JEREMI 32:3 - Boy Lonana

³ Sedesiyas mul ma Yudana dukum kalafi hu zira, joɓom ana, «Aŋ ɓak dla ndaɗta na ni kay mege? Gola ni dlara Yawe daɗta. An hin ɦal ɦoŋzi namma ki ko mul ma Babilonna. Nam hin tlam kiyo.

JEREMI 32:3 Iomraidhean Croise

2 DLAŊ MULINARA 28:22

Duk dlara yoora cocora na lay ni Akaz ka hin cora laɗ eg Yaweraɗi.

KALKIRA 5:4

Mul ma Egiptena dasi ana, «Moiz u Aaron agi min a tuɗ suuna ki day eg sun masira ni kay mege? Tuɗugi hu sun magira.»

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 21:3

Jeremi dasi ana, «Dlara agi hin i daɗ maŋ Sedesiyassa ni ko wanda na,

JEREMI 27:8

Na ɗaŋŋi njaf suuna u muli suu ka min a sunumbina nam tamba Nabukodonosor, mul ma Babilonna, ka tin delesi kaŋga u mbal ma vi mul ma Babilonnaɗi na, an hin ci suu asina ki u ŋgewra, mayra u tuguɗi bora. Yawe di na ta ta asi ɦoɗ njayra ki konu.

JEREMI 34:21

Kay Sedesiyas ma mul ma Yudana u suu ŋgolo mam suu sunda, an hin ɦasi ki maŋ suu babali masisina, maŋ suu halasi a casi kina. Maŋ suu duu suu vi mul ma Babilonna suu tli lina halaŋ halaŋŋa.

JEREMI 36:29

Aŋ hin di Joakim mul ma Yudana ana, Yawe ɓak anaba, aŋ ŋgal magaa bakka jewra ki yalan ana an ɓii huruɗ ana mul ma Babilonna hin mbay ɓeŋ mbas ndaɗta kiyo, hin njay suu warna u mburi suu huruɗna ki lay.

JEREMI 37:4

Jeremi col ki duk suuna gi tam ki na en gaw. Sa gam ka daŋgaynaɗi.

JEREMI 38:18

Lini aŋ ka tuɗ ŋgaf ŋgol asgaa ma vi mul ma Babilonnaɗi ni ɦoŋzi namma hin ɦam ki maŋ suu Kaldena, asi hin ŋgalam kiyo, aŋ taŋga may ni hin ka suɗ kosiɗi.»

JEREMI 38:3

Na daŋŋi Yawe ɓak anaba, Ҥoŋzi namma hin ɦam ki gasi maŋ suu duu suu vi mul ma Babilonna. Asi hin tli ɦoŋzi namma.»

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

JEREMI 38:8

Ebed-Melek col tuɗ di mulna.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

YOORA 1:14

Gola ndaɗ ki ɗakiya. Coonda ni ko mbalna na. Ndaɗ ki ɗuɗira hu duk komu. Ndaɗ ki njunira delenu. Nam mbuɗun saɓak manna a li cora. Bu Suuna ɦan ki ni ko suu ko ndaɗta nana. An ka ndak a col kolo u senɗi.

AMOS 7:13

Na may kaŋga Bethel tani wanni aŋ tin uŋ a jok boy namma ki oloɗi kay ana ni givin ma togolla vi mulnana, ni ziŋ mulnana.»

Boy Ma Ayra Ma LUK Ɓiirimma 20:2

Asi dam ana, «Aŋ li tlegeyeŋŋi u saɓak gege? Sa ɦaŋ voɗta a li tlege suu asina ni gege?»