JEREMI 32:5 - Boy Lonana

⁵ Sa saɓakŋa hin tuɗ Sedesiyas ki Babilon, nam hin kak hu li namma ta ta hu buu ma an hin golomma tuwa. Yawe di na. Lini agi hal a col eŋga fok suu Kaldena ni agi hin ka ndak a li vaɗi.»

JEREMI 32:5 Iomraidhean Croise

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

2 DLAŊ MULINARA 24:20

Musuk Lonara mba kay Zekari, mul ma li ɓivunna, goŋ Yoyodana, mba di boyna kay suu Israelna ana, «Gola ni dlara Lona daɗta, ana agi a ŋgel gaɗta vi Yawera na ni kay mege? Agi hinni ka fi vaɗi kay agi noy Yawe kiyo. Nam may ni noyogi ki wa may.»

VUN ŊGOLNA 21:30

Yal ma vi sa warnana, neemba u mbeleŋ mamma halaŋ ka ndak a col fok Yaweɗi.

JEREMI 2:37

Hu li namma ndak hin kal ay ki ni kok kay yak hewiya. Gasi Yawe ka minik dlaakka a hal heɓparaɗi. A ndak li jivira ni ka naɗi.

JEREMI 27:22

Asi hin yowosi tuɗusi ki Babilon. Asi hin kak ha hu li namma ta ta hu buu ma an hin yowosi ay kina. Yawe di na. Na ɗaŋŋi an hin ɦoŋosi ay asi hin mbay hu li namma.

JEREMI 32:24

«Sunda ŋgolora ka mba eg ɦoŋzina tok, dik u suuna kolo u ŋgewna mayra hin ci suuna lay, tuguɗii bora lay. Ҥoŋzi namma mariyaɗ ni hin hin tam maŋ suu duu suu Kaldenaɗi su? Dlara aŋ daɗta mba wa. Aŋ may ni gol ni u iriŋ ɦawaa.

JEREMI 32:6

Gola ni dlara Jeremi daɗta, Yawe ɓakan boy mamma ko wanda na,

JEREMI 33:5

Asi gijaŋ duu suu Kaldena, ni dlara oy ziginina u maɗ suunara ɦawaa, suu an hin casi ki u yaandana. An ŋgay tan ki ii ɦoŋzi namma wa, kay dla cora nam laɗta halaŋ.

JEREMI 37:10

Ko ndaɗta na may ni agi hin cagi suu duu suu Kaldena kiyo, suu tlagi liigina kina, suu ɦiw hin hina, asina hin min tasi ay kaŋga hu mbutluɓ masina hin ŋgal ɦoŋzi namma kiyo.

JEREMI 39:4

Sedesiyas mul ma Yudana u suu mam suu duuna halaŋ wi ana asi mba wa ni, asi pii ki njeŋge hu sene ma vi mulnana hin ɦoŋzina, sel ki hu vun grek ma duk hoŋ gulumunna mbana na, asi tin irisi ha hu li ma Yurdanna na.

JEREMI 39:5

Na may suu duu suu Kaldena ciɗisi usi ta ta vi Sedesiyas hu fulla Yerikora. Asi vam tuɗum hu Ribla hu mbassa Hamatta eg Nabukodonosor, mul ma Babilonna, nam hin dam dlara nam min a laɗta.

JEREMI 39:7

Na ɗaŋŋi nam hin co ii Sedesiyas kiyo, nam hin ɗagam u gali walakka mba' a tuɗum Babilonda.

YOORA 1:14

Gola ndaɗ ki ɗakiya. Coonda ni ko mbalna na. Ndaɗ ki ɗuɗira hu duk komu. Ndaɗ ki njunira delenu. Nam mbuɗun saɓak manna a li cora. Bu Suuna ɦan ki ni ko suu ko ndaɗta nana. An ka ndak a col kolo u senɗi.

EZEKIYEL 12:12

Mul ma dukusi wanna hin yow tlegeyem kam ii ndufunda, nam hin kal ki ni ii goŋga asi hin coomba ha ki kamba, nam hin baa irim ki ana ko irim wi mbas ndaɗta oloɗi.

EZEKIYEL 12:13

An hin gun bay manna ki fokomu, an hin vamu, an hin tuɗum ki hu mbassa Babilonda, mbassa vi suu Kaldenara, nam hin miɗ ha ki ni hu mbassa nam waɗ ka dewɗira.

EZEKIYEL 17:15

Na may mul ma kak wili namma hin mbuɗ yara u namu, sun sa sunda hu mbassa Egiptera ana asi ɦam kulumina u asgaa suu duuna aya. Na ni nam ndak a fasi gasi may su? Sa ma li dla ndaɗta nana hin ndak gasi funuɗ may su? Nam bulum galamba vaɗ duk tasi ndaɗta kiyo.

NDUMBA 14:41

Moiz dasi ana, «Agi lagi ni mege? Agi ŋgel gaɗta vi Yawera ni agi ka ndakgi.