JEREMI 4:1 - Boy Lonana

¹ Lini ndak hoŋ aya ni, ndak hoŋ ay ni egen anu. Yawe di na. Lini ndak yow zozot makka ki fokonu ni ndak hin ka poy na dadam oloɗi.

JEREMI 4:1 Iomraidhean Croise

URA TIN AYRA 35:2

Yakob di suu vo varamma u suu tuɗ ay umma lay ana, «Cukugi loogi suu vi suu daŋŋana suu ay kogina kiyo. Lagi tagi ki teteɗ, cukugi baraw ma wilina tagiya.

2 MULINA 23:13

Josiyas hawaɗ li ma mulna Salomon minim ha kolo kay ɦinira Conora ii dali vok tam u Yerusalem na gay. Li ma teteɗ namma minimmi, loogina gi ciciwra kolo huulonara, maŋ Astart, lo tamara ta cora vi suu Sidonna, maŋ Kemok, lo ma co ma vi suu Moabma u Milkomma, lo ma co ma vi suu Amonna.

2 MULINA 23:24

Josiyas a li u vun magaara mul ma li ɓivunna, Hilkiya, faɗ ay kalafi hu Ziŋ Yawera ni nam dik suu hu mbassa Yudara u suu hu Yerusalem suu joɓ fulina u suu joɓ ŋgus suu zulina kiyo. Nam to fuli u tlesuu teteɗ suu may suu vi suu ka wi Lonaɗina ki lay.

2 DLAŊ MULINARA 15:8

Hu li ma mulna Aza hum boy ma sa ma jok vun Lona Azariya ma goŋ Odedna damma na ni, nam so tam hawaɗ li ma givin ma togolla maŋ loogi suu ɦawana hu mbassa Yudara kiyo, u suu hu mbassa vi Benjaminda lay u tlesuu fulina suu ka hu ɦoŋzi ma nam tlam ay ki zeɗ zeɗ ma ha kolo kay ɦinira Efrayimbana lay. Ŋgoo dagan nam hin min givin ma togolla maŋ Yawe huna kiyo.

2 DLAŊ MULINARA 33:8

An hin ka tuɗ suu Israelna ki day eg mbassa an ɦaɗ ay maŋ somoyosira oloɗi. Lini asi li u gaɗta an dasira ay fun saan ma sunda Moizza, gaɗta halaŋ u nera lay u dlara an min ana asi laɗura lay.»

2 DLAŊ MULINARA 34:33

Ŋgoo dagani, Josiyas bulum dla cora hu mbassara ki bel bel kay yam mbassa vi suu Israelna. Nam ɦeɓ suu ka hu mbassa Israella halaŋ a sunni Yawe, Loosina. Hu iiri mamba halaŋŋi nam jok hurum ka a hin Yawe, Lo ma vi somoyomma, kiɗi.

EZAYI 31:6

Agi suu Israelna hoŋogi ay eg sa ma agi mbuɗ ŋgorogi hinim ka ki na dayna.

JEREMI 15:19

Na ɗaŋŋi Yawe ɓak anaba, lini aŋ hoŋ aya, an hoŋoŋ ay wa ni, aŋ hin col fokonu. Lini hu li ma ɓak dlara feɗta aŋ ɓakŋi dlara ŋgolora ni, vunuŋ hin mbuɗ ki ni manna. Asi hin hoŋ ay egeŋu. Aŋ may ni hin ka hoŋ ha egesi na ɗowɗi.

JEREMI 15:4

An hin lasi ki ni a dlara tak mayra mbuɗ suu muli suu kay ndaŋgarana ndaana u ndaɗ halaŋga. Ni kay Manasse ma goŋ Ezekiyasna, mul ma Yudana, dlara nam laɗ hu Yerusalemba halaŋ.

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 24:9

Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.

JEREMI 25:5

Nam dagi ana gegelay hom ki kay tuɗ mamba cora, kay dlaagira bay uɗta, agi hin kak kay ndaŋga mayra Yawe ɦagira ki magi u somoyogi ay ki fok jew day a fafaɗtara.

JEREMI 3:1

Lini sana dik caamba kiyo, ndaɗ hinim ki tuɗ a kak ki u sa daŋŋa ni, nam ndak a hoŋ egeɗ olo su? Ndaŋga ndaɗta ka ki ni mbuɗi njenje gawɗi su? Ndak may ni li gawlaŋŋa u suuna bolowra ndak hin mbay egenu. Yawe di na.

JEREMI 3:12

Aŋ tuɗ ɓak boy ma wanna ha ii ko ma mbayawna di ana, hoŋ ay ɗaŋ Israel ta noy Lona kira. Yawe di na. Kak manna dukugina hin ka lagi va oloɗi. Gasi an ɗegee, Yawe di na. An ka col saɓakŋa a fafaɗtaɗi.

JEREMI 3:14

Hoŋogi aya, goryon suu noyon kina. Yawe di na. Kay an ka a malagina ni anu, an tli dew hu ɦoŋzina, yow mba' hu njafagiya, hoŋogi hu Siyon.

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 36:3

Kala suu Yudana hin tin saarasi kay dla cora an di kaɗ ana hin lasira egesiyara kala, a gegelay hin hom ki kay dla coomba u tuɗ mamba cora, a an hin ɦasi gira kay maɗ ma asi camma u cora asi laɗta.»

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

JEREMI 7:3

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak ana, mbuɗugi tuɗ magira ki jiviya, dlaagira agi laɗta ki jivi a an hin ndak kak dukugi hu li namma.

JEREMI 7:5

Na may ni minigi tuɗ magira ki jivi na ɗow. Dlaagira agi laɗta a njun kay sa ɗegeena duk ndaryamma.

JEREMI 7:7

An hin ndak kak u agi hu li namma. Hu mbassa an ɦaɗ ki maŋ somoyogi ay ki jew day a fafaɗtara.

EZEKIYEL 11:18

Asi hin mbaya, hin yow dla cora lira ki halaŋ, u dla mayra ɓalakasi kira.

EZEKIYEL 18:13

Nam ndi tlena ki kay suuna ni a mbona, ndi tlena ki cocoo. Nam ka iiri may, hin ka kak iiri ta taɗi. Nam li dlara ka u voɗoɗira cocoo. Na daŋ may nam hin miɗa. Busuɗum hin hoŋŋi kamu.

EZEKIYEL 43:9

Cemi ni asi hin dlaasira goɓ tlesuu daŋŋa kiyo. Asi yow ɦaa muli masisina ha ki may. An hin kak dukusi ni a fafaɗta.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

Magaara Vi Sa Jok Vun Lona OZE 2:2

Goryoŋ Yudana u goryoŋ Israelna hin taɓ ki u tasiya. Asi hin tli mulna fokosi dew, asi hin ti kay mbassa. Kay ana buu ma vi Jizreelna hin li ŋgolla.

Magaara Vi Sa Jok Vun Lona OZE 7:16

Li ni asi hoŋ aya ni, ka hoŋ ay ni egenɗi, asi ni ko ndal gu mbuurura eŋeɗ kaɗira na. Muli masisina hin casi ki u ŋgewra, ni kay dla cora vunusi daɗta, asi hin san usi hu mbassa Egiptera.

JOEL 2:12

Cecem wanda, Yawe di ana hoŋogi ay egen u hurugi halaŋ, u laara lira, u tiina, u yoo tara.

ZAKARI 1:4

Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.

GA 8ATAMBARA 27:15

«Sa ma min fulina na minna sa namma ba ki wa dla mayra ka ii Yawe Lona jiviɗira, tlesuu sa warna lasi u komma, ŋgayasi vo um na enna. Suu halaŋŋa hoŋ dira ana, Amin.

GA 8ATAMBARA 4:30

Hu li ma agi ka hu yoora, lini dlara yoora fagi wa hu buu ma ha fokŋa, agi hoŋogi ay eg Yawe, Looŋŋa, agi mba humum delemu.

JOSUWE 24:14

Josuwe hin gi mamma hu di ana, «Cemi wanda ni agi lagi ndaa Yawe sunummi namu, u ndaana u huu ma jivina u ɗegeera may. Cukugi loogi suu somoyogi sunusi ay ŋgoo lumma ii hiniŋŋana kiyo u suu ay kosi hu Egiptena lay. Sunugi ni Yawe.

SUU KAƁAKŊA 10:16

Asi njay loogi suu daŋ suu vo varasina kiyo. Asi gijaŋ a sun Yawe ma ka wi lassa vi suu Israelna u irimbina.

1 SAMUEL 7:3

Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»