɦini mayra gus loɓma u herewna koɗu, kop may ma lor oyra u dla maɗta cora njenjera ta zoŋga koɗu.