JEREMI 39:1 - Boy Lonana

¹ Hu basara dleeŋera vi Sedesiyas, mul ma Yudana, hu til ma mbana, Nabukodonosor, mul ma Babilonna, mbay u suu mam suu duuna halaŋ halaŋ fun Yerusalem hin tli ɦoŋzina.

JEREMI 39:1 Iomraidhean Croise

2 DLAŊ MULINARA 36:17

Nam min mul ma Babilonna ndugusi mbas masira, ɦasi ki hu duk kom halaŋ. Mul namma ci asgaa suu duuna ki ta ta tew ay ki hu Ziŋ Lonara. Nam ka hin gozoŋgi lay, ka hin go tamaɗi lay, hin sa ŋgolɗi lay, ma maaɗi lay.

JEREMI 32:1

Yawe ɓak boy mamma maŋ Jeremi hu bassara vi mulna Sedesiyas ma Yudana ta doogora. Ni Nabukodonosor basadam ki doogo yam kalvandi hu mulla.

JEREMI 34:1

Yawe ɓak boy mamma maŋ Jeremi hu li ma Nabukodonosor mul ma Babilonna u suu mam suu duuna halaŋ, suu muli suu kay mbassa nam ti mulla kaɗta halaŋ, suuna halaŋ tli Yerusalem u ɦoŋzi ma ŋguy kaɗna halaŋ halaŋ may.

JEREMI 34:22

An hin ɦal voɗta, Yawe di na, asi hin mbay duu u ɦoŋzi namma, asi hin ŋguyum ki na cutl, hin tlamu, hin ŋgalam kiyo, ɦoŋzi ma Yudana an hin mbuɗum ki li ma hahawra, li ma suu war ka huɗina.

JEREMI 42:18

Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

JEREMI 52:1

Sedesiyas basaɗam tew ki dok mba' yam dew hu li ma nam mbuɗ mulnana. Nam ti mulla basara doogo yam dew hu Yerusalem. Sem sum ana Hamutal, goŋ Irmaya ma Libna na.

JEREMI 6:6

Yawe, ma Saɓakŋa Kom Belna, ɓak anaba, kaagi ŋgusugina, minigi voɗta kay Yerusalem, ni ɦoŋzi ma ɦam kina. Hu ɦoŋzi namma halaŋ halaŋŋi dlara yara.

EZEKIYEL 33:21

Hu basara doogo yam mbara a basara yowomi ha mbaɓura hu til ma doogona hu buu ma vadlna ni sa ma suɗ ay ki fun duunana dew mba dan ana, «Ҥoŋzi ma Yerusalemma asi tlam ha ki wa.»

EZEKIYEL 4:3

Tli kawi ma beɗina cakam ki duk ɦoŋogi u ɦoŋzi ma Yerusalemma. Ŋgaras iriŋ ha golla kay ɦoŋzi namma na ŋgaras. Nammi zi ma yam ki ŋguy u suu duunana. Aŋŋi sa ma ŋguy yam zi namma na gaw. Ni dla mayra ne yam suu Israelna kira.

EZEKIYEL 40:1

Hu basara dok-mba' yam vadla ŋgoo yow mamira ha ki hu mbassa daŋga, hu gijaŋŋa vi basa ndaɗta, buuna doogo hu til namma, basara doogo yam fiɗi dagan ɓalak mayra ɦoŋzina ɓalak kira, hu buu nammana gawna, Yawe mbay kanu, tuɗun ha ki hu li namma.

EZEKIYEL 5:2

Hu li ma buu maŋ ma ŋgaamma daɓ wa ni, aŋ ɓorowoɗ iriɗ duk hindi, keŋ ma hindina aŋ ŋgal tlimiɗ ndaɗta duk gayra huɦoŋzina. Aŋ yow keŋ ma hindi ma hin cuki mbana, kaasi ki uŋgewna ŋguy ki kay yam ɦoŋzina na cutl, u keŋ ma hindi ma hin koŋ daganna aŋ cukuɗ kolo duk semeɗna. Ŋgew namma an hin hoŋosina ni kasiya.

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

GA 8ATAMBARA 28:36

«Yawe sunugi u mul magi ma agi tlam fokogina ha ki maŋ njaf suu somoyogi lay agi tagira lay ka wasiɗina. Ha hu li namma agi sunni loogi suu hawana, gugunina u ɦinira.