JEREMI 4:19 - Boy Lonana

¹⁹ Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

JEREMI 4:19 Iomraidhean Croise

URA TIN AYRA 49:6

Ko musuk manda taɓ u asi hu dlara co ndaɗtaɗi, taɓ u asi hu tok masiraɗi lay. U hurusi ma yara asi ci suuna. U yaasi ndaɗta asi ka didiŋil mbutlina kiyo.

2 MULINA 4:19

Nam di bum ana, «Yanu, yan canu.» Bum di saam ma sunda ana, «Tli gogoona, tuɗum ha vo maŋ sumu.»

2 MULINA 8:11

Ŋgoo dagan nam ŋgaras irim kam na ŋgaras. Sa ma vi Lonna tiira.

SOOLLA 103:1

Soolla vi David. An gi deɓ maŋ Yawe, an ŋgaam sem ma teteɗna coco u hurun halaŋ.

SOOLLA 116:7

Iiri manda koɗ tak ɗaŋ kay Yawe lak jivira wa.

SOOLLA 119:136

Irin ka ɓaɗ simina ko mbona na kay suuna ka li u gaɗ maŋgaɗi.

SOOLLA 119:53

Hu li ma an wi suu bay ɗegeena hiniŋ gaɗ maŋga ki na ni, hurun haɗ cocoo.

SOOLLA 146:1

Halleluya! An gi deɓ Yawe.

SOOLLA 16:2

An di Yawe ana, «Aŋŋi malanna, an fi jivira halaŋŋi egeŋu.»

EZAYI 15:5

Hurun ka yo coco kay mbassa Moabba, kay suu cuki huruɗna ka liŋ ta ta tew ha ki Soar u Eglat-Selisiya, asi ka ɗiŋ kolo kay mbura Luhitra ni u tiina. Ha hu voɗta tuɗ Horonaimba ni asi ka sawalla cocoo.

EZAYI 16:11

Kay ndaɗta hurun yoo coco kay mbassa Moabba, hurun tan kay Kir Heres ɦay.

EZAYI 21:3

Dlara an waɗta ura an humuɗta lan tan ndaa cocoo. Dla ndaɗta tan tan ko ndal cara ndak ki a vuɗtara na. An cemi vun digin ɓigin cocoo kay an hum boy nammara, ndaana lan coco lay.

EZAYI 21:4

U dlara viɗ ki irin na halaŋ an dlak coco ko ndaana. Semeɗ ma sii jivi fiɗigi ma an minim ɦayna mbuɗ ki egenni va ma lan ndaana.

EZAYI 22:4

Cemi ni an di ana ɦuɗugi ha ki egen na day, hinin an tii cocoo, loɓogi tagi a seŋendaɗi, an tii ni kay ɓalakka vi goora vi suu mansinara.

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

JEREMI 20:9

Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.

JEREMI 23:9

Kay suu jok vun Lona, an tanda mbuɗ ki ndaana, tliw tan halaŋ dlaka. An mbuɗ ki ko sa guruɗ kina na, ko sa ci summana na, ni kay Yawe ni kay boy mamma teteɗna.

JEREMI 4:21

An hin wi tlesuu duuna ta ta buuna gage? An hin hum del tokolom ma duuna ta ta buuna gage?

JEREMI 4:5

Yagi ha kolo hu Yuda, ɓakagi ha maŋ suu Yerusalemma asi hum may. Buugi tokolomma hu mbassa. Yagi ha kolo u delegira ŋgolla dagi ana, tokogi tagi a kalagi hu li ma eŋŋa.

JEREMI 42:14

Lini agi di ana ɦawaa ami min a hoŋŋi Egipte hu li ma ami ka a wi dlara duuna oloɗi, hu li ma ami hin hum sawalla duuna oloɗi lay, hu li ma ami hin ka wi haw fu ma tira oloɗi layna, ami min kakŋi hu li namma.

JEREMI 49:2

Na ɗaŋŋi Yawe di ana buuna ka mbaa, ma suu Amonna hin tum tiina hu Rabbana, tii ma duuna. Ndaɗ hin mbuɗ ki ni li ma hahawra, ɦoŋziiɗ ma kiɗikka hin ŋgalam kiyo. Israel hin ti jo ma vi suu taɗ jooɗnana, Yawe di na.

JEREMI 50:22

Vun ma duuna ka hu mbassa cocoo, vun ma ŋgolna na kuuh.

JEREMI 6:24

Ami hum boyna. Saarami jak kiyo. Ami mbuɗ ki ndaa coco lay. Tiitara ko ndal cara yoo taɗ hu li ma ndaɗ hal a vuɗta na.

JEREMI 8:18

Yaanda sa ka faɗ kumu kaɗɗi. Mbalatan halaŋ ki mbuɗi yaa.

JEREMI 8:21

Kay dla cora suu mansina laɗta an ki ciya. An ki mbuɗi zolona, hahawra van wa.

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

JEREMI 9:10

An mbuɗ Yerusalem ki a gogoyra moli kay taɗta, li ma bayakka moli huna, ɦoŋzi ma Yudana ki li ma hahawra. Suu huna casi kiyo.

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

YOORA 1:20

Gola, Yawe, an ki ni hu li ma hahawra. Hurun haɗ hurun ɦay. Hurun ki kurufu hurun ɓeŋŋiya kay a suu vunna an suu vunna. Ŋgewna ki kiɗik wanni njafan hin ka li oloɗi, kurufu ni ko ndal vo vi maɗna na.

YOORA 2:11

Irin cim ki ko simina wa. Hurun haɗ hurun cocoo. Saɓakan ɦoɗ ki wa. Nam ki gii kaŋga duk ndaŋgara. Suu man suu jivi asina ki ciiya. Hu li ma goryosi suu fun ponana ka daw hu li ma hu ɦoŋzinana.

DANYEL 4:19

ni aŋ, mulna. Kay ana aŋ mbuɗ ki ŋgolla, saɓak lay, ŋgol maŋga wul ta ta tew kolo huulona, mul maŋga ta ta tew keŋ ndaŋgara ma daɓ ayna.

DANYEL 7:15

Ŋgusun an Danyel mbuɗ yoo taɗ coco hurun kurufuu. Saara kay tlesuu an wasina tan tan lay.

DANYEL 7:28

Boyna daɓ mi tani. An Danyel may ni saaran mbuɗ yoo cocoo, tliw tan mbuɗ ki boliya, an vi boy namma hurun na gak gak.

DANYEL 8:27

Na ɗaŋŋi an Danyel mbuɗ ki maŋiya, an mbuɗ tuguɗiira buuna bolowo. Olo an col kolo gijaŋ sunda vi mulnara. An mbuɗ ki ndaana ko tlesuu an wasina, sa dew lay ka wi u tle asinaɗi.

AMOS 3:6

Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

HABAKUK 3:16

An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

NDUMBA 10:9

Hu li ma agi tew ki hu mbas magira wa lini suu babali magisina mba halagiya, agi a tuɗ duu u asira ni yi tora duuna, buugi tokolomma may. Ni, an Yawe humun hin gan ay kagiya agi hin suɗ ki ko suu babali magisina.

ROMMA 10:1

Gorsenna va ma an min joɓ Lona hurun tini kam halaŋŋa ni kay suu Juifna ana asi suɗ kiyo.

1 KORINTNA 14:8

Lini suu bu diffa duuna buuɗ ka ki jivi a yi suunaɗi, sa hin min tam kay yara ni gege?

GALATENA 4:19

Goryonu an fi wihawra daŋŋa kagi olo wihaw ndaŋga ko cara a vuɗ goona na gak gak Kristu mba li kagi hurugiya.

SUU KAƁAKŊA 5:21

Mbo lokka Kisonda kaa u asi wa. Ni lokka day dayna mbo lokka Kisonda ni li ma duuna. An tuɗ foko, ŋgusun tuɗ ni u saɓakŋa.