JEREMI 4:23 - Boy Lonana

²³ An gol ndaŋgara, ndaɗ mbuɗ ki fulla. Va ka kaɗɗi. Kiɗik mayra kolo huulonara daɓ ki lay.

JEREMI 4:23 Iomraidhean Croise

URA TIN AYRA 1:2

Ndaŋgara ay ka liiɗi, va ay ka kaɗɗi lay. Lina ay kuluɓi, ndufunda kay mbo ŋgolna, Musuk Lonara mbusuk kolo kay mbona.

EZAYI 13:10

Ciciwra huulonara ugi dumussa, ka li kiɗik masira oloɗi. Faɗta day ay ki kolo na ni mbuɗ ki ndufunda, tilna ka li kiɗik mamba oloɗi lay.

EZAYI 5:30

Hu buu namma ni asi hin yal suu Israelna cocoo. Vunna hin zam ko ndal mbo lum ma ŋgolna a zamba na. Asi hin gol ndaŋgara na ni ndufunda u yoora cocoo. Kiɗikka hin mbuɗ ki ndufunda u kuɗna cocoo.

JEREMI 2:12

Ko ndaɗta na agi ni giniŋŋi suu huulonana. Agi mbuɗ laɓaa, tuguɗi ŋgolla hin ndi kagiya. Yawe di na.

JEREMI 9:10

An mbuɗ Yerusalem ki a gogoyra moli kay taɗta, li ma bayakka moli huna, ɦoŋzi ma Yudana ki li ma hahawra. Suu huna casi kiyo.

YOORA 3:2

Anni sa nam vama tuɗum duk ndufunda, ka tuɗum hu li ma kiɗikŋaɗi.

JOEL 2:10

Ndaŋgara dlak fokosiya, huulona dlak lay, faɗta u tilna mbuɗ ki ndufunda, ciciwra ka ɓo lina oloɗi.

AMOS 8:9

Buu namma hin mbaa, Bu Suuna, Loonna, di na. Hu buu namma ni faɗta hin ca faali may ni lina hin mbuɗ ndufunda gaw, ndufunda hin mba kay ndaŋgara ni faali njalak njalak.

ZAKARI 14:6

Hu buu namma ni kiɗikka hin ka li oloɗi lay. Semeɗna u dlammagina hin ka ci sa oloɗi lay.

MATIYE 24:29

«Ŋgoo wihaw ndaɗta dagan ni, faɗta hin mbuɗ ki ndufunu, tilna ka wi haɓ oloɗi, ciciwra hin yak ki kaŋgaa, saɓakŋa vi tlesuu huulonna hin geŋeɗa.

MATIYE 24:35

Huulona u ndaŋgara hin daɓ kiyo, boy manna ka daɓ kiɗi.»

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.