JEREMI 33:2 - Boy Lonana

² Na ɗaŋŋi Yawe ma li tlena, Yawe ma minisi asi col eŋgana, sem ana Yawe.

JEREMI 33:2 Iomraidhean Croise

SOOLLA 102:16

Njaf suuna halaŋ hin li ndaa Yawe, muli suu kay ndaŋgarana halaŋ waŋ bibiŋil maŋga.

SOOLLA 87:5

Sa ndak a di ana suuna halaŋ col ay ni hu Siyon dew, ma ay Kolo Dayna ɦam saɓak namma ni namu.

KALKIRA 15:3

Yawe ni sa ma duuna. Semmi ana, Yawe.

KALKIRA 6:3

An tak tan ay ki ii Abraham, ii Isaak, ii Yakob ni El Saday, na may an tak tan ka irisi u sen ma Yawe naɗi.

EZAYI 14:32

Ay hin hoŋ dira maŋ suu may suu Filistinna sunusi ayna ni ana mege? Ay hin dasi ana, «Ko Yawe min Siyon koloo, a suu mam suu maŋina fi koɗ tara huwa.»

EZAYI 37:26

«Aŋ ka wi ana dla ndaɗta an saa ay ki kaɗ ni jewe naɗi su? Ay hu jewra day day an lasi ni anu naɗi su? Cemi ni an hin li dla ndaɗta. An hiniŋ ana aŋ ɓalak ɦoŋzi ma saɓak namma kiyo ni anu.

EZAYI 42:8

Anni Yawe, senni na daŋ may. Bibiŋil manda an ka haɗ maŋ sa ma daŋgi. Geleɗta geleɗenda ka geleɗ ful u ndaɗɗi lay.

EZAYI 43:1

Cemi ni Yawe di ana, aŋ Yakob sa ma laŋŋa ni gege? Israel sa ma miniŋŋa ni gege? Li ndaaɗi kay An suɗuŋ ki wa. An yaŋŋi u seŋu, aŋŋi varanu.

EZAYI 43:21

Ni suu an lasi ki manna, ni suu ka geleɗen tew tewna.

EZAYI 62:7

Ka hinim a koɗ tambi, ta ta Yerusalem min ki tuwa. Hin a zi ma Yerusalemma fi ŋgolla a suu kay ndaŋgarana halaŋ ŋgaammi nam dew.

JEREMI 10:16

Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

JEREMI 16:21

Na ɗaŋŋi an hin ɦasi wira, ndaɗta wanni an hin takasi saɓak manna. Asi hin wi ana senni Yawe.

JEREMI 32:18

Aŋ sa li oora kay njaf suuna bubma, may aŋ hin warak suluk ma vi somoyoŋ gorrana ki kay goryosiya, Lo ma ŋgolna, ma saɓakŋa ma duuna. Yawe, ma Saɓakŋa Kom Belna, ni semu.

JEREMI 51:19

Begera vi suu Israelna ka ni ko asi naɗi. Nammi sa li tlena belna, Israel ni mbassa hu joommara, Yawe ma Saɓakŋa Kom Belna, ni semu.

AMOS 5:8

Nam li ciciwra, dumussa u tawla kadara, ma mbuɗ ndufunda ki kiɗikka vun maɗiirara, ma mbuɗ faalira ki njeŋgera warra, nam ma yi yo ma ay hu lum ma ŋgolna mba njayam ki kay yam ndaŋgarana, nam yi sem tam ana Yawe.

AMOS 9:6

Sa tin jaŋla mamma kolo huulona, min ziim kay ndaŋgara may, sa yi mbo ma hu lumma ŋgolonana tli yam ndaŋgara ki u namma sem ana Yawe.

HEBRENA 11:10

Kay ndaɗta Abraham juɓmi zi ma um tini eŋ coco, jivi cocona. Lona ni sa ma ŋga u zira miniɗ ni nam lay.

HEBRENA 11:16

A gasira ni asi hal ni mbassa jivi sura, ni di ana ta kolo huulonara. Ni kay ndaɗta Lona ka li zolo kay a di ana nammi Loosinaɗi, nam minisi zina haa.

WIRA ŊGAYRA 21:10

Musuk Lonara mbay kanu sa sunda huulona tlan tani tuɗun kay yam ɦinira fiyekka koloo, nam takan ɦoŋzi ma teteɗna, Yerusalem ma wilina mbay kolo huulona, sunum ay ni Lona tamba gaw.

WIRA ŊGAYRA 21:2

An wi ɦoŋzi ma teteɗna ni Yerusalem ma wilina, nam sii ay kaŋga huulona, nam ay ni eg Lona ki mini ko goo wayra min taɗ a tuɗ njufnara na.