JEREMI 39:4 - Boy Lonana

⁴ Sedesiyas mul ma Yudana u suu mam suu duuna halaŋ wi ana asi mba wa ni, asi pii ki njeŋge hu sene ma vi mulnana hin ɦoŋzina, sel ki hu vun grek ma duk hoŋ gulumunna mbana na, asi tin irisi ha hu li ma Yurdanna na.

JEREMI 39:4 Iomraidhean Croise

2 DLAŊ MULINARA 32:5

Ezekiyas hurum sooy ɦiŋ cocoo, hoŋ min gulumun ma ŋguy kay ɦoŋzinana kiyo. Nam min zira kolo fiyek ta juɓ u zina ki may, hoŋ min gulumun ma daŋŋa ay ii ŋgoo hu olo. Nam min zi ma Millona ki saɓak cocoo. Zi namma ni hu Ҥoŋzi Davidna. Nam dli saɓagina ŋgol cocoo, cil mbarina bolow coco lay.

EZAYI 22:11

Agi vek zulla vo mbona duk ɦoŋ gulumuna jak a taa yona hura. Na may agi saa ka kay Bu Suuna, ma ka li tle asinanaɗi. Agi wi sa ma ka li sunda tew tew namma kaɗi.

EZAYI 22:3

Suu ŋgolo suu fok suu asgaa maŋsina halaŋ yow pii wa, suu daŋŋa asi vasi ni bay asi mun mbuurura dewra lay. Suu asi hin fasina halaŋŋi cukusi daŋgayna. Asi pii ki ni tuɗ ha ki ni na day.

EZAYI 29:2

Bu Suuna di ana, An hin lasaŋu, Ariel, aŋ hinni u yoora sak sak, aŋ ka li a givin ma togolla man oloɗi lay.

JEREMI 32:4

Sedesiyas mul ma Yudana hin ka suɗ ki ko saɓak suu Kaldenaɗi. Na may mul ma Babilonna hin vamu, nam hin ɓakŋi sa ka kal dukgi. Nam hin wi dla ndaɗta ni u irimu.

JEREMI 32:5

Sa saɓakŋa hin tuɗ Sedesiyas ki Babilon, nam hin kak hu li namma ta ta hu buu ma an hin golomma tuwa. Yawe di na. Lini agi hal a col eŋga fok suu Kaldena ni agi hin ka ndak a li vaɗi.»

EZEKIYEL 12:12

Mul ma dukusi wanna hin yow tlegeyem kam ii ndufunda, nam hin kal ki ni ii goŋga asi hin coomba ha ki kamba, nam hin baa irim ki ana ko irim wi mbas ndaɗta oloɗi.

EZEKIYEL 12:4

Aŋ yow tlegeyeŋ ay ki kiɗik ko tlesuu ŋgayra na, ki irisi faali halaŋ, aŋ taŋga hin kal ay ki fiɗigi ni ko ndal sa ma tuɗ ŋgayra ki hu li ma daŋŋara na may.

DLAŊ LEVIRA 26:17

An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.

DLAŊ LEVIRA 26:36

«Ugira hin iirira suu asina an hin cukusi ndaana hurusiya, hum bubura yak kaŋgara hin mbaɗasi ni ndaɗ ɦawaa, asi hin yow liŋŋa ni ko ndal sa ka dikisi ay ŋgorosi dagan na, asi puk kay tasi ni sa ka usi a dikisiɗi lay.

AMOS 2:14

Lii ŋgayra hin viɗ ki ii suu tasi feɗna, sa ɦiŋŋa hin ka li u saɓakam hurumbi, sa wi yal duuna ɦayna hin ka suɗ kiɗi lay.

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.