JEREMI 39:8 - Boy Lonana

⁸ Taraŋ ŋgolla u sigini suu jivi cocona suu Kaldena gasi kura ŋgalasi ki may, to gulumun ma Yerusalemma ki kaŋga may.

JEREMI 39:8 Iomraidhean Croise

2 MULINA 25:8

Hu basara doogo yam dleeŋe ta Nabukodonosor kaki a mul ma Babilonnara, hu til ma vadlna, buuna kiɗisiya ni Nebuzaradan kal hu Yerusalem. Nammi sa ma ŋgol suu asgaana, sa ŋgol ma vi mul ma Babilonna.

2 DLAŊ MULINARA 36:19

Suu Babilonna ŋgal Ziŋ Lonara kiyo, to gulumun ma Yerusalemma ki lay, ŋgal ziŋ mulnana ki lay, ɓalak tlesuu jivi suu hu ɦoŋzi ŋgolnana ki halaŋ.

NEHEMI 1:3

Asi dan ana, «Suu hin ay u suu yowosi ay ki mbaɓura hu ɦoŋzi ma baginana ni hu hahawra ŋgolla u zolona lay. Gulumun ma Yerusalemma gaɓalam hinni nam ɦawaa, vun grekŋa ki ŋgali halaŋ may.»

SOOLLA 79:7

Kay asi ɦurum zi ma vi Yakobma ki wa, yow tlesuu vi suu Israelna ki halaŋ.

EZAYI 5:9

An hum Yawe, ma Saɓakŋa Kom Belna, suu tam ki ana «Zi ma min ŋgolo coco namma ma jivi ɦayna hin ɓeŋ kiyo, ni kay cora vi suu hurumma.

JEREMI 17:27

Lini agi humungi ka kay buu ma vi Lonna ŋgaɓam ki duk ndarayammanaɗi, ka saa kay tlira tli nekka hu buu nammaraɗi lay, kay kalla kal hu vun grek ma Yerusalemma hu buu ma vi Lonnaɗi lay ni, an hin ŋgal kura vun grek namma ndaɗ hin ŋgal zigini suu jivi suu Yerusalemma ki lay, hin ka tew kiɗi lay.

JEREMI 21:10

Gasi, an pereɗ irin kay ɦoŋzi namma a lam dla cora egemba, ka lam dla jiviɗi. Yawe di na. Ҥoŋzi namma hin ɦam ki maŋ mul ma Babilonna, nam hin ŋgalam kiyo.»

JEREMI 32:29

Suu Kalde suu ŋguy yam ɦoŋzi namma kina hin kal hurumu. Asi hin cuk kura kay ɦoŋzi namma. Asi hin ŋgalam ki u zigini suu ŋgalasi ɓivunna kolo kasi maŋ Baalna u sum ma maŋ loogi suu daŋŋa a ɓivunnana.

JEREMI 34:2

Na ɗaŋŋi Yawe, Lona vi suu Israelna, ɓak anaba, tuɗ di Sedesiyas, mul ma Yudana, gasi aŋ dam ki jiviya, «Na ɗaŋŋi Yawe ɓak anaba, an hin ɦal ɦoŋzi namma ki maŋ mul ma Babilonna nam hin ŋgalam kiyo.

JEREMI 34:22

An hin ɦal voɗta, Yawe di na, asi hin mbay duu u ɦoŋzi namma, asi hin ŋguyum ki na cutl, hin tlamu, hin ŋgalam kiyo, ɦoŋzi ma Yudana an hin mbuɗum ki li ma hahawra, li ma suu war ka huɗina.

JEREMI 37:10

Ko ndaɗta na may ni agi hin cagi suu duu suu Kaldena kiyo, suu tlagi liigina kina, suu ɦiw hin hina, asina hin min tasi ay kaŋga hu mbutluɓ masina hin ŋgal ɦoŋzi namma kiyo.

JEREMI 38:18

Lini aŋ ka tuɗ ŋgaf ŋgol asgaa ma vi mul ma Babilonnaɗi ni ɦoŋzi namma hin ɦam ki maŋ suu Kaldena, asi hin ŋgalam kiyo, aŋ taŋga may ni hin ka suɗ kosiɗi.»

JEREMI 5:10

Calaɗagi kay gulumunna cagisina kiyo. Na may daɓagisina ki halaŋgi. Kaasi gogor kosi kiyo. Asi ka vi Bu Suunaɗi.

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

YOORA 1:10

Babali manna maɗ kom ki kay bege manda bel. Gasi hu voɗ maɗta ndaɗ wi njaf suu daŋŋa mbaya. Ni suu aŋ ka min a asi mbay duk suu maɗsinaɗina.

YOORA 2:2

Bu Suuna bulum mbassa vi Yakobpa ki halaŋ halaŋ. Nam hawaɗ li ma saɓak ma vi Yudana ki kaŋga u yaamba. Nam gi mulla u muli maɗsina ki kaŋgaa.

YOORA 2:7

Bu Suuna noy givin ma togolla kiyo. Nam noy liim ma teteɗna kiyo. Nam ɦal gulumun ma kay zigini suu hu ɦoŋzina na maŋ suu babalira. Suuna yi ay kolo u delesi eŋga hu zira vi Yawera ko hu buu ma luuna na.

EZEKIYEL 16:41

Asi hin ŋgalak ziikŋa kiyo. Asi hin lak dlara gaɗta daɗta ki egekŋi ii boyogi suu daŋŋa halaŋ. An hin doorok dlaakka gawlaŋ ndaɗta kiyo. Ndak ka ndak a warak sa oloɗi lay.

EZEKIYEL 23:47

Ko suu tokkina gikisi u gogoyra, casi ki u ŋgewina may, casi goryosi suu njufiina u gorɓiina kiyo, ŋgalasi ziisi ki may.

EZEKIYEL 33:21

Hu basara doogo yam mbara a basara yowomi ha mbaɓura hu til ma doogona hu buu ma vadlna ni sa ma suɗ ay ki fun duunana dew mba dan ana, «Ҥoŋzi ma Yerusalemma asi tlam ha ki wa.»

AMOS 2:5

An hin cuk kura kay Yuda, ndaɗ hin ŋgal zigini suu Yerusalemma kiyo.

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.